ბათუმის არასამთავრობო ორგანიზაციამ „დემოკრატიის ინსტიტუტი“ პარტნიორ ორგანიზაციებთან ერთად მიმდინარე წლის თებერვლის თვიდან დაიწყო კოალიციური პროექტის „კომუნალური სერვისის მომხმარებელთა სამოქალაქო ინტერესების დაცვის კამპანია“ -ის განხორციელება. პროექტი მიზნად ისახავს კომუნალური სერვისების(ელექტრო ენერგია, წყალმომარაგება, გაზმომარაგება) მიღების პროცესში, მოქალაქეების უფლებრივი მდგომარეობის გაუმჯობესებას. პროექტი ერთდროულად საქართველოს ცხრა რეგიონში ხორციელდება და მასში ჩართულია „სამოქალაქო საზოგადოების რეგიონული ქსელის“ (R-CSN) წევრი ორგანიზაციები: ასოციაცია ‘’ათინათი’’, სამოქალაქო განვითარების სააგენტო (სიდა), გორის საინფორმაციო ცენტრი, კახეთის რეგიონული განვითარების სააგენტო, დემოკრატ მესხთა კავშირი, საქართველოს ახალგაზრდა იურისტთა ასოციაციის ქუთაისის ფილიალი, ლანჩხუთის საინფორმაციო ცენტრი, ძალადობისაგან დაცვის ეროვნული ცენტრის მცხეთა-მთიანეთის კომიტეტი; პროექტი ხორციელდება აღმოსავლეთ-დასავლეთის მართვის ინსტიტუტის (EWMI) პროგრამის - „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების“ (G-PAC) ფარგლებში USAID-ის დაფინანსებით.