NDI-ის პოლიტიკური რეიტინგებით გამოწვეულ ხელისუფლების კრიტიკას ეროვნულ-დემოკრატიული ინსტიტუტის საქართველოს ორგანიზაციის ხელმძღვანელი გამოეხმაურა. ლუის ნავარომ განაცხადა, რომ ნებისმიერს შეუძლია არ დაეთანხმოს მათ კვლევებს, თუმცა, მიუხედავად ამისა, ისინი ყოველთვის ელოდებიან შედეგებს. „პოლიტიკოსები ამერიკის შეერთებულ შტატებში ყოველთვის ამბობენ, რომ მათთვის ყველაზე სანდო და მნიშვნელოვანი კვლევა არჩევნების დღეს იდება და ეს არჩევნების შედეგებია. ჩვენ, სულ ახლახან გავაცანით „ქართული ოცნების" წარმომადგენლებს კვლევის შედეგები და რა კომენტარებიც არ უნდა გაეკეთებინა ხელისუფლებას დღეს, როგორც ჩვენს წინასაარჩევნო დელეგაციის განცხადებაშიცაა ნათქვამი, ადამიანებს შეუძლიათ არ დაეთანხმონ ჩვენი კვლევების შედეგებს, მაგრამ, ისინი ყოველთვის დიდი ინტერესით ელოდებიან და აკვირდებიან თუ რა შედეგებს ვაჩვენებთ", - განაცხადა ლუის ნავარომ. კვლევის შედეგები NDI-იმ გუშინ გამოაქვეყნა. რეიტინგების ციფრებს უმრავლესობა არ იზირებს და კვლევის შედეგებს უნდობლობას უცხადებს.