მიხეილ სააკაშვილი  დღეს,  27 ოქტომბერს ანაკლიაში იმყოფებოდა. პრეზიდენტმა ანაკლიის ბულუარში ივარჯიშა და  მოგვიანებით განმუხურში მშენებარე ერთ–ერთი სასტუმრო კომპლექსი დაათვალიერა. პრეზიდენტმა მედიასთან საუბრისას  განაცხადა, რომ ანალკიაში მშენებლობების გაჩერება დამღუპველია ქვეყნისთვის.  პრეზიდენტის თქმით, ის რამდენიმე დღე თუ კვირა ვალდებულია თავისი მოვალეობა და დაწყებული საქმიანობა ბოლომდე შეასრულოს. აქვე პრეზიდენტმა  დღვანდელი არჩევნები ფეხბურთის მატჩს შეადარა. და განაცხადა რომ  "მიმდინარეობს ფეხბურთის მატჩი. ორი გუნდი თამაშობს და შეხედავ, ნორმალურად მიმდინარეობს, მერე ერთი გუნდის მწვრთნელს არ მოეწონება, გამოვა პისტოლეტით და მოკლავს მეორე გუნდის ფეხბურთელს, ან სიტყვაზე ვიღაცას ჩასვამს ციხეში. ან, ეს არ გვინდა, ეს ჩავსვათ ციხეში, ან მოდი გააგრძელეთ, ითამაშეთ, ითამაშეთ. თამაში კი ნორმალურია დაახლოებით ასე იყო ჩვენი საარჩევნო კამპანია", – განაცხადა პრეზიდენტმა მედიასთან საუბარში. მან ასევე,  ახალი პრეზიდენტის ინაუგურაციის შემდეგ მისი საქართველოდან შესაძლო წასვლის შესახებ გავრცელებულ ინფორმაციას გამოეხმაურა. პრეზიდენტის  განცხადებით, ვერც საქართველოში ყოფნას და ვერც უცხოეთში გამგზავრებას ვერავინ აუკრძალავს, თუმცა ის ქვეყანაში რჩება. მისი განცხადებით, დღევანდელ საარჩევნო პროცესებზე მას ინფორმაცია არ აქვს, რადგან დილიდან ანაკლიაში ვარჯიშობს და დღევანდელი დღე მისთვის ჩვეულებრივია. მიხეილ სააკაშვილი განმუხურის შემდეგ თბილისში გაემართა, სადაც 15:00 საათზე არჩევნებში მიიღებს მონაწიელობას.