რეგიონი
რუსული ოკუპაციის წინააღმდეგ აქცია გაიმართა (ვიდეო)
ზუგდიდში კამპანიის “ძალა ევროპაშია” ფარგლებში, აქცია “რუსული ოკუპაცია და საქართველოს ევროპული არჩევანი” გაიმართა. ის “საერთაშორისო გამჭვირვალობა-საქართველოს” საბჭოს წევრებისა და სამოქალაქო აქტივისტების ინიციატივით ჩატარდა. შეკრებაზე მისულმა მოქალაქეებმა რუსეთ-საქართველოს ურთიერთობის ამსახველი ფოტომასალა დაათვალიერეს, რომელიც ქალაქის მთავარ ხეივანში სიმბოლურად განთავსებულ მავთულხლართებზე იყო გამოფენილი.

აქციის ერთ-ერთი ორგანიზატორის "საერთაშორისო გამჭვირვალობა - საქართველოს" ზუგდიდის ოფისის ხელმძღვანელის არჩილ თოდუას თქმით, მათ ამ აქციით რუსული ოკუპაცია და მისი მხარდამჭერი პოლიტიკა კიდევ ერთხელ გააპროტესტეს.



"სწორედ ამ თემასთან დაკავშირებით გამოფენილია რუსული ოკუპაციის ამსახველი ფოტო მასალები და ფაქტები. ამ აქციის მიზანია გავაპროტესტოთ რუსული ოკუპაცია და მოქალაქეებს მივაწოდოთ ინფორმაცია, თუ რა სარგებლობა მოაქვს ევროპას", - აღნიშნა არჩილ თოდუამ.

აქციას შეუერთდნენ მოქალაქეები, არასამთავრობო ორგანიზაციების, სხვადასხვა პოლიტიკური პარტიებისა და ადგილობრივი ხელისუფლების წარმომადგენლები.

"სამოქალაქო აქტივობისა და თანასწორობის ცენტრის" ხელმძღვანელის ციცინო შენგელიას თქმით, საქართველოს ოკუპაცია დღესაც გრძელდება და რუსეთი კვლავ აგრესიულია ჩვენი ქვეყნის მიმართ.

"აქ მოვედით ახალგაზრდები, რომ კიდევ ერთხელ დავგმოთ ოკუპაცია", - თქვა შენგელიამ.



საკრებულოს წევრმა სანდრო სორდიამ, რომელიც აქციაზე იმყოფებოდა აღნიშნა, რომ სახელმწიფოს არჩევანი არის მკაფიო და ის ირჩევს ევროატლანტიკურ სტრუქტურებში გაწევრიანებას.

ენმ-ს ზუგდიდის ოფისის ხელმძღვანელმა ანა წითლიძემ კი თქვა, რომ ქვეყნის 20% რუსეთის მიერ არის ოკუპურებული და ეს არ უნდა დავივიწყოთ.

"მე აქ მოვედი, როგორც მოქალაქე. არ უნდა დავივიწყოთ, ის რომ ჩვენი ქვეყნის 20% ოკუპირებულია და სანამ ეს ასე იქნება მუდმივად უნდა გავაპროტესტოთ", - თქვა ანა წითლიძემ.

ერთ-ერთმა გამვლელმა გზის გადაკეტვა და აქციის შინაარსი გააპროტესტა. მისი თქმით, რუსეთი საქართველოს მეგობარია.

აქციის ფარგლებში დღეს 18:00 საათიდან ზუგდიდის არტ-გალერეაში საჯარო ლექციას ფილოსოფიის დოქტორი, საქართველოს გიორგი ლეონიძის სახელობის ქართული ლიტერატურის სახელმწიფო მუზეუმის დირექტორი, ლაშა ბაქრაძე წაიკითხავს.








Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
28 / მარტი 2024
ზუგდიდის მერიამ მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლების თავშესაფარში ან ვეტერინარულ კლინიკაში განთავსებაზე 25 806 ლარის ტენდერი გამოაცხადა.
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 15 °C
img
ფოთი 16 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.