რეგიონი
"გიგის ინოვაციური მანქანები" - ზუგდიდელი მოზარდის გამოფენა ტექნოპარკში (ფოტო, ვიდეო)
ზუგდიდის ტექნოპარკში 12 წლის მოზარდის გიგი სიჭინავას ნამუშევრები გამოიფინა. პატარა ხელოვანმა დამთვალიერებლებს საკუთარი ხელით შექმნილი ე.წ. აპლიკაციები და გამოძერწილი სატრანსპორტო საშუალებები, მათ შორის, მსუბუქი და სატვირთო ავტომანქანები და მოტოციკლები წარუდგინა. 



„აი, ამ სატვირთო ავტომანქანის გამოძერწვა დავიწყე 2017 წელს და მას შემდეგ კიდევ ბევრი გამოვძერწე, რასაც აქ ხედავთ. ძალიან მიყვარს ამის კეთება“, - გვითხრა გიგიმ.

პატარა ხელოვანის დედა ამბობს, რომ ეს საქმიანობა საკმაოდ შრომატევადია და დიდი ნებისყოფაც სჭირდება.



„აქ არის გიგის მიერ დამზადებული ქაღალდის აპლიკაციები, რომლებიც ხელით არის დამუშავებული და დეტალურად აქვს ყველაფერი დატანილი, ისევე, როგორც ნაძერწებზე. ამას დიდი ნებისყოფა სჭირდება. შესაძლოა, ერთ ნამუშევარს საათები ან დღეები დასჭირდეს. მისი წყარო არის ინტერნეტი და გარემო, რომელსაც ყოველდღიურად ხედავს. ყველაფერს იწერს, ინიშნავს, აკვირდება... რასაც აქ ხედავთ, ორი წლის ნამუშევრებია“, - აღნიშნა გიგის დედამ ნათია სახოკიამ.



ტექნოპარკში მის მიერ შექმნილი ნახატებიც იყო წარმოდგენილი. გიგის ნამუშევრებმა მოწონება დაიმსახურა დამთვალიერებლებში. ის მომავალში ფაზლების გამოფენასაც გეგმავს.



„ყველაფერი ნამდვილად უნიკალურია, ჩემი საყვარელი ნამუშევარია ქალი ყვითლებში, რომელშიც განსაკუთრებით ფერთა შეხამება მომწონს. ზოგჯერ გაკვეთილზეც ვიტოვებთ დროს, რომ გიგიმ საყვარელი საქმე აკეთოს“, - თქვა მისმა მასწავლებელმა ნათია ბაკარანძემ.



მოგვიანებით, სტუმრებმა კამპანიის „დაინახე ყველაფერი“ ფარგლებში გადაღებული რამდენიმეწუთიანი ფილმიც ნახეს, რომელიც აუტისტური სპექტრის აშლილობის მქონე პატარა ხელოვანისა და მისი მეგობრის ყოველდღიურ ურთიერთობას ასახავს. აღნიშნული კამპანიის მიზანი შშმ ბავშვების მიმართ სტიგმის დაძლევა და საზოგადოების ცნობიერების შეცვლაა.



#6 საჯარო სკოლის მოსწავლე გიგი სიჭინავა საკუთარ სახელოსნოში მუშაობს, რომელიც მას მშობლებმა გასული წლის ოქტომბერში გაუხსნეს. 

ამავე თემაზე:

12 წლის ხელოვანის თავისუფალი სივრცე (ვიდეო)


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 19 °C
img
სოხუმი 15 °C
img
ფოთი 16 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.