რეგიონი
ზუგდიდელი მოსწავლეების 8%-სთვის ინტერნეტი ხელმიუწვდომელი იყო
ზუგდიდის საგანმანათლებლო რესურსცენტრის ინფორმაციით, ონლაინ გაკვეთილებს მოსწავლეების 92% ესწრებოდა. რესურსცენტრის ხელმძღვანელის კახა ფარცვანიას თქმით, დარჩენილი 8%, ძირითადად, სოფლის სკოლების მოსწავლეებზე მოდის.

„ინტერნეტის გარეშე დარჩენილ მოსწავლეებს მასწავლებლები ტელეფონის საშუალებით უკავშირდებოდნენ და ტელესკოლის გაკვეთილების შედეგების უკუკავშირს იღებდნენ. მოსწავლეების ჩართულობა თავიდან იყო მაღალი. ბოლოსკენ იკლო, თუმცა ეს კლება არ იყო მნიშვნელოვანი. ვფიქრობ, ამაზე გავლენა საგანგებო მდგომარეობის დასრულებამ იქონია, მშობლები დაუბრუნდნენ სამსახურებს და ბავშვებს, ასევ ვთქვათ, არავინ უწევდა კონტროლს“, - აღნიშნა მან.

შესაბამის კითხვაზე კახა ფარცვანია პასუხობს, რომ მუშაობენ ინტერნეტის საკითხზე, რათა ის თითოეული მოსწავლისთვის ხელმისაწვდომი იყოს.

„არ ვზივართ გულხელდაკრეფილები, როგორც სამინისტრო, ასევე ჩვენ, ადგილობრივ დონეზე განვიხილავთ სხვადასხვა შესაძლებლობას. შეიძლება მოხდეს ინტერნეტ პაკეტების შეძენა იმ მოსწავლეებისთვის, თუ ამის საჭიროება იქნება“, - ამბობს ის.

რესურსცენტრის ხელმძღვანელი ონლაინ გაკვეთილების დადებით და უარყოფით მხარეებზე საუბრობს და ამბობს, რომ საბოლოო ჯამში, ონლაინ რეჟიმში გაკვეთილების სრულყოფილად ჩატარება შეუძლებელია.

„ყველაფერს აქვს თავისი დადებითი და უარყოფითი მხარეები. დადებითი იყო ის, რომ მოსწავლეებმა და მასწავლებლებმაც გაითავისეს ტექნოლოგიების გამოყენების ცოდნის აუცილებლობა. ეს იყო საკმაოდ საინტერესო გამოწვევა და შეიძლება ვთქვათ, რომ ის საკმაოდ წარმატებულად დავძლიეთ. თუმცა ამ ყველაფერს ჰქონდა თავისი მინუსი. მაგალითად, ბავშვი შეიძლება იყოს ონლაინ, მაგრამ ის არ ესწრებოდეს სასწავლო პროცესს, გაპარული იყოს. დროში შეზღუდვის გამო, გაკვეთილების სრულფასოვანი ჩატარება შეუძლებელი იყო. რეკომენდაცია არის, რომ ბავშვები დიდხანს არ მივაჯაჭვოთ ინტერნეტს და მათ ჯანმრთელობას არ შევუქმნათ საფრთხე“, - განმარტა რესურსცენტრის ხელმძღვანელმა.

ჩვენს კითხვაზე, როგორ წარმოუდგენია მას, როგორც პედაგოგს, პირველკლასელთა ონლაინ სწავლება, ამბობს, რომ მისთვის ეს წარმოუდგენელია და სკოლები სხვადასხვა გეგმაზე მუშაობენ.

„ვფიქრობთ გამოსავალზე და შესაძლებელია პირველკლასელები მთლიანად დისტანციურ რეჟიმზე არ იყვნენ. ყველა სკოლას ექნება ინდივიდუალური „ბ“ გეგმა. სექტემბრისთვის უკვე გვექნება კონკრეტული გადაწყვეტილება მიღებული ამ თემაზე. ამ ეტაპზე რა გეგმებსაც განვიხილავთ, ყველა სკოლის დირექტორი მოიაზრებს პირველკლასელების დაშვებას სკოლებში“, - ამბობს კახა ფარცვანია.


Print Email
FaceBook Twitter
რ ე კ ლ ა მ ა
სოფელ მუხურში, ლეთოლორდეს უბანში, 3 კილომეტრის მანძილზე ასფალტო-ბეტონის საფარით საავტომობილო გზის რეაბილიტაცია მიმდინარეობს.
საქველმოქმედო ჰუმანიტარული ცენტრი "აფხაზეთის" წარმომადგენლებმა ჯანაშიას ქუჩაზე, ყოფილი სკოლის შენობაში მცხოვრებ იძულებით გადაადგილებულ ოჯახებს
ზუგდიდის მუნიციპალიტეტის მერმა გიორგი შენგელიამ, მის პირველ მოადგილესთან გიგა ფარულავასთან ერთად, ზვიად გამსახურდიას ქუჩაზე მიმდინარე გზის სარეაბილიტაციო სამუშაოები დაათვალიერა.
კორონავირუსი
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 354 პირის ბიოლოგიური ნიმუში გამოიკვლიეს.
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 225 პირის ბიოლოგიური ნიმუში გამოიკვლიეს.
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 404 პირის ბიოლოგიური ნიმუში გამოიკვლიეს.
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
მთავარი საინფორმაციო გამოშვება
არქივი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 31 °C
img
სოხუმი 30 °C
img
ფოთი 29 °C
img
მესტია 21 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.