კამპანია „ეს შენ გეხბა, ისევ გვისმენენ“ ფარგლებში, ზუგდიდში, მოქალაქეებთან საინფორმაციო შეხვედრა გაიმართა. ამასთან, კამპანიაში ჩართულმა არასამათავრობო ორგანიზაციის წარმომადგენლება მაჟორიტარი დეპუტატის სახელზე ხელმოწერებიც შეაგროვეს, რათა, მათივე განმარტებით, დროულად მოხდეს საკანონმდებლო ინიციატივების განხილვა და მიღება, რომელიც  მოსმენა- მიყურადების საერთაშორისო ჩარჩოებში მოქცევას ითვალისწიებს. „წლების განმავლობაში მოქალაქეებს უსმენდნენ კანონის გვერდის ავლით, ეს ხდებოდა სისტემატურად. ხელისუფლების შეცვლის შემდეგ, მიუხედავად ხელისუფლების დაპირებისა,  ეს პრაქტიკა არ აღმოფრხვრილა. ამიტომაც არასამთარობო ორგანიზაციები მოქალაქეებს მოვუწოდებთ, შემოუერთდნენ ამ აქციას და ხელი მოაწერონ პეტიციას რათა მაჯორიტარები იძულებულები გახდენ დროულად განიხილონ ეს თემა“, - აღნიშნა ჟურნალისტებთან საუბარში „საერთაშორისო გამჭვირვალობა - საქართველოს“ სამეგრელო-ზემო სვანეთის წარმამადგენლობის ხელმძღვანელმა მალხაზ ჭკადუამ. მოქალაეების ნაწილმა მაჟორიტარი დეპუტატის, როლანდ ახალაიას სახელზე შემუშავებულ მიმართვას ხელი მოაწერეს. ერთ-ერთი ხემომწერის ციცინო შენგელიას თქმით, უკანონო მოსმენა - მიყურადება თითოეულ მოქალაქეს აწუხებს და ამ კამპანიას ყველა უნდა შეუერთდეს. „ ხშირად არის საუბარი, რომ გვისმენენ ყველას, განურჩევლად სამუშაო ადგილისა, რაც მიმაჩნია, რომ არის ადამიანის უფლებების დარღვევა“, -  ამბობს ციცინიო შენგელია. ცნობისთვის, კამპანია „ეს შენ გეხბა, ისევ გვისმენენ“ საქართველოს ყველა დიდ ქალაქში ერთდროულად გაიმარა.