იაპონურმა კორპორაცია SoftBank Robotics-მა განაცხადა, რომ ხვალიდან, 20 ივნისიდან, ახალი რობოტის, Pepper -ის პირველი პარტიის გაყიდვებს იწყებს. მწარმოებელის შეფასებით, Pepper-ი მსოფლიოში პირველი რობოტია, რომელსაც ადამიანის ემოციების აღქმის უნარი გააჩნია. რობოტი, მეპატრონის სახის გამომეტყველების და წარმოთქმული სიტყვების მიხედვით გაარკვევს მის იმწუთიერ ხასიათს და შემდეგ დამოუკიდებლად გაუკეთებს სინთეზირებას თავის ემოციებთან, რომელსაც გამოხატავს ხმის ტონით და ჟესტებით. Pepper-ი, თავისი სენსორების და კამერების მეშვეობით, ასევე რეაგირებს გარემოზე. მაგალითად, უეცრად ანთებულ შუქს ოთახში, რობოტის შეშინება შეუძლია. მოსალოდნელია, რომ რობოტის გამოყენება შეიძლება როგორც სახლის პირობებში, ასევე კორპორაციულ გარემოში. Pepper-ის ბიზნეს-ვერსია ჩაფიქრებულია, როგორც ელექტრონული მდივანი, რომელიც მნახველევის კითხვებს პასუხობს და მათ გადაადგილების მარშუტს კარნახობს. პირველი პარტიის, 1000 რობოტის გაყიდვა 20 ივნისს იაპონიაში დაიწყება და თითოს ფასი 198 000 იენა ($1600) იქნება. სხვა ქვეყნებში გაყიდვების შესახებ ინფორმაციას SoftBank Robotics-ი ივლისში დაგეგმილ პრესკონფერენციაზე გააჟღერებს. სამუშაო ადგილები, სადაც ადამიანურ რესურსს ტექნოლოგიები ჩაანაცვლებს