გასული წლის მაისში ანჯელინა ჯოლიმ საზოგადოება განაცვიფრა, როდესაც კიბოს პროფილაქტიკის მიზნით ორივე ძუძუ მოიკვეთა. ახლა კი ცნობილი გახდა, რომ მსახიობმა კიდევ ერთი სერიოზული ოპერაცია გაიკეთა - მას საკვერცხეები ამოკვეთეს. „მე შვილების გაჩენას ვეღარ შევძლებ და მომავალშიც რამდენიმე ფიზიკურ ცვლილებას ველოდები. საშვილოსნოს მილები და საკვერცხეები ამომაჭრეს, თუმცა საშვილოსნო დავიტოვე. არ მინდა, რომ რომელიმე ჩემი ნათესავი ამ ორგანოს დაავადებით იტანჯებოდეს“, - განაცხდა მსახიობმა The New York Times-სთან ინტერვიუში. ანჯელინა ჯოლის თქმით, კიბოს უჯრედების აქტივობის გამოსავლენი ტესტის შედეგები დამშვიდების საფუძველს არ იძლეოდა. სწორედ ამ შედეგებმა უბიძგა ვარსკვლავს ასეთი მნიშვნელოვანი გადაწყვეტილების მიღებისკენ. „მე გავიარე ის, რასაც სხვა ათასობით ქალი გადის. ჩემს თავს პირობა მივეცი შემენარჩუნებინა სიმშვიდე, ვყოფილიყავი ძლიერი, ასევე არ მეფიქრა იმაზე, რომ შესაძლოა არ მეცოცხლა ჩემი შვილების გაზრდამდე და არ მოვსწრებოდი იმ დღეს, როდესაც ისინი შვილიშვილებს მაჩუქებდნენ“, - განაცხადა ვარსკვლავმა და აღნიშნა, რომ სამწუხაროდ ოპერაცია ყველაფერს არ შველის. „რა თქმა უნდა ყველანაირი რისკის აღმოფხვრა შეუძლებელია და ფაქტია ისიც, რომ მე სიმსივნის დაავადებისადმი მიდრეკილი ვარ, მოვძებნი ბუნებრივ საშუალებებს, რათა გავიძლიერო ჩემი იმუნური სისტემა“- აღნიშნა მსახიობმა.