„ერთად შევაჩეროთ ძალადობა“ - დისკუსია ზუგდიდში (ვიდეო)
ქალაქ ზუგდიდის ცენტრალურ ბიბლიოთეკაში, ქალაქის საკრებულოს ინიციატივით, ოჯახში ძალადობის თემაზე დისკუსია გაიმართა. შეხვედრას სასულიერო პირი, სამართალდამცავი სტრუქტურის, სოციალური სააგენტოს, არასამთავრობო ორგანიზაციებისა და თვითმმართველი ოგანოების წარმომადგენლები დაესწრნენ. სამართალდამცავი ორგნოების წარმომადგნლების განმარტებით, ოჯახში ძალადობის ფაქტზე გამოძახება და შემაკავებელი ორდერის გამოცემა ხშირია. მათივე განმარტებით, ძალადობის გამოვლენის შემთხვევაში დგება მოძალადის მიმართ ადმინისტრაციული სასჯელი - პატიმრობა 7 დღის ვადით, მესამე შემთხვევაში კი, სისხლის სამართლი პასუხისმგებლობის საკითხი. ძალადობის სამეგრელო-ზემო სვანეთის რეგიონული კომიტეტის თავმჯდომარის ხათუნა ბეჭვაიას განცხადებით, სტატისტიკა ოჯახში ძალადობის შესახებ საგანგაშოა. მისივე ინფორმაციით, ბოლო ერთი თვის განმავლობაში 2 ზუგდიდელი ქალის თავშესაფარში გადაყვანა გახდა საჭირო.
სოციალური სააგენტოს წარმომადგენელმა შეხვედრაზე განაცხადა, რომ ოჯახში ძალადობის შედეგად, ყველაზე მეტად ბავშვები ზარალდებიან და ისინი ძალადობის ირიბი მსხვერპლები ხდებიან. „პირველ კლასელი ბავში შუა გაკვეთილზე დგებოდა და მასწავლებელს ეუბნებოდა: „თავი, რომ მოვიკლა რა მოხდებაო?“ ამ ბავშვს სულაც არ სცემდა მამა, თუმცა დედას კარგად უსწორდებოდა“, - აღნიშნა შეხვედრაზე სოციალური სამსახურის წარმომადგენელმა ლიკა ჟვანიამ.
დეკანოზმა ანდრია კემულარიამ აღნიშნა, რომ ოჯახში ძალადობა ქართველების ტრადიცია არ არის და ეს უკანასკნელი ერს გენში არა აქვს . დეკანოზმა საქართველოში წმინდა ნინოს შემოსვლაზე და ქვეყნის გაქრისტიანებაზე ისაუბრა და თქვა, რომ საქართველო ერთადერთი ქვეყანაა, სადაც მოციქულებს და მქადაგებლებს არ გაუსწორდნენ. სასულიერო პირი ფიქრობს, რომ ძალადობის მიზეზი სიყვარულის ნაკლებობაა. ზუგდიდის საკრებულოს თავმჯდომარის მერაბ ქვარაიას განცხადებით, დღევანდელი შეხვედრა არ იქნება ერთჯერადი სახის და მსგავსი შინაარსის დისკუსიები ხშირად გაიმართება.
მასალის გამოყენების პირობები