ებოლას ვირუსის პირველი შემთხვევა გამოვლინდა შეერთებული შტატების დედაქალაქში. ვირუსი ნიუ-იორკელ მამაკაცს კერიგ სპენსერს დაუდასტურდა. ინფიცირებული პაციენტი საერთაშორისო ორგანიზაციის “ექიმები საზღვრებს გარეშე“ წევრია და რამდენიმე დღის წინ გვინეადან დაბრუნდა. პარალელურად, შედარებით გაუმჯობესდა დალასელი ექთნის მდგომარეობა. დაკვირვების ქვეშ რჩება მისი ძაღლიც, რომელიც ებოლას ვირუსისგან განიკურნა. ვირუსის გავრცელებაში მთავარ პრობლემად ქვეყნებს შორის მოსახლეობის გადაადგილებას მიიჩნევს ფრანსუა ოლანდი, რომელმაც ამის შესახებ ევროკავშირის მინისტერიალზე განაცხადა. ჯანდაცვის მსოფლიო ორგანიზაციის ინფორმაციით, მომაკვდინებელი ვირუსი დასავლეთ აფრიკაში ისევ ვრცელდება.