სტენფორდის უნივერსიტეტის ისტორიკოსმა, უოლტერ შეიდელმა, რომის იმპერიის დაწვრილებითი ინტერაქტიული რუკა (http://orbis.stanford.edu/) შექმნა. რუკაზე 632 პუნქტია აღნიშნული, მატერიკულ ევროპაში, დიდ ბრიტანეთში და აფრიკის ტერიტორიაზე. რუკა, შესაძლებლობას იძლევა უდიდესი იმპერიის გეოგრაფია შეფასდეს და ასევე გაირკვეს რა დრო სჭირდებოდა ერთი პუნქტიდან მეორეში გადაადგილებას ჩვენი წელთაღრიცხვით 200 წელს. რუკა ასახავს 10 მლნ კვადრატულ მეტრ მიწის და ზღვის ფართობს. მასზე დატანილია 84 631 კილომეტრი გზა, 28 272 კილომეტრი საზღვაო და მდინარის მანძილები, ასევე მითითებულია ქალაქები და უღელტეხილები. მოგზაურობა შესაძლებელია ფეხით, ცხენით, ურმით. ასევე შესაძლებელია სამხედრო მარშში მონაწილეობა. მაგალითად, მოგზაურობას ლონდინიუმიდან (ამჟამინდელი ლონდონი) რომში, 200 წლის ივნისში 21 დღე დასჭირდებოდა. გასავლელი იქნებოდა 2643 კილომეტრი გზა და თითო მოგზაურს ეს 1030 დაუჯდებოდა.