რუსეთისა და უკრაინის პრეზიდენტების კრემლში შეხვედრის შემდეგ, გამოცხადდა, რომ რუსეთის გაზი უკრაინისთვის გაიაფდება და ათასი კუბური მეტრი 400 დოლარის ნაცვლად 268 დოლარი ეღირება. შეთანხმებას უკრაინისა და რუსეთის მთავრობათაშორისმა კომისიებმა მოაწერეს ხელი. თუმცა ვლადიმირ პუტინმა დააზუსტა ამ დროებითი შეთანხების დეტალები. უკრაინის ვიცე - პრემიერმა, იურია ბოიკომ განაცხადა რომ ფასდაკლება გაზზე 2014 წლის 1 იანვრიდან 2019 წლის ბოლომდე იმოქმედებს, როდესაც „ნეფტეგაზსა“ და „გაზპრომს“ შორის დადებული ამჟამინდელი კონტრაქტის ვადა ამოიწურება. ვიქტორ იანუკოვიჩისა და ვლადიმირ პუტინის მოლაპარეკებები, ასევე დაგვირგვნდა შეთანხმებით, რომლის თანახმად, რუსეთი თავისი ეროვნული კეთილდღეობის ფონდიდან უკრაინას 15 მილიარდ დოლარს გამოუყოფს ფასიან ქაღალდებში დასაბანდებლად. რუსეთის პრეზიდენტის განცხადებით შეხვედრაზე არ განიხილებოდა უკრაინის საბაჟო კავშირში შესვლის საკითხი. ჯერჯერობით უცნობია, რა პირობა დადო უკრაინის პრეზიდენტმა ვიქტორ იანუკოვიჩმა, რუსეთის გულუხვობის სანაცვლოდ.