რეგიონალური განვითრებისა და ინფრასტრუსქტურის მინისტრის მოადგილე შოთა მურღულიამ დღეს,21 ივლისს ზუგდიდში, სტიქიის შედეგად დაზარალებული სოფლები მოინახულა. მინისტრის მოადგილე ზარალის დამთვლელ კომისიასთან ერთად ადგილზე გაეცნობა ინფრასტრუქტურულ და ინდვივიდუალურ ზარალს. ამის შესახებ რადიო "ათინათს" ზუგდიდის მუნიციპალიტეტის საზოგადოებასთან ურთიერთობის ბიუროს ხელმძღვანელმა მაია ღურწკაიამ განუცხადა. მისივე განმარტებით, სტიქიის შედეგად მიყენებული ზარალის ოდენობა დღის ბოლოს გახდება ცნობილი. მინისტრის მოადგილემ, ზუგდიდის მუნიციპალიტეტის გამგებლის მოვალეობის შემსრულებელ ედიშერ თოლორაიასთან ერთად, სოფელი დიდინეძი მოინახულა, სადც ადგილობრივ მოსახლეობას შეხვდა, ასევე დაათვალიერა მდინარე ჯუმის მიდამოები, სადაც ნაპირსამაგრი სამუშაოები ხვალიდან დაიწყება. მინისტრის მოადგილე შოთა მურღულია ასევე მოინახულებს ანაკლიაში, ჭაქვინჯში, ჯიხაშკარში და კოლხიდაში, წყალდიდობით დაზარალებულ ოჯახებს, როგორც რადიო "ათინათთან" საუბარში მაია ღურწკაია განმარტავს,ხარჯთაღიცხვა უკვე შედგა და ყველა დაზარალებულ ოჯახს ზარალი აუნაზღაურდება.