"თავისუფალი დემოკრატების“ ფრაქცია "ხობი"დაიშალა,ამის შესახებ ფრაქციის თავმჯდომარემ როსტევან გვარამიამ განაცხადა.გვარამიას განცხადებით, ის თავისუფალი დეპუტატია და არცერთ პარტიაში არ ყოფილა, დატოვების მიზეზად კი გვარამია განმარტავს,რომ „ის ეროვნული კაცია და "თავისუფალი დემოკრატების" კურსი მისთვის მიუღებელია“. გვარამიამდე ფრაქცია და პარტია დატოვა ხობის საკრებულოს კიდევ ერთმა წევრმა ლაშა გვასალიამ. ფრაქციაში სულ 4 წევრი იყო, მისი არსებობისთვის კი 3 წევრია საჭირო.ხობის საკრებულოს საზოგადოებასთან ურთიერთობის სამსახურში კი აცხადებენ, რომ ფრაქციის დაშლის შესახებ წერილობითი განცხადება საკრებულოში ამ დრომდე არ შემოსულა. თუმცა საკრებულოში აცხადებენ, რომ გვარამიას მხრიდან ფრაქციის დატოვების შესახებ ინფორმაციას ფლობენ. ფრაქციის წევრი და "თავისუფალი დემოკრატების" ხობის რაიონული ორგანიზაციის თავმჯდომარე ნუგზარ შუშანია აცახდებს, რომ როსტევან გვარამია და ფრაქციის კიდევ ერთი წევრი ბეჟან ქირია პარტია „თავისუფალი დემოკრატების“ წევრები არ იყვნენ. ნუგზარ შუშანიას განცხადებით,ის პარტიის რაიონული ორგანიზაციის თავმჯდომარედ რჩება და თანაგუნდელებთან ერთად მუშაობას განაგრძობს.