მეგის ქარდავას ცოლისძმა დანით დაჭრეს
ზუგდიდში,გვიან ღამით,მეოთხე საჯარო სკოლის წინ მდებარე სამრეცხაოსთან ყოფილი მაღალჩინოსნის მეგის ქარდავას ცოლისძმა ირაკლი ფიფია ცივი იარაღით დაჭრეს.
ირაკლი ფიფია ზუგდიდის რესპუბლიკურ საავადმყოფოში შოკურ მდგომარეობაში მიიყვანეს. ექიმების განცხადებით, ამ დროისთვის მისი ჯანმრთელობის მდგომარეობა სტაბილურია. ირაკლი ფიფია და მისი ოჯახის წევრები მომხდარზე კომენტარს არ აკეთებენ.
აღნიშნულ ფაქტთან დაკავშირებით აღძრულია სისხლის სამართლის საქმე 118-ე მუხლით, რაც ჯანმრთელობის განზრახ,ნაკლებად მძიმე დაზიანებას გულისხმობს. პოლიციამ უკვე დაკითხა ავტოსამრეცხაოს თანამშრომლები, რომლებიც ინციდენტს შეესწრნენ, თუმცა უცნობია რა სახის ჩვენება მისცეს მათ სამართალდამცავებს.
ირაკლი ფიფია 2012 წლის არჩევნებამდე კონსტიტუციური უსაფრთხოების დეპარტამენტში მუშაობდა.
მასალის გამოყენების პირობები