ჯიმ ქერიმ და ჯეფ დენიელსმა არ დააყოვნეს და მანამ, სანამ “ლუსის” კინოგაქირავება ჯერ კიდევ საკმაოდ წარმატებულია, ფილმის ოფიციალური პოსტერის პაროდიები გამოაქვეყნეს. ეს გამოიწვია ფილმის წინასიტყვაობამ: “ადამიანს ტვინის მხოლოდ 10%-ის გამოყენება შეუძლია. წარმოიდგინეთ, რა მოხდებოდა, 100%-ის გამოყენება რომ შეგვეძლოს.” ჯიმმა და ჯეფმაც არ დააყოვნეს, გაიხსენეს თავიანთი “ჩლუნგი და ჩლუნგზე უფრო ჩლუნგი” პერსონაჟები და სკარლეტს გამოეხმაურნენ პოსტერებით, რომლებზეც წერია: “ადამიანს ტვინის მხოლოდ 10%-ის გამოყენება შეუძლია. წარმოიდგინეთ, რა მოხდებოდა, 1%-ის გამოყენება რომ შეგვეძლოს!” შეგახსენებთ, რომ ფილმის “ჩლუნგი და ჩლუნგზე უფრო ჩლუნგი” მეორე ნაწილი 14 ნოემბერს გამოვა კინოეკრანებზე. მისი რეჟისორები ბობი და პიტერ ფერელები არიან. სცენარი შონ ანდერსს, მაიკ კერონს, ჯონ მორისსა და ბენეტ იელინს ეკუთვნის. ფილმის რეალიზებაზე კი ისევ და ისევ Universal Pictures-მა იზრუნა.