ხურჩა-ნაბაკევის ადმინისტრაციულ საზღვარზე რუსი მესაზრვრეების მიერ მავთულხლართების გავლების პროცესი არ მიმდინარეობს. ამის შესახებ რადიო "ათინათის" ჟურნალისტი ხურჩა-ნაბაკევის ე.წ საზღვრიდან, ადგილობრივებზე დაყრდნობით, იუწყება. „ამ დილით გადმოვედი საზღვარზე, ახლა უკან ვბრუნდები, არანაირი მავთულხლართების გაბმა არ მიმდინარეობს, “- ამბობს ნაბაკევის მკვიდრი ი. ბ. "ვერ გავიგეთ რა უნდა იმ ხალხს ვინც ასეთ ინფორმაციას ავრცელებს. ძალით რატომ აღიზიანებენ რუსებს. იქ მაინც გვაცალონ ცხოვრება", - ამბობს ნაბაკევის მკვიდრი გ.ტ. ამასთან, სოფელ ხურჩის და ოკუპირებული ნაბაკვევის მოსახლეობა ამბობს, რომ პანიკის საფუძველი არ არსებობს. მათივე თქმით, არც საზღვარზე გადაადგილების დროს ექმნებათ განსაკუთრებული პრობლემები დილიდან საინფორმაციო სააგენტოებში გავრცელდა ინფორმაცია, რომ ზუგდიდის მუნიციპალიტეტის სოფლები ხურჩა და განმუხური, შესაძლოა, აფხაზეთის ოკუპირებულ ნაწილს მიუერთონ და რუსმა სამხედროებმა იქ მავთულხლართების გავლება დაიწყონ.