ახალი ამბები
მერია: ანსამბლ "თუთარჩელას" ფართი ექნება, თუმცა არა კულტურის სახლში (ვიდეო)
ზუგდიდის მუნიციპალიტეტის მერის მოვალეობის შემსრულებელი მაიზერ ნანავა და მერიის სხვა შესაბამისი სამსახურების თანამშრომლები კულტურის სახლში მივიდნენ, სადაც სარეპეტიციო ფართის დაბრუნების მოთხოვნით ბავშვები შეიჭრნენ. ნანავა აქციის მონაწილეებს და თეატრის მსახიობებს, შეხვედა რომლებსაც ამჟამად აღნიშნული ფართი აქვთ დაკავებული. შეხვედრაზე, რომელიც მედიისთვის დაიხურული იყო, ასევე ვერ მოხვდა კულტურის სახლის დირექტორი ნატო გელენავა. მისი თქმით ის მაიზერ ნანავამ არ შეუშვა.

alt

"მე არ შემიშვა და ყვირილით გამომაგდო გარეთ. მე რატომ არ დამასწრეს შეხვედრას, როდესაც ყველა დოკუმენტაცია მე მაქვს. ჯერ კიდევ მე ვითვლები დირექტორად. სწორედ მე დავუდე ხელშეკრულება თეატრს და დავუთმე რამდენიმე საათით", - თქვა გელენავა.

შეხვედრის დასრულების შემდეგ ანსამბლ "თუთარჩელას" ხელმძღვანელმა მახო გვარამიამ თქვა რომ, მერიის წარმომადგენლები მათ ალტერნატიულ ფართის გამოყოფას დაპირდნენ.

"ვისაუბრეთ მშვიდად და ჩვენი პრობლემა ავუხსენით. გვითხრეს, რომ ალტერნატიულ ფართს გამოგვიყოფენ. ზუსტად პასუხი ხვალ გვეცოდინება", - ამბობს მახო გვარამია.

ზუგდიდის მერიის პრესსამსახურის ნიფორმაციით, კულტურის სახლში მომუშავე ქორეოგრაფს და მისი ანსამბლის წევრებს, აღნიშნული ტერიტორიის დატოვება თეატრალური დასის გამო მოუწიათ, თუმცა ამის შესახებ ისინი თავიდანვე გაფრთხილებულები იყვნენ.
alt
"კანონის და ხელშეკრულების შესაბამისად გაფრთხილებული იყო ქორეოგრაფი, რომ უნდა დაეტოვებინათ ეს ტერიტორია, რადგან აქ თეატრალური დასი იფუნქციონირებდა. მოგეხსენებათ, რომ თეატრის შენობას უტარდება რეაბილიტაცია და მსახიობებს უნდა ჰქონოდათ ადგილი, სადაც გამართავდნენ სპექტაკლებს. აქედან გამომდინარე, მოუწიათ ამ ადგილის დატოვება, თუმცა აქვე აღვნიშნავ, რომ მუნიციპალიტეტისთვის ძალიან მნიშვნელოვანია ახალგაზრდების ხელშეწყობა და ვმუშაობთ ალტერნატიულ ფართზე. უახლოეს დღეებში ეს საკითხი გადაწყდება დადებითად. მათ ექნებათ ფართი, მაგრამ, სავარაუდოდ, ეს არ იქნება კულტურის სახლში", - თქვა მერიის პრესსამსახურის ხელმძღვანელმა მაგდალინა თოდუამ.
alt

ზუგდიდის კულტურის სახლის შენობაში, სადაც ამჟამად თეატრალური დასი რეპეტიციებს და სპექტაკლებს მართავს, მოცეკვავეები, მათი მშობლები შეიჭრნენ. ისინი ფართის დაბრუნებას ითხოვენ.

ამავე თემაზე:

შენობაში, სადაც სპექტაკლები იმართება, მოცეკვავეები შეიჭრნენ






Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
28 / მარტი 2024
საქართველოს ეროვნული ნაკრების გამარჯვებას და მათ მიერ ევროპის ჩემპიონატზე თამაშის უფლების მოპოვებას სოციალური ქსელების აფხაზურ სეგმენტში განიხილავენ.
28 / მარტი 2024
სოფლის მეურნეობისა და გარემოს დაცვის მინისტრის ოთარ შამუგიას განცხადებით, მცირე ზომის სასოფლო-სამეურნეო ტექნიკის შეძენას მაღალმთიან დასახლებებში მცხოვრები პირები სახელმწიფოს 70 %-ის თანადაფინანსებით შეძლებენ.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 15 °C
img
ფოთი 14 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.