ინოვაციებისა და ტექნოლოგიების სააგენტომ პროექტის ,,ეროვნული ინოვაციების ეკოსისტემის” ფარგლებში, ზუგდიდში, ტექნოპარკში საინფორმაციო  შეხვედრა გამართა. შეხვედრას ადგილობრივი მოსახლეობა და სტუდენტები დაესწრნენ. შეკრებილებს პროგრამის დეტალების შესახებ ინფორმაცია ინოვაციების სააგენტოს თავმჯდომარის მოადგილე ავთანდილ კასრაძემ გააცნო. მის თქმით, დამწყებ მეწარმეებს უნიკალური შესაძლებლობა ეძლევათ, რომ შექმნან ახალი ინოვაციური ტექნოლოგიები და მსოფლიოს გააცნონ. შეხვედრას ადგილობრივი მოსახლეობა და სტუდენტები დაესწრნენ.

„დღეს ძალიან საინტერესო შეხვედრა გვქონდა სამეგრელოს მოსახლეობასთან. მათ ჩვენ გავაცანით, ახალი საგარანტო პროგრამა. ეს არის წვდომა 100 000 ლარიან საგრანტო თანხასთან. ეს არის უნიკალური შესაძლებლობა სამეგრელოს მოსახლეობისთვის, რომ შექმნას ახალი ტექნოლოგიური სტარტაპები და მათი ბიზნეს ინოვციური იდეა, მსოფლიო საზოგდოებას გააცნონ. გაყიდონ თავიათი პროდუქტი არა მარტო საქართველოში, არამედ მთელი მსოფლიოს მასშტაბით. მთელი ეს პროცესი სწორედ იმას უზრუნველყოფს, რომ ინოვაციები, რომელიც საქართველოში იქმნება არ დარჩეს მხოლოდ საქართველოში“, - აღნიშნა კასრაძემ.

საგრანტო კონკურსში მონაწილეობის მიღება ეთნიკურად აფხაზებსაც შეძლიათ, თუმცა როგორც კასრაძე ამბობს, დაფინანსების შემთხვევაში სააგენტოს მხრიდან მთავარი პირობა იქნება, რომ მათ ქართული კომპანია დააფუძნონ.

პროგრამის მიზანია საქართველოში საერთაშორისო პოტენციალის მქონე ინოვაციური პროდუქტების და მომსახურების შემუშავება-ათვისების და კომერციალიზაციის გზით ინოვაციების და ინოვაციური საწარმოების წარმოქმნის სტიმულირება.მის ფარგლებში გათვალისწინებულია თანადაფინანსების გრანტები სტარტაპებისთვის, რომელიც განკუთვნილია დამწყები ან ორ წლამდე კერძო, მცირე საწარმოებისთვის. საგრანტო კონკურსისთვის განკუთვნილი მთლიანი ბიუჯეტი შეადგენს ორ მილიონ ლარს. მოთხოვნილი გრანტის მაქსიმალური ოდენობა არ უნდა აღემატებოდეს ასი ათას ლარს.