ჰოლივუდის მსახიობი ლუპიტა ნიონგო მძრაცველების მსხვერპლი გახდა. ოსკაროსან მსახიობს მარგალიტის თვლებით გაწყობილი კაბა მოპარეს.
პორტალ TMZ-ის ინფორმაციით, ინციდენტი ლოს-ანჯელესში სასტუმრო London West Hollywood-ში ორი დღის წინ მოხდა. სამართალდამცველები უკვე სწავლობენ სასტუმროს ვიდეოკამერების ჩანაწერებს.
კენიელ მსახიობს ეს კაბა წელს ამერიკის უმაღლესი კინოაკადემიის დაჯილდოების ცერემონიაზე ეცვა. კაბის ღირებულება 150 ათას დოლარს შეადგენს.
ლუპიტა ნიონგოს დებიუტი დიდ ეკრანზე 2013 წელს შედგა, მან სტივ მაქუინის ფილმში „მონობის 12 წელი“ შესრულებული როლისათვის „ოსკარი“ მიიღო.
2014 წლის დასაწყისში ჟურნალმა People-მა ნიონგო წლის ულამაზეს ქალად დაასახელა. დეკემბრის ბოლოს კი ჟურნალმა Fitness Magazine-მა ლუპიტა შოუ-ბიზნესის ვარსკვლავებს შორის საუკეთესო სხეულის მქონე ქალად აღიარა.
მასალის გამოყენების პირობები