უშიშროების საბჭოს ყოფილი მდივნის, გიგა ბოკერიას მეუღლე თამარ ჩერგოლეიშვილი ბოკერიას დაჭერის შემთხვევაში, ბიძინა ივანიშვილს და ირაკლი ღარიბაშვილს "ჯოჯოხეთის მოწყობას პირდება". ამის შესახებ ჩერგოლეიშვილმა დღეს მეუღლის მხარდასაჭერად პროკურატურასთან მისვლისას განაცხადა, სადაც გიგა ბოკერია მოწმის სახით დაკითხვაზე იმყოფება. "ბიძინა ივანიშვილი,უკვე წელიწადნახევარია გიგას დაჭერას აანონსებს.ნებისმიერი საერთაშორისო კრიტიკის შემდეგ, მას ახსენდება რაღაც ხარჯები, რომელიც, თურმე ლობისტებზე დაიხარჯა – ასე გამოიყურება პროვინციული ჰაკიმ ფაშიზმი. მაგრამ, არა უშავს, ვნახოთ, რეალურად ეს მოწმის სახით დაკითხვაც ხომ ფარსია. ბრალის წაყენება უნდათ ხომ? ვნახოთ, რით დამთავრდება ეს ყველაფერი. სადაც ნელსონ მანდელა იჯდა ციხეში 23 წელი, რამენაირად ჩემი ქმარიც ამას გადაიტანს, მაგრამ ბიძინა ივანიშვილს და ღარიბაშვილს ვპირდები, რომ ჯოჯოხეთს მოვუწყობ",-აცხადებს ბოკერიას მეუღლე.