სარეკლამო მასალა
"ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" - ასოციაცია „იმედის’ შეხვედრა ახალგაზრდებთან (ფოტო/ვიდეო)
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.

ასოციაციის „იმედი" დევნილ ქალთა მოძრაობა მშვიდობისთვის ჩატარებულ ღონისძიებაზე ბერტა ფონ ზუტნერის პრემიის ნომინანტმა ქალბატონმა ქრისტინა კილანავამ ვრცლად ისაუბრა.
„ჩვენი ორგანიზაციის საქმიანობის ერთ-ერთი ძირითადი მიმართულებაა მშვიდობის მშენებლობა და ამ პროცესში ახალგაზრდების ჩართვა. ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ჩავატარეთ შეხვედრა ახალგაზრდებთან. ახალგაზრდები იყვნენ ძალიან საინტერესოები, გულისყურით ისმენდნენ საუბარს მშვიდობის დარგში ნობელის პრემიის პირველი ლაურეატი ქალის, მწერლის, პუბლიცისტის, ჟურნალისტის, ევროპაში სამშვიდობო მოძრაობის ფუძემდებლის ცხოვრებასა და მოღვაწეობის შესახებ. შეხვედრას ჰქონდა განსაკუთრებული მნიშვნელობა ახალგაზრდებში მშვიდობისა და სამშვიდობო საქმიანობის პოპულარიზაციისათვის. ქალთა ფონდმა საქართველოში, რომელთანაც მრავალწლიანი თანამშრომლობა გვაკავშირებს, მხარი დაუჭირა ჩვენს პროექტს და მსურს განსაკუთრებული მადლიერება გამოვხატო მათ მიმართ!", - აღნიშნა ქრისტინა კილანავამ.

შეხვედრას სხვადასხვა სკოლის, კოლეჯისა და უნივერსიტეტის წარმომადგენლები დაესწრნენ.

„ძალიან ინფორმაციული შეხვედრა იყო. მიუხედავად იმისა, რომ მე გარკვეული ცოდნა მქონდა ამ ადამიანის შესახებ, მაინც სხვა კუთხით დავინახე, ძალიან მომეწონა. გადავწყვიტე, რომ მის მოღვაწეობას უკეთესად გავეცნო, მადლიერი ვარ ამ შეხვედრის და კიდევ ვისურვებ მსგავს აქტივობებს“, - თქვა ერთ-ერთმა მონაწილემ ლიზა ჯღარკავამ.

ორგანიზატორების ინფორმაციით, ასოციაციის საქმიანობის ერთ-ერთი მიმართულებაა ქართულ-აფხაზური კონფლიქტის მშვიდობიანი ტრანსფორმაციის პროცესში მონაწილეობა და აღნიშნულ პროცესში ახალგაზრდების აქტიური ჩართვა. მიუხედავად იმისა, რომ ორგანიზაცია წლების განმავლობაში მშვიდობისა და მშვიდობის მშენებლობის თემაზე დისკუსიებს ხშირად მართავს სხვადასხვა ფორმატში, ასოციაციას „იმედი“ დევნილ ქალთა მოძრაობა მშვიდობისათვის მიზანშეწონილად მიაჩნია რეგიონში აღნიშნული პროცესის კიდევ უფრო გააქტიურება.


Print Email
FaceBook Twitter
დაფინანსებული
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
აუტიზმის შესახებ ცნობადობის ამაღლების საერთაშორისო დღესთან დაკავშირებით ასოციაცია "გზამკვლევმა" ბენეფიციარებისთვის ღონისძიება გამართა.
დილის ჩართვა
ოდაბადეშ კინოხონი
11 / აპრილი 2024
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
ამინდი
ზუგდიდი 9 °C
img
სოხუმი 12 °C
img
ფოთი 12 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.