გვიან ღამით "ნაციონალური მოძრაობის" ზუგდიდის ორგანიზაციის ოფისი დაარბიეს. ორგანიზაციის პარტიული მდივნის თემურ ბასილაიას ინფორმაციით, შენობის მინები ჩამტვრეულია და კედლები წითელი საღებავითაა შეღებილი. ადგილობრივი ორგანიზაცია ინციდენტის ამსახველ ვიდეო მასალას ავრცელებს, სადაც ჩანს რამდენიმე ნიღბიანი პირი საღებავებითა და ქვებით როგორ აზიანებს შენობას. "ნაციონალური მოძრაობა" პასუხისმგებლობას ადგილობრივ ხელისუფლებას აკისრებს. ბასილაიას თქმით, მსგავსი შემთხვევები ქვეყნის მასშტაბით უკვე პერმანენტულ ხასიათს იღებს, სისტემატურად ხდება პარტიის წევრებზე სხვადასხვა სახის ზეწოლები, რომელიც ამ დრომდე რეაგირების გარეშეა დარჩენილი. ინციდენტთან დაკავშირებით, აღძულია სისხლის სამართლის საქმე და მიმდინარეობს გამოძიება.