მულტიმედია
„ჩაკეტილ აფხაზეთში ცხოვრება ძალიან რთულია“ - ენგურის ხიდი გაიხსნა (ფოტო/ვიდეო)
უკვე მეექვსე დღეა, ასობით მოქალაქე ოკუპირებულ აფხაზეთში ჩადის და პირიქით, სამეგრელოში გადმოდის. წელიწადზე მეტი ხნით ჩაკეტილი გამშვები პუნქტის გახსნას მოსახლეობა მოუთმენლად ელოდა.
გალის მკვიდრი მანანა ფარულავა სხვა რესპოდენტებისგან განსხვავებით, გვიღიმის, ჩვენს კამერას არ ემალება. გვეუბნება, რომ წელიწადნახევარია, არ გადმოსულა. ახლა ზუგდიდში საყიდლებზე მიდის და რამდენიმე საათში, ისევ უკან დაბრუნდება.

,,პირველად მოვდივარ, წელიწადი და ხუთი თვეა არ გადმოვსულვარ აქეთ, გაიხსნა გზა აფხაზეთის, ახლა ფულს ავიღებ აქვე ,,ლიბერთი ბანკში’’ და წავალ საყიდლებზე ზუგდიდში’’, - გვეუბნება მანანა ფარულავა.

ენგურის ხიდის გახსნაზე განცხადება 5 ივლისს სახელმწიფო უსაფრთხოების სამსახურმა გაავრცელა.

,,მოიხსნა საოკუპაციო რეჟიმის მიერ დაწესებული უკანონო შეზღუდვები, რომლის მიხედვითაც გადაადგილების უფლება, მხოლოდ გარკვეული კატეგორიის (ხანდაზმულები, პენსიონერები, განსაკუთრებული საჭიროების მქონე პირები და სხვა) პირებს ეძლეოდათ. საქართველოს ცენტრალური ხელისუფლების კონტროლირებად ტერიტორიაზე გადმოსვლა შესაძლებელია კორონავირუსთან დაკავშირებული რეგულაციების სრული დაცვით’’.

მანამდე კი პანდემიის მიზეზით, დე ფაქტო მთავრობის მიერ გასული წლის მარტში ჩაკეტილი ენგურის ხიდი დროებით რამდენჯერმე გაიხსნა და დაიხურა. დე ფაქტო ხელისუფლება გამონაკლისის სახით საოკუპაციო ხაზზე მხოლოდ პენსიონრებს, ჯანმრთელობის პრობლემის მქონე პირებს და "ენგურჰესის" თანამშრომლებს უშვებდა.

თითქმის ორი წლის შემდეგ, საოკუპაციო ხაზი გადმოკვეთა და საქართველოს ცენტრალურ ხელისუფლების კონტროლირებად ტერიტორიაზე გადმოვიდა ოტობაიაში მცხოვრები 60 წლამდე მამაკაცი, რომელიც გვეუბნება რომ ხიდზე სამი, რუსული, აფხაზური და ქართული საკონტროლო პუნქტი გადმოკვეთა და უსაფრთხოების გამო, ანონიმურად დარჩენა გვთხოვა.

ის რადიო ,,ათინათთან’’ აღნიშნავს, ჩაკეტილ აფხაზეთში ცხოვრება ემოციურად რთულია, ამიტომ უხარია ხიდის გახსნა. გვითხრა, რომ ხშირად ივლის ზუგდიდში პირველადი საჭიროების პროდუქტების შესაძენად და ასევე თბილისშიც, სადაც მისი ოჯახის წევრები ცხოვრობენ. იმასაც ამბობს, რომ ძალიან უნდა საქართველოს კონტროლირებად ტერიტორიაზე თავის დამკვიდრება, თუმცა იქაურ კარ - მიდამოს ვერ მიატოვებს, რადგანაც სოფლის მეურნეობა და თხილი მისი ოჯახის შემოსავლის ძირითადი წყაროა.

,,იქ რაც გავაკეთე, აქ აწი ამ ყველაფერს ვერ გავაკეთებ, ვერ მივატოვებ ჩემს სახლ - კარს, მენატრება ჩემი შვილები, შვილიშვილები. იმედია მალე ვნახავ მათ. დღეს მივდივარ ზუგდიდში, რაღაცები უნდა ვიყიდო ბავშვებისთვის, ჩემთვის და ისევ უნდა დავბრუნდე სახლში, ბოლოს აქ შარშან წინ ვიყავი, მენატრება ჩემი შვილები, შვილიშვილები ისინი თბილისში ცხოვრობენ, ორ თვეში საბუთებს გააკეთებს ჩემი მეუღლე და აუცილებლად ვნახავთ მათ, რახან ხიდი გაიხსნა აწი უფრო ხშირად გადმოვალ’’, - ამბობს ის.

მას შემდეგ, რაც ზუგდიდში გალის რაიონის მოსახლეობამ დაიწყო გადმოსვლა, ზუგდიდის აგრარულ ბაზარში მომხმარებელმა იმატა.

,,საზღვრის გახსნის შემდეგ ძალიან კარგი მუშაობა გვაქვს, როცა ისინი თავისუფლად გადმოდიან, ეს ჩვენი მუშაობისთვის ძალიან კარგია, ისინი ყველაფერს აქ, ჩვენთან ყიდულობენ’’, - გვეუბნება ზუგდიდის ბაზრის მოვაჭრე მზია ჯიქია.

,,ენგურის ხიდი, რომ გაიხსნა კარგია, ძალიან დაგვეტყო ბაზრობის ხალხს. ყველანაირად კარგია, ვაჭრობის მხრიდან ხელი მოგვემართა, ზოგი ნათესავი გადმოდის, გვიხარია. ვთხოვ მთავრობას იღონონ ყველაფერი და გზა არ გადაიკეტოს’’,- დასძენს ბაზრის ერთ- ერთი მოვაჭრე მაგული ბაკარანძე.

გალელები ჩვენთან პირად საუბარში ჰყვებიან, რომ ხიდის ჩაკეტვამ, პირველ რიგში, გალის რაიონის ქართული მოსახლეობა დააზარალა და უხარიათ, რომ სამეგრელოში გადმოსასვლელი ერთადერთი პუნქტი ყველასთვის გაიხსნა.

სამეგრელო-ზემო სვანეთის სამხარეო ადმინისტრაციის ინფორმაციით, 5 ივლისიდან დღემდე ენგურის ხიდი 2176-მა მოქალაქემ გადმოკვეთა.






Print Email
FaceBook Twitter
რ ე კ ლ ა მ ა
ტერაბანკმა მცირე და საშუალო ბიზნესის დაფინანსებისთვის ევროპის საინვესტიციო ბანკისგან 6 მილიონი ევრო მიიღო. თანხა მთლიანად ამ სეგმენტის გაჯანსაღებასა და განვითარებას, COVID-19-ის პანდემიით გამოწვეული ზიანის შემცირებასა და სწრაფ რეაბილიტაციას მოხმარდება.
გიგა ოთხოზორიას დღეს 36 წელის შეუსრულდებოდა. სოფელ ხურჩაში ე.წ. აფხაზი მესაზღვრის მიერ მოკლული ოთხოზორიას საფლავი დღეს
ზუგდიდის მუნიციპალიტეტის მერის მოვალეობის შემსრულებელმა, კონსტანტინე კაკავამ მხარის გუბერნატორის პირველ მოადგილესთან, ნინო ვიბლიანთან ერთად 2021-2022 წლის მერის სტიპენდიანტებს სერთიფიკატები გადასცა.
კორონავირუსი
სამეგრელო-ზემო სვანეთის სამხარეო ადმინისტრაციის ინფორმაციით, გასული დღე-ღამის განმავლობაში რეგიონის მასშტაბით კორონავირუსით კიდევ ერთი ადამიანი გარდაიცვალა.
საქართველოში ბოლო 24 საათში გამოვლინდა ვირუსით ინფიცირების 5 219 ახალი დადასტურებული შემთხვევა, მათგან სამეგრელო - ზემო სვანეთში 339.
გასული დღე-ღამის განმავლობაში აფხაზეთში კორონავირუსზე ტესტირება 836 ადამიანს ჩაუტარდა და გამოვლინდა ინფიცირების 226 ახალი შემთხვევა.
საზოგადოება
გარემოს დაცვისა და სოფლის მეურნეობის სამინისტრომ ადრეულად გარდაცვლილი მეტყევის "სანდრო ურუშაძის პრემია 2021" ხობელ ბუნების დამცველს, სანდრო ნარსიას გადასცა.
საკოორდინაციო საბჭოს გადაწყვეტილებით, საბავშვო ბაღებსა და როგორც საჯარო, ისე კერძო სკოლებში, 4 ოქტომბერს სასწავლო პროცესი საკლასო ოთახებსა და აუდიტორიებში განახლდება,
ქართველმა მოჭადრაკემ, ნონა გაფრინდაშვილმა Netflix-ის უჩივლა, – ამის შესახებ ინფორმაციას „ნიუ იორკ თაიმსი“ ავრცელებს.
ამავე კატეგორიაში
დღის სიახლეები
21 / ოქტომბერი 2021
კონსტიტუციური უსაფრთხოების დეპარტამენტის სამეგრელო -ზემო სვანეთის რეგიონალური მთავარი სამმართველოს უფროსი, რუსლან შამახიას ინფორმაციით,
21 / ოქტომბერი 2021
ზუგდიდის პოლიციის სამმართველოს შენობასთან ძალოვანი სტრუქტურების ყოფილი თანამშრომლები შეიკრიბნენ და განცხადება გააკეთეს.
21 / ოქტომბერი 2021
ტერაბანკმა მცირე და საშუალო ბიზნესის დაფინანსებისთვის ევროპის საინვესტიციო ბანკისგან 6 მილიონი ევრო მიიღო. თანხა მთლიანად ამ სეგმენტის გაჯანსაღებასა და განვითარებას, COVID-19-ის პანდემიით გამოწვეული ზიანის შემცირებასა და სწრაფ რეაბილიტაციას მოხმარდება.
გემრიელი ისტორიები
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 19 °C
img
სოხუმი 17 °C
img
ფოთი 11 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.