იყო თუ არა უკანონო ზუგდიდში „მაკდონალდსის“ მშენებლობის დაწყება (ვიდეო)
18:56 / 15.01.2016
„ნაციონალური მოძრაობის” წევრის ანა წითლიძის მტკიცებით, ზუგდიდში
სწრაფი კვების ობიექტის
- „მაკდონალდსის“ მშენებლობა უკანონოდ დაიწყო. მისივე განცხადებით,
მერიამ „მაკდონალდსის“ შესაბამისი ნებართვა მშენებლობის დაწყებიდან
რამდენიმე თვის შემდეგ გასცა.
„მაკდონალდსი ოფიციალურად 2015 წლის 2 ივნისს გაიხსნა. არქიტექტურის
სამსახურმა მშენებლობის ნებართვა გასცა 2015 წლის 29 აპრილს, ერთი
თვით ადრე ვიდრე ის გაიხსნებოდა. მერიაში განმარტეს, რომ მათ
გამოიყენეს დისკრეციული უფლება-მოსილება, რაც ნიშნავს იმას, რომ
მესაკუთრეს შემოღობვის უფლება მიეცა. თუმცა მერიის მიერ გამოქვეყნებულ
სურათებში ჩანს, რომ 2014 წლის დეკემბერში მშენებლობა უკვე დაწყებული
იყო“, - აცხადებს წითლიძე.
ოპოზიციური პარტიის წევრის ბრალდებებზე მერიაში ჟურნალისტებს
ვიდეო-კომენტარზე უარი უთხრეს, თუმცა საზოგადოებასთან ურთიერთობის
სამსახურმა განცხადება გაავრცელა, რომელშიც აღნიშნულია, რომ „სწრაფი
კვების ობიექტის მშენებლობაზე ნებართვის მოსაპოვებლად 02.12.2014 წელს
შპს ,,თ და კ რესტორნების“ მინდობილი პირის დავით ჯანიაშვილისგან,
მერიაში შევიდა განცხადება №04/1002. 2014 წლის 17 დეკემბერს ქალაქ
ზუგდიდის მუნიციპალიტეტის მერის №607 ბრძანებით დამტკიცდა აღნიშნული
მშენებლობის პროექტისთვის მიწის ნაკვეთის სამშენებლოდ გამოყენების
პირობები“.
„ასევე განესაზღვრა მშენებლობის ნებართვაზე მოსაკრებლის ოდენობა
(390ლ), რომელიც გადახდილ იქნა დამკვეთის მიერ 12.24.2014წ. აქვე
მოგახსენებთ, რომ სწრაფი კვების ობექტის (,,მაკდონალდსი“) იერსახის
პროექტის საბოლოო შეთანხმებამდე, მერის დისკრეციული უფლებამოსილებით,
(მშენებლობის დაჩქარების მიზნით) დამკვეთს მიეცა თანხმობა
მოსამზადებელი სამუშაოების დაწყების თაობაზე, რაც ითვალისწინებდა
სამშენებლოდ განკუთვნილი ტერიტორიის დამცავი ღობის მოწყობას, აგრეთვე
გრუნტის მოსამზადებელ სამუშაოებს. 2015 წლის აპრილში სწრაფი კვების
ობიექტის იერსახის პროექტი საბოლოო განხილვით შეჯერდა და შესაბამისად,
ზუგდიდის მუნიციპალიტეტის მერის მიერ 29.04.2015 წელს გაცემულ იქნა
მშენებლობის ნებართვა“, - ნათქვამია განცხადებაში.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
ზუგდიდის მუნიციპალიტეტის მერიის წინ მოქალაქეებმა, აქტივისტებთან და ორგანიზაციების წარმომადგენლებთან ერთად, ე.წ უცხოელი აგენტების კანონის პარლამენტში პირველი მოსმენით მიღება გააპროტესტეს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები