მულტიმედია
მე თუ ეს შევძელი, სხვაც აუცილებლად შეძლებს - ზუგდიდელი ანა ცირდავა გერმანულ გამოცდილებაზე (ფოტო/ვიდეო)
ზუგდიდელმა ანა ცირდავამ სპეციალობად სოციალური მუშაკობა აირჩია, იცის, რომ მისი მომავალი პროფესია თანამედროვე ეპოქაში უმნიშვნელოვანეს როლს თამაშობს.
ახალგაზრდა სტუდენტი ამბობს, რომ ყველაფერი ასოციაცია „ათინათში“ დაიწყო, აქ ანი სხვადასხვა აქტივობაში მონაწილეობდა და ახალი შესაძლებლობები შეიძინა.
,,ამ პროფესიაზე ფიქრი დავიწყე 16 -17 წლის ასაკში და ჩემი ინსპირაცია მოდიოდა ,,ათინათიდან’’. აქ ვიყავი ძალიან ბევრ პროექტში ჩართული, 2015 წლიდან ძალიან ბევრ ახალგაზრდულ ცენტრში ვიყავი, კლუბებში ა.შ. მომწონდა ხალხთან მუშაობა, ხალხის დახმარება , სოციალურ პროექტებში ყოფნა და შემდეგ, როცა ეროვნული გამოცდებისთვის ვემზადებოდი, ვათვალიერებდი პროგრამების ჩამონათვალს და ვფიქრობდი, რომელი პროფესია შემესაბამება მე ყველაზე მეტად, ამ კვლევის პროცესში აღმოვაჩინე სოციალური მუშაობა, რომელიც გულისხმობს პირდაპირ ველზე მუშაობას, ხალხთან მუშაობას და მათ დახმარებას, მათი სოციალური ცხოვრების და კეთილდღეობის გაუმჯობესებას'', - ამბობს ის.

მას შემდეგ, რაც თბილისის სახელმწიფო უნივერსიტეტში ჩააბარა, საზღვარგარეთ პრაქტიკის მისაღებად საჭირო პროგრამა მოიძია და ერთი წელი გერმანიაში ქალაქ დორტმუნდში გაატარა. მან როგორც სოციალურმა მუშაკმა, ევროპის სოლიდარობის კორპუსის პროგრამის ფარგლებში, მნიშვნელოვანი გამოცდილება შეიძინა და კიდევ უფრო დარწმუნდა, რომ სწორი არჩევანი გააკეთა. უყვარს საქმე, რომელსაც აკეთებს და ბედნიერია, როცა ხელს უწყობს მოქალაქეების ცხოვრების გაუმჯობესებას.

ანა გვეუბნება, რომ გერმანიაში ყოფნის დროს საკუთარ თავში სხვა ინტერესებიც აღმოაჩინა. უცხო ქვეყანაში დამოუკიდებლად ცხოვრებამ საკუთარი თავის რწმენა შესძინა და მეტად თავდაჯერებული გახდა.

,,გერმანიაში ეს ყველაფერი იყო სხვანაირად, ვიგრძენი, რომ უფრო მეტი დრო მქონდა საკუთარი თავისთვის, იმდენად სტრესისგან თავისუფალი გარემო მქონდა, სხვა სტუდენტებთან ერთად ძალიან ბევრი დრო მრჩებოდა საკუთარი თავის აღმოსაჩენად, მაგალითად, აღმოვაჩინე ისეთი უნარები, რომლებიც არ ვიცოდი, რომ მქონდა. მქონდა დრო, შემესწავლა სიმღერა, მევლო იოგაზე, მეკითხა უფრო მეტი წიგნი. ყველაზე მეტად რის გამოც ძალიან მიხარია, რომ ამ პროექტში მონაწილეობის შესაძლებლობა მქონდა, ეს არის დამოუკიდებლობა. საქართველოში ჩვენ, სტუდენტები, შეჩვეულები ვართ იმას, რომ ყოველთვის გვყავს გვერდში მშობლები ან მეგობრები, რომლებსაც შეგვიძლია პრობლემის დროს მივმართოთ, მაგრამ როდესაც აღმოჩნდები სრულიად უცხო ქვეყანაში, მაშინ გინვითარდება ისეთი უნარები, როგორიც არის დამოუკიდებლად რეაგირება მარტივად და სწრაფად პრობლემურ სიტუაციებში. ახლა ვფიქრობ, რომ ამ გამოცდილების შემდეგ არ არსებობს ისეთი რამ, რასაც ვერ გადავწყვეტ ან ვერ გავაკეთებ'', - გვითხრა ანამ.

იმისათვის, რომ კვალიფიციური სოციალური მუშაკი გახდეს და ხარისხიანი განათლება მიიღოს, ანა სწავლის გაგრძელებას მაგისტრატურის საფეხურზე გერმანიაში გეგმავს.

სწავლის დასრულების შემდეგ კი აპირებს საკუთარი ცოდნა და გამოცდილება საქართველოში სხვებს გაუზიაროს.


Print Email
FaceBook Twitter
დაფინანსებული
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
აუტიზმის შესახებ ცნობადობის ამაღლების საერთაშორისო დღესთან დაკავშირებით ასოციაცია "გზამკვლევმა" ბენეფიციარებისთვის ღონისძიება გამართა.
ამავე კატეგორიაში
დღის სიახლეები
15 / აპრილი 2024
"საერთაშორისო გამჭვირვალობა - საქართველოს" ინფორმაციით, აზიის განვითარების ბანკმა (ADB, ძირითადი დონორები იაპონია და აშშ) ზუგდიდსა და სხვა მუნიციპალიტეტებში წყალმომარაგების გაუმჯობესებისთვის 81 მილიონი ლარი
15 / აპრილი 2024
ზუგდიდის მუნიციპალიტეტის საკრებულოში მეექვსე ცდაზე კვორუმი შედგა. სხდომას დაესწრნენ ფრაქცია "ქართული ოცნების" წარმომადგენლები.
15 / აპრილი 2024
გარემოს ეროვნული სააგენტოს ინფორმაციით, 16-18 აპრილს საქართველოში მოსალოდნელია ჰაერის ტემპერატურის მნიშვნელოვანი მომატება.
დილის ჩართვა
ოდაბადეშ კინოხონი
11 / აპრილი 2024
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
ამინდი
ზუგდიდი 9 °C
img
სოხუმი 12 °C
img
ფოთი 12 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.