ახალი ამბები
ზუგდიდში ტურიზმის განვითარების ხელშეწყობაზე იმსჯელეს
ზუგდიდის დემოკრატიული ჩართულობის ცენტრში დისკუსია თემაზე „მუნიციპალური ინიციატივები და ტურიზმის განვითარების ხელშეწყობა“ გაიმართა. შეხვედრაზე საუბარი იყო თუ რა გეგმები აქვს თვითმმართველობას მუნიციპალიტეტის ტურისტული პოტენციალის ასამაღლებლად და არსებული რესურსების უფრო თვალსაჩინოდ გამოსაყენებლად. დისკუსიის მონაწილეებმა აღნიშნულ საკითხებთან დაკავშირებით საკუთარი მოსაზრება გამოთქვეს და ქალაქში არსებულ პრობლემებზეც ისაუბრეს. არქეოლოგი რევაზ პაპუაშვილი ამბობს, რომ ზუგდიდს ტურისტული თვალსაზრისით დიდი პოტენციალი აქვს და ფიქრობს, რომ კარგი იქნება თუ ბოტანიკურ ბაღში გათხრების შედეგად აღმოჩენილი ქანდაკებების და სკულპტურების ასლები განთავსდება.

„სხვადასხვა გათხრების შედეგად, მათ შორის ბოტანიკურ ბაღში აღმოჩენილია ასობით ექსპონატი, რომელიც ზუგდიდის მუზეუმში ინახება. თუ ამას გონივრულად მივუდგებით, ძალიან კარგად შეიძლება გამოვიყენოთ ტურისტების მოსაზიდად. თუ ბოტანიკურ ბაღში ამ ქანდაკებების და სკულპტურების ასლებს დავდგამთ ეს იქნება კარგი სანახაობრივადაც და მარკეტინგულადაც მომგებიანი“, - ამბობს პაპუაშვილი.
alt
საკრებულოს წევრმა სანდრო სორდიამ დამსწრეებს საკუთარი ინიციატივა გააცნო, რომელიც ქალაქში საიმიჯო დაფების განთავსებას გულისხმობს. სორდიას განმარტებით, დაფებზე ზვიად გამსახურდიას და მარი ბროსეს მიერ ზუგდიდზე გამოთქმული მოსაზრებები იქნება დატანილი.
შეხვედრაზე ასევე საუბარი იყო იმ პრობლემებზე რაც ქალაქში ჩამოსულ ტურისტებს დისკომფორტს უქმნის. მონაწილეების თქმით, ზუგდიდში გზები და საზოგადოებრივი საპირფარეშო მოუწესრიგებელია და ასევე ვირტუალურ სამყაროში ქალაქის ღირშესანიშნაობების შესახებ ინფორმაცია არ მოიპოვება.
alt
„როდესაც ტურისტი ინტერესდება ადგილით, იძიებს ინტერნეტში, სამწუხაროდ ზუგდიდზე არ მოიპოვება არანაირი ინფორმაცია არც ქართულად და მით უმეტეს არც ინგლისურად. ტურისტი აქ მხოლოდ იმიტომ ჩერდება, რომ მესტიაში მოხვდეს. არ იძებნება არსად ინფორმაცია ჩვენი სამზარეულოს, ისტორიის და ღირშესანიშნაობების შესახებაც“, - ამბობს მოქალაქე თამარ დაგარგულია.

საკრებულოს წევრის სანდრო სორდიას განმარტებით, რომ ქალაქში გზების მოწესრიგებისკენ აქტიური ნაბიჯები გადადგმულია, რაც შეეხება საპირფარეშოებს ეს კერძო საკუთრება, თუმცა მერიას ამ კუთხითაც მოუწევს მუშაობა.
alt
როგორც შეხვედრაზე ითქვა მიმდინარე წელს ადგილობრივი თვითმმართველობა ტურიზმის განვითარების მიმართულებით 20 000 ლარს დახარჯავს. ტურიზმის განყოფილების ხელმძღვანელის კონსტანტინე წიფურიას თქმით, იგეგემება ბუკლეტების გამოცემა და ზუგდიდის ტურისტულ პოტენციალზე ვიდეორგოლის გადაღება.

დისკუსია, რომელიც ზუგდიდის დემოკრატიული ჩართულობის ცენტრის ორგანიზებით გაიმართა, ადგილობრივი თვითმმართველი ორგანოების, ტურიზმის სფეროს, არასამთავრობო ორგანიზაციების და  მედიის წარმომადგენლები ესწრებოდნენ.




Print Email
FaceBook Twitter
რ ე კ ლ ა მ ა
ჩეხეთის რესპუბლიკის კარიტასის ორგანიზებით, ზუგდიდში არსებული სკრინინგ ცენტრის 2 წლიანი საქმიანობის შედეგები შეაჯამეს.
ვაქცინაციისმხარდაჭერის მიზნით, სტუდენტური კამპანია - #ავიცრათერთმანეთისთვის იწყება.
ზუგდიდში, კოსტავას #7-ში სასწავლო ცენტრი "მესიაკონი" გაიხსნა, სადაც მე-6 კლასამდე მოსწავლეებს მიიღებენ. ცენტრის დირექტორის მაია რიგვავას თქმით,
კორონავირუსი
გასული დღე-ღამის განმავლობაში სამეგრელოს კოვიდკლინიკებში კიდევ 4 ადამიანი გარდაიცვალა. სამი მათგანი - 83 წლის სენაკელი მამაკაცი, ხობის მკვიდრი 80 წლის ქალი და 75 წლის მარტვილელი მამაკაცი
აფხაზეთში კორონავირუსით 111 ადამიანი დაინფიცირდა და 2 გარდაიცვალა. ინფორმაციას ოპერატიული შტაბი ავრცელებს. პაციენტები გუდაუთის კლინიკაში და სოხუმში
დაავადებათა კონტროლის ეროვნული ცენტრის სამეგრელო-ზემო სვანეთის განყოფილების ინფორმაციით, სახელმწიფოს მიერ შეძენილი გრიპის საწინააღმდეგო ვაქცინა ზუგდიდში რამდენიმე ლოკაციაზეა ხელმისაწვდომი.
საზოგადოება
გარემოს დაცვისა და სოფლის მეურნეობის სამინისტრომ ადრეულად გარდაცვლილი მეტყევის "სანდრო ურუშაძის პრემია 2021" ხობელ ბუნების დამცველს, სანდრო ნარსიას გადასცა.
საკოორდინაციო საბჭოს გადაწყვეტილებით, საბავშვო ბაღებსა და როგორც საჯარო, ისე კერძო სკოლებში, 4 ოქტომბერს სასწავლო პროცესი საკლასო ოთახებსა და აუდიტორიებში განახლდება,
ქართველმა მოჭადრაკემ, ნონა გაფრინდაშვილმა Netflix-ის უჩივლა, – ამის შესახებ ინფორმაციას „ნიუ იორკ თაიმსი“ ავრცელებს.
დღის სიახლეები
26 / ნოემბერი 2021
ჩეხეთის რესპუბლიკის კარიტასის ორგანიზებით, ზუგდიდში არსებული სკრინინგ ცენტრის 2 წლიანი საქმიანობის შედეგები შეაჯამეს.
26 / ნოემბერი 2021
ბოლო 24 საათში გამოვლინდა ვირუსით ინფიცირების 4 534 ახალი დადასტურებული შემთხვევა. ვირუსისგან გამოჯანმრთელდა
26 / ნოემბერი 2021
სამოქალაქო აქტივისტმა როსტომ ზარანდიამ, გუბერნიის გვერდით შენობაზე წარწერა - "უონჯღორე(ეფ)" (უსირცხვილო(ები). ქართ.) დატოვა. მას პოლიციამ წარწერის დასრულების უფლება არ მისცა
გემრიელი ისტორიები
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 7 °C
img
სოხუმი 9 °C
img
ფოთი 9 °C
img
მესტია -3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.