ახალი ამბები
ზუგდიდის მერიის ბალანსზე არსებულ უძრავ ქონებას მოქალაქეს დაუბრუნებენ
ზუგდიდის საკრებულომ მხარი დაუჭირა მუნიციპალიტეტის ბალანსზე არსებული 267 კვ.მ. ფართის სახელმწიფოსთვის გადაცემას, რათა აღნიშნული ტერიტორია მოქალაქე ვლადიმერ აბსანძეს დაუბრუნდეს. ამ მოთხოვნით მერიას პროკურატურამ მიმართა. როგორც სხდომაზე ითქვა, აბსანძეების ოჯახს უძრავი ქონება 2007 წელს მთავრობამ უკანონოდ წაართვა. 

მიუხედავად იმისა, რომ საკითხს მხარი ერთხმად დაუჭირეს, საკრებულოს დეპუტატებს შორის აღნიშნულ წინადადებას ხმაური მაინც მოჰყვა.

სხდომას არ ესწრებოდნენ ფრაქცია "ენმ"-ის წევრები, რაზედაც "ქართული ოცნების" წევრმა ირაკლი ლაგვილავამ აღნიშნა, რომ ისინი საკრებულოში შეგნებულად არ მოვიდნენ.

"მიუხედავად იმისა, რომ "ქართული ოცნების" მიმართ არის ბევრი საყვედური, მე ზუსტად ვიცი, რომ მას შემდეგ, რაც ეს ხელისუფლება შეიცვლება, არ იქნება არცერთი შემთხვევა, როცა მომდევნოს წინა მთავრობის მიერ წართმეული ქონების დაბრუნება მოუწევს. რადგან ახლა არავის ართმევენ ქონებას, როგორც ეს ხდებოდა 9 წლის განმავლობაში",-აღნიშნა ლაგვილავამ.

მას "ევროპული საქართველოს" ფრაქციის თავმჯდომარემ ბათლომე შელიამ უთხრა, რომ მათი ხელისუფლების მთავარი პრობლემა ისაა, რომ საკუთარ შეცდომებს არ აღიარებენ.

"სწორედ ესაა საერთო თქვენსა და ენმ-ს შორის, რომ არც ისინი და არც თქვენ შეცდომებს არ აღიარებთ და არ იღებთ პასუხიმგებლობას, ჩვენგან განსხვავებით. სწორედ იმიტომ გადაირჩია ხალხმა ენმ-ის მთავრობა, რომ ასეთი უსამართლობები ხდებოდა, თუმცა დღესაც სასამართლოც და პროკურატურა ერთი ადამიანის, ბიძინა ივანიშვილის სურვილებსაა მორგებული",-თქვა შელიამ.

სწორედ ამ რეპლიკამ გააღიზიანა "ქართული ოცნების" დეპუტატები. მათ სასამართლოს დამოუკიდებლობის მაგალითად "რუსთავი 2"-ის საქმე და სტრასბურგის გადაწყვეტილება დაასახელეს და აღნიშნეს, რომ "ნაციონალური მოძრაობის" "რეინკარნაცია" ვერ მოხდება.



რაც შეეხება ფართს, ის რუსთაველის 89-ნომერში (ფოსტის შენობის წინ) მდებარეობს, სადაც ამ დრომდე მერიის ააიპ "ზუგდიდასუფთავება" ფუნქციონირებს.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 12 °C
img
ფოთი 14 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.