მულტიმედია
ეკოლოგიურად სუფთა სათამაშოები წალენჯიხელი მეწარმისგან (ფოტო)
52 წლის წალენჯიხელი დათო მოსიძე ეკოლოგიურად სუფთა სათამაშოებს რამდენიმე წელია ამზადებს. მასალად სხვადასხვა ჯიშის ხის მერქანს, ძირითადად, თუთას, ურთხმელს და კაკალს იყენებს. პროფესიით ინჟინერ - მშენებელი გვიყვება, რომ საკუთარი საქმიანობისთვის მასალის მოსაპოვებლად ხეებს არ ჭრის.

"მთავარია, რომ ამ პროდუქციის დასამზადებლად ხე არ იჭრება, ბუნება ჩვენ მას უფასოდ გვჩუქნის. დავდივარ ტყე - ტყე, ხან მდინარე ჭანისწყალი გამორიყავს ხის მორებს, ხან მეზობელმა გააკეთა რემონტი და მაჩუქა ხის ბუნებრივი მასალა",- გვიყვება დათო მოსიძე.

მშობლიურ სოფელში 2002 წელს დაბრუნდა, როცა ადგილობრივი ამბულატორია დააპროექტა. ამბობს, რომ პროფესიულმა გამოცდილებამ საქმიანობაში ხელი შეუწყო.

"მშობლების გამო მომიწია აქ ჩამოსვლა და თან ჩემს საყვარელ საქმესაც დავუბრუნდი. მანამდე კი გადაწყვეტილი მქონდა საზღვარგარეთ წასვლა", - გვითხრა მან.

ამჟამად მთელ დღეს სახლის ეზოში მოწყობილ სახელოსნოში ატარებს, სადაც ხისგან 8 სახეობის ნაკეთობას ამზადებს. როგორც თვითონ გვითხრა, უკვე 100- მდე ასეთი სათამაშო დაამზადა.

"ეს არის ფაზლის ტიპის სათამაშოები, ეკოლოგიურად სუფთა, ლაქზე და საღებავზე უარს ვამბობ, არანაირ ქიმიურ შენაერთებს არ ვიყენებ. მხოლოდ და მხოლოდ ბუნებრივი ხე, რომ ბავშვებისთვის იყოს უვნებელი. ასევე, ამ დაშლილი სათამაშოს დეტალებს ასაწყობად ვათავსებ ხის ყუთში და მოზარდს შეუძლია ააწყოს. დამერწმუნეთ ეს უფრო მოსწონთ. მაგალითისთვის, მოზარდს შეუძლია ააწყოს სატვირთო მანქანა, მთელი თავისი ატრიბუტიკით, ბენზინგასამართი სადგურით. ასევე დამზადებული მაქვს ამწე, სატვირთო მანქანა და სარაკეტო დანადგარიც", - ამბობს ოსტატი.

მეწარმის თქმით, პროდუქციის რეალიზაცია არ უჭირს. ამისთვის ონლაინ სივრცეს იყენებს.

"მაქვს ჩემი ვებ-გვერდიც. ბუნებრივია, კონკურენცია ბაზარზე დიდია, მაგრამ მე ჩემი ნიშა უკვე დავიმკვიდრე. ძირითადად, მოზარდ ბიჭუნებს მოსწონთ სამხედრო თემატიკის სათამაშოები. რაც შეეხება ფასს, ყუთიანად 20 ლარი ღირს".

დათო მოსიძე 2015 წელს, პროგრამის "აწარმოე საქართველოში" ფარგლებში, 5 000 ლარით დაფინანსდა და საკუთარ სახლში მცირე სახელოსნო გახსნა. მეწარმის მიზანია, თავისი საქმიანობა მომავალ თაობასაც შეასწავლოს და საწარმოო გააფართოვოს.

Print Email
FaceBook Twitter
რ ე კ ლ ა მ ა
ქართული ოცნების" აბაშის, მარტვილის, ჩხოროწყუსა და წალენჯიხის მაჟოროტარობის კანდიდატი ალექსანდრე მოწერელია მოსახლეობასთან შეხვედრებს აქტიურად განაგრძობს.
დღეს, 25 ოქტომბერს ზუგდიდში „ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშიას“ წინასაარჩევნო დასკვნითი ღონისძიება გაიმართება.
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი მოსახლეობისთვის საარჩევნო პროგრამის გაცნობას აქტიურად განაგრძოს.
კორონავირუსი
რეგიონის მასშტაბით, ზუგდიდის ინფექციური საავადმყოფოს ლაბორატორიაში გამოკვლეული 276 ნიმუშიდან 93 -ზე დადებითი პასუხია.
საქართველოში კორონავირუსის 1 928 ახალი შემთხვევა გამოვლინდა. ამის შესახებ ინფორმაცია განახლდა მთავრობის სპეციალურ ვებგვერდზე
გასული დღე-ღამის განმავლობაში დე ფაქტო რესპუბლიკაში 371 პირის ბიოლოგიური ნიმუში გამოიკვლიეს, მათგან 117-ს კორონავირუსი დაუდასტურდა,
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
ამავე კატეგორიაში
დღის სიახლეები
25 / ოქტომბერი 2020
ქართული ოცნების" აბაშის, მარტვილის, ჩხოროწყუსა და წალენჯიხის მაჟოროტარობის კანდიდატი ალექსანდრე მოწერელია მოსახლეობასთან შეხვედრებს აქტიურად განაგრძობს.
25 / ოქტომბერი 2020
შინაგან საქმეთა სამინისტროს ცნობით,  ზუგდიდში 21 ოქტომბერს "საქართველოს ბანკის" ყაჩაღურ თავდასხმაში მონაწილე დამნაშავე პირის ვინაობა დადგენილია და ის იდენტიფიცირებულია.
25 / ოქტომბერი 2020
დღეს, 25 ოქტომბერს ზუგდიდში „ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშიას“ წინასაარჩევნო დასკვნითი ღონისძიება გაიმართება.
მთავარი საინფორმაციო გამოშვება
არქივი
ამინდი
ზუგდიდი 11 °C
img
სოხუმი 18 °C
img
ფოთი 17 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.