ახალი ამბები
დაბალი პოლიტიკური კულტურა, მიუღებელი და დაუშვებელი - არასამთავრობოები საკრებულოში ცემის ფაქტზე
ზუგდიდის საკრებულოში დეპუტატებს შორის მომხდარ ფიზიკურ დაპირისპირებას არასამთავრობო სექტორი გამოეხმაურა. "საერთაშორისო გამჭვირვალობა-საქართველოს" ზუგდიდის ოფისის კოორდინატორის არჩილ თოდუას შეფასებით, დღევანდელი ინციდენტი ჩხუბის მონაწილე მხარეების დაბალი პოლიტიკური კულტურის მაჩვენებელია.

„მით უმეტეს, თუ გავითვალისწინებთ, რომ ამ სხდომის გამართვამდე ამ ადამიანებმა ეთიკის კოდექსი განიხილეს, სრულიად მიუღებელია. ამომრჩევლებმა, მოქალაქეებმა ეს ხალხი საკრებულოში აირჩია მუნიციპალიტეტში არსებული პრობლემების მოსაგვარებლად, სწორედ ამ პრობლემებზე სამსჯელოდ და არა იმისთვის, რომ მათ ერთმანეთს ასე საჯაროდ სიტყვიერი და ფიზიკური შეურაცხყოფა მიაყენონ. ჩვენ არაერთხელ გვინახავს ასეთი ამბავი, როგორც ზუგდიდის საკრებულოში, ზოგადად სხვა წარმომადგენლობით ორგანოებშიც, მათ შორის პარლამენტში და ვფიქრობთ, რომ 21-ე საუკუნეში ამ ტიპის ურთიერთობის დრო პოლოტიკოსებს შორის არ არის. მათ მთელი თავიანთი საქმიანობის აქცენტები რეალურად იმ საქმეზე უნდა გააკეთონ, რის გამოც არიან არჩეულები და არა ერთმანეთისადმი შეურაცხყოფის მიყენებაზე“ - უთხრა რადიო „ათინათს“ თოდუამ.

საქართველოს ახალგაზრდა იურისტთა ასოციაციის ადგილობრივი ოფისის თავმჯდომარის ჯემალ ჭკადუას თქმით, მსგავსი ფაქტები მიუღებელია და, თუკი ეს დანაშაულის ნიშნებს შეიცავს, საგამოძიებო მოქმედებები უნდა ჩატარდეს.

„დაუშვებელია მსგავსი ფაქტები ხდებოდეს, ვინაიდან, რა თქმა უნდა, პოლიტიკური პოლემიკა შეიძლება არსებობდეს ოპონენტებს შორის, მაგრამ ეს არ უნდა გადაიზარდოს ფიზიკურ დაპირისპირებაში. ის, რაც მოხდა მოცემულ შემთხვევაში და თან მაშინ, როცა ზუგდიდის მუნიციპალიტეტის საკრებულოში ინციდენტამდე რამდენიმე საათიდ ადრე საუბრობენ ეთიკის კოდექსთან დაკავშირებით. თუ ეს ყველაფერი დანაშაულის ნიშნებს შეიცავს, აუცილებლად უნდა ჩატარდეს საგამოძიებო მოქმედებები“, -აღნიშნა ჭკადუამ.

შინაგან საქმეთა სამინისტრომ ზუგდიდის საკრებულოში მომხდარ ინციდენტზე გამოძიება 126-ე ცემის მუხლით დაიწყო, რაც ჯარიმით ან საზოგადოებისათვის სასარგებლო შრომით ვადით 120-დან 180 საათამდე, ექვსი თვიდან ერთ წლამდე შინაპატიმრობით ან თავისუფლების აღკვეთით ვადით ერთ წლამდე ისჯება.

ზუგდიდის საკრებულოს სხდომაზე ფიზიკური დაპირისპირება დღეს რიგგარეშე სხდომაზე მოხდა. „ევროპული საქართველოს“ წევრი ბათლომე შელია და „ერთიანი ნაციონალური მოძრაობის“ ანაკლიის მაჟორიტარი დეპუტატი დავით შელია ერთმანეთს ფიზიკურად გაუსწორდნენ. ორივე მათგანს ფიზიკური დაზიანება აღენიშნებოდა. 

ამავე თემაზე:

შსს-მ ზუგდიდის საკრებულოში ცემის ფაქტზე გამოძიება დაიწყო

ზუგდიდის საკრებულოს წევრები სხდომაზე ერთმანეთს ფიზიკურად დაუპირისპირდნენ (ვიდეო)

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 10 °C
img
სოხუმი 11 °C
img
ფოთი 12 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.