,,სამეგრელოს ხმის" ხელმძღვანელ თენგიზ ჯგუშიას მიმართ პოლიტიკური დევნის შეწყვეტის მოთხოვნით საგანგებო საპროტესტო აქცია-მსვლელობა სამეგრელოს ხმის ოფისიდან დაიწყო და საოლქო პროკურატურასთან  დასრულდა. "ცრუ დამსმენის და მაბეზღებლის,,,ოცნების"აქტივისტის მერაბ ქვარაიას საჩივრის საფუძველზე თენგიზ ჯგუშიას წინააღმდეგ სამეგრელოს პროკურატურის ქმედებებმა აშკარა პოლიტიკური დევნის სახე მიიღო."-აცხადებენ მოძრაობაში. "22 მაისს გამართულ სასამართლო სხდომაზე, პროკურატურამ გამოიყვანა დამუშავებული და მოსყიდული მოწმეები, პოლიციის ორი თანამშრომელი ჭაჭუა და კიტია, რომლებმაც უღალატეს ღირსებას და პროფესიულ სინდისს და მისცეს ცრუ ჩვენება თენგიზ ჯგუშიას წინააღმდეგ, - თითქოს თენგიზ ჯგუშიამ ცეცხლსასროლი იარაღი, რომლის მეშვეობითაც ჰაერში გასროლის გზით მოახდინა ქვარაიას და მასთან ერთად მყოფი სხვა თავდამსხმელების მოგერიება, თავდაცვა და სიტუაციის განმუხტვა, - თურმე პოლიციას ჩააბარა არა ნებაყოფლობით, არამედ პოლიციის მოთხოვნის შემდეგ, რაც არსებითად ცვლის რეალურ სურათს და მიმართულია იქითკენ, რომ თენგიზ ჯგუშიას მიმართ დადგეს გამამტყუნებელი განაჩენი პატიმრობის პერსპექტივით."-აცხადებს ჯგუშია. აქციის მონაწილეები აცხადებენ,რომ "პროკურატურის ასეთი დაუნდობელი მიდგომა უსწრაფესად მას შემდეგ გამოიკვეთა, რაც თენგიზ ჯგუშიამ საზოგადოების წარმომადგენლებთან ერთად ჩაატარა რამდენიმე აქცია დაზარალებული ადამიანების დასაცავად, პოლიციელ გუბერნატორ შონიას გადადგომის მოთხოვნით, ,,ოცნების" მიერ ადმინისტრაციული რესურსის გამოყენების და ანტიდისკრიმინაციული კანონის წინააღმდეგ და ამასთანავე სათავეში ჩაუდგა ზუგდიდში ,,არასაპარლამენტო ოპოზიციის" და ზუგდიდის მერობის კანდიდატ ირაკლი ღურწკაიას საარჩევნო კამპანიას". საოლქო პროკურატურასთან ჯგუშიას მომხრეებს მიმდინარე წლის 20 მარტს დაღუპული ლევან ქარჩავას ახლობლები დახვდნენ. ჯუშიამ პროკურატურა ქარჩავას საქმის არაობიექტურად გამოძიებაში დაადანაშაულა. <iframe width="640" height="480" src="//www.youtube.com/embed/7UCjG1CGXpg" frameborder="0" allowfullscreen></iframe>