ახალი ამბები
ზუგდიდში საკონსტიტუციო ცვლილებები ხმაურის ფონზე განიხილეს
ზუგდიდში, მოსწავლე-ახალგაზრდობის განვითარების სასახლეში, საკონსტიტუციო ცვლილებების განხილვა გაიმართა. შეხვედრაზე დეპუტატებმა მაჟორიტარულიდან პროპორციულ საარჩევნო სისტემაზე გადასვლის საკითხზე იმსჯელეს და საზოგადოებას ამის შესახებ ინფორმაცია მიაწოდეს. პარლამენტის თავმჯდომარის არჩილ თალაკვაძის თქმით, საქართველოს მთავრობამ აღნიშნული გადაწყვეტილება ხალხისა და პარლამენტის წინ ახალგაზრდების დაჟინებული მოთხოვნის შედეგად მიიღო.

„მე ვთვლი, რომ ეს არის დემოკრატიული გადაწყვეტილება. მაშინ პროპორციული არჩევნების თარიღად განისაზღვრა 2024 წელი. ჩვენ, როგორც დემორატიულმა სახელმწიფომ, გავითვალისწინეთ იმ ხალხის დაკვეთა და იმ ახალგაზრდების პროტესტი, რომლებიც პარლამენტის წინ იყვნენ შეკრებილი. მივიღეთ ის გადაწყვეტილება, რომელიც სურდა ხალხს. გვეგონა, რომ სწორი გზა იქნებოდა, რომ არჩევნები 2020 წელს 3%-იანი შერეული სისტემით ჩაგვეტარებინა, მაგრამ რადგან მთელი ოპოზიცია ითხოვს პროპორციულ არჩევნებს ახლავე, მზად ვართ, შევიდეთ ამ კონკურენციაში“, - განაცხადა თალაკვაძემ.

განხილვას ოპოზიციური პარტიის წარმომადგენლებიც ესწრებოდნენ. დამოუკიდებელი დეპუტატი ლევან კობერიძე მიიჩნევს, რომ ე.წ. ნულოვან ბარიერს 3%-იანი ჯობია. მისივე თქმით, საფიქრალია იმაზე, თუ როგორ უნდა ჩატარდეს 2020 წლის არჩევნები იმდაგვარად, რომ ქვეყნის განვითარებისთვის უკეთესი შედეგი გამოიღოს.

2020-ში პროპორციული სისტემით არჩევნების ჩატარებას მიესალმება "თავისუფალი დემოკრატების“ წევრი ალექსანდრე ბარამიძე, თუმცა ბლოკების გაუქმების გადაწყვეტილებას არ ეთანხმება. მისი თქმით, პოლიტიკურ პარტიებს უნდა ჰქონდეთ შესაძლებლობა ჩამოაყალიბონ ისეთი გაერთიანებები, რომლებიც კონკურეტუნარიანები იქნებიან.

პარტია „თავისუფალი საქართველოს“ ლიდერი კახა კუკავა, რომელიც განხილვაში მონაწილეობას იღებდა, ამბობს, რომ პროპორციულ არჩევნებზე გადასვლა არა თუ მისაღებია, არამედ ეს იყო მათი მოთხოვნა. მისი თქმით, ეს არის წინ გადადგმული ნაბიჯი, რომელიც ნიშნავს მრავალპარტიულ პარლამენტს.

საკონსტიტუციო ცვლილებების განხილვაზე განსაკუთრებული ყურადღება 20-21 ივნისის მოვლენებს დაეთმო. სამოქალაქო აქტივისტების როსტომ ზარანდიას და ცაბუნია ვართაგავას მიერ 20-21 ივნისის ღამისა და შინაგან საქმეთა ყოფილი მინისტრის გიორგი გახარიას უარყოფით კონტექსში ხსენებამ დამსწრეთა უმრავლესობაში აღშფოთება გამოიწვია.

შეხვედრაზე, რომელსაც უმეტესად ადგილობრივი თვითმმართველობების წარმომადგენლები და მმართველი პარტიის მხარდამჭერები დაესწრნენ, პრეტენზიები არასამათრავობო ორგანიზაციების მიმართაც გამოითქვა. რამდენიმე მათგანი სამოქალაქო აქტივისტების დაფინანსების წყაროებითაც დაინტერესდა, ზოგმა კი მათ პარტიულები უწოდა.

გარდა ამისა, დამსწრეებმა უკმაყოფილება გამოთქვეს ოპოზიციონერ ალექსანდრე ბარამიძის განცხადებაზე იმის შესახებ, რომ სასამართლოსადმი ნაკლები ნდობის მიუხედავად, სწორედ ამ უწყებამ უნდა მისცეს სამართლებრივი შეფასება 20 ივნისს მომხდარ მოვლენებს. მის საპასუხოდ დარბაზში მყოფმა საზოგადოება „ზუგდიდელის“ წევრმა მურმან ნაჭყებიამ თქვა, რომ იმ ადამიანებმა, ვისაც „განსჯის უნარი“ აქვს, ეს მოვლენები უკვე შეაფასეს.

კონსტიტუციაში დაგეგმილი ცვლილებების პროექტების საყოველთაო-სახალხო განხილვის კომისია მსგავს შეხვედრებს 10 ქალაქში გამართავს.




Print Email
FaceBook Twitter
რ ე კ ლ ა მ ა
"ქართული ოცნების" ზუგდიდის მჟორიტარი დეპუტატობის კანდიდატი ირაკლი ჩიქოვანი სოფელ ტყაიაში ადგილობრივ მოსახლეობას შეხვდა და მათ საარჩევნო პროგრამა გააცნო.
ზუგდიდის მუნიციპალიტეტის სოფელ რუხში საფეხბურთო აკადემიის მშენებლობა აქტიურად მიმდინარეობს.
"სოფლის მხარდაჭერის პროგრამა" წარმოადგენს სოფლად ინფრასტრუქტურის მოწესრიგების ერთ-ერთ მთავარ წყაროს.
კორონავირუსი
27 ოქტომბერს დე ფაქტო რესპუბლიკაში 467 პირის ბიოლოგიური ნიმუში გამოიკვლიეს, მათგან 113-ს კორონავირუსი დაუდასტურდა.
გასული 24 საათის განმავლობაში რეგიონის მასშტაბით ზუგდიდის ინფექციური საავადმყოფოს ლაბორატორიაში გამოკვლეული 407 ნიმუშიდან 63-ზე დადებითი პასუხია.
ჩხოროწყუს მკვიდრი 83 წლის ქალი კორონავირუსით გარდაიცვალა. სამხარეო ადმინისტრაციის ინფორმაციით, პაციენტი თერჯოლის კოვიდმიმღებ ცენტრში მკურნალობდა და მას თანმხლები დაავადებები ჰქონდა.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
28 / ოქტომბერი 2020
"ქართული ოცნების" ზუგდიდის მჟორიტარი დეპუტატობის კანდიდატი ირაკლი ჩიქოვანი სოფელ ტყაიაში ადგილობრივ მოსახლეობას შეხვდა და მათ საარჩევნო პროგრამა გააცნო.
28 / ოქტომბერი 2020
27 ოქტომბერს დე ფაქტო რესპუბლიკაში 467 პირის ბიოლოგიური ნიმუში გამოიკვლიეს, მათგან 113-ს კორონავირუსი დაუდასტურდა.
27 / ოქტომბერი 2020
ზუგდიდში, წმინდა ნინოს ქუჩაზე პოლიციის თანამშრომლის მიერ მოქალაქის ცემის ფაქტზე გამოძიება ძალადობის მუხლით დაიწყო.
მთავარი საინფორმაციო გამოშვება
არქივი
ამინდი
ზუგდიდი 22 °C
img
სოხუმი 22 °C
img
ფოთი 21 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.