ახალი ამბები
ბრიტანული ორგანიზაცია ზუგდიდში მიუსაფარი ძაღლების საკითხს გაეცნო
ზუგდიდში, მიუსაფარი ცხოველების საკითხის შესწავლის მიზნით, ცხოველთადამცველი ბრიტანული ორგანიზაცია Mayhew International-ის წარმომადგენლები იმყოფებოდნენ. ისინი ამ კუთხით მუნიციპალიტეტის ტერიტორიაზე არსებულ მდგომარეობას გაეცნენ და ადგილობრივ ვეტერინარებთან მუშაობის სურვილი გამოთქვეს.

„თბილისში რამდენიმე წელია ვმუშაობთ და იქ სიტუაცია შედარებით გაუმჯობესებულია. აქ ამ მიმართულებით დიდი პრობლემაა და ვფიქრობ საჭიროა დახმარება. ამიტომაც ვართ აქ, ვნახეთ მიუსაფარი ძაღლები ქუჩებში და გავესაუბრეთ ადგილობრივებს. ძალიან ცუდი სანახავია ამდენი ავადმყოფი ძაღლი ქალაქში“, - თქვა Mayhew International -ის აღმასრულებელმა დირექტორმა ქეროლაინ იეტსმა.

ბრიტანული ორგანიზაციის წარმომადგენლები ანაკლიაშიც ჩავიდნენ და იქ არსებულ ვიტარებას ადგილზე გაეცნენ. ამბობენ, რომ ამ პატარა სოფელში ძალიან ბევრი უპატრონო ცხოველი ნახეს. სავარაუდოდ, ისინი საპილოტე პროექტს სწორედ აქ განახორციელებენ.

„აშკარაა, რომ ზუგდიდი და ანაკლია დიდი პოტენციალის მქონე ტურისტული ადგილებია. თუ ჩვენ შევძლებთ ვაჩვენოთ ანაკლიის მაგალითზე, რა უნდა გაკეთდეს, ჩავრთოთ ამაში თემი და მივაღწევთ წარმატებას, პროგრამას ზუგდიდზეც გავავრცელებთ“, - ამბობს იეტსი.

საქართველოში ორგანიზაციის წარმომადგენლის და ვეტერინარის ანა მეცხვარიშვილის განმარტებით, პროგრამა, რომელსაც ბრიტანული ორგანიზაცია ჩვენს ქვეყანაში ახორციელებს, მიზნად ჰუმანური გზებით ცხოველთა პოპულაციის კონტროლს ისახავს. მისივე თქმით, ისინი პროგრამის ფარგლებში, რამდენიმე ქალაქში მიუსაფარი ძაღლებისა და კატების უკონტროლო გამრავლების თავიდან ასაცილებლად უფასო სტერილიზაცია/კასტრაცის ოპერაციებს ატარებენ. ამასთან, ხდება ცხოველის სხვადასხვა დაავადებებზე ვაქცინაცია. გარდა ამისა, საჭიროების შემთხვევაში ცხოველებს პარაზიტებზე ამუშავებენ, რის შემდეგაც მათ ბუნებრივ არეალში აბრუნებენ.

„ჩვენი მიზანია, ცხოველების პოპულაცია ჰუმანური გზით გავაკონტროლოთ. ამასთან, დავიცვათ მოსახლეობა სხვადასხვა გავრცელებული დაავადებებისგან, როგორიც არის მაგალითად ცოფი, რაც ადამიანებისთვისაც წარმოადგენს საფრთხეს. თუ ხალხი დაინახავს, რომ ქუჩის ძაღლებს ყურზე უკეთიათ საჭდე, ეს ზუსტად იმის მანიშნებელია, რომ ისინი ადამიანებისთვის საფრთხეს არ წარმოადგენენ“, - აღნიშნა ანა მეცხვარიშვილმა.

ანა მეცხვარიშვილის ინფორმაციით, აღნიშნული პროგრამის ფარგლებში პირველი უფასო აქცია ანაკლიაში, სავარაუდოდ, გაზაფხულზე ჩატარდება. ასევე, მისი თქმით, ორგანიზაცია მზად არის კონსულტაცია გაუწიოს ზუგდიდში თავშესაფრის მშენებლობაში დაინტერესებულ მხარეებს.

„ვაპირებთ მოვიძიოთ კონტაქტები და შევეხმიანოთ ამ საქმეში ჩართულ ხალხს. თუ ისინი თანახმა იქნებიან, მზად ვართ ყველანაირი კონსულტაცია გავუწიოთ, რომ თავიდანვე ყველაფრის გათვლა მოხდეს სწორად. დაინტერესების შემთხვევაში, მზად ვართ, რომ ვასწავლოთ და ჩავუტაროთ გადამზადება“, - ამბობს ვეტერინარი.

თავის მხრივ, ზუგდიდის მუნიციპალიტეტის მერიაში აცხადებენ, რომ ხელშეკრულება ამჟამად შპს ,,იმერეთი ჯგუფთან“ აქვთ გაფორმებული, რომელსაც თვეში ორჯერ ან სამჯერ ძაღლები ქალაქიდან გაჰყავს. მერიის ინფორმაციით, ცხოველებს უტარდებათ ყველა საჭირო პროცედურა, მათ შორის, სტერილიზაცია, კასტრაცია, აცრები და სხვა.

„დღეის მდგომარეობით პროცედურები გავლილი აქვს 347 ძაღლს. შესაბამისად ეს ძაღლები ვერ შექმნიან დაავადების გადატანის საფრთხეს და ვერც გამრავლდებიან. ამასთან, მუნიციპალური განვითარების ფონდი ზუგდიდში ააშენებს ცხოველთა თავშესაფარს, რომელიც თანამედროვე სტანდარტებს დააკმაყოფილებს. ამჟამად მიმდინარეობს პროექტირების სამუშაოები. ცხოველთა თავშესაფარი განთავსდება შემოღობილ ტერიტორიაზე და აღიჭურვება ადმინისტრაციული და კარანტინის შენობებით, ვეტერინარული კლინიკით, ლაბორატორიით, ვოლიერებითა და ყველა სხვა აუცილებელი ინფრასტრუქტურით. გარდა ამისა, თავშესაფარში იმუშავებს 24-საათიანი „ქოლცენტრი“, რომლის მეშვეობითაც მოხდება გამოძახება ცხოველის გადასაყვანად. თავშესაფრის ფუნქციებში შევა ცხოველის პატრონის დადგენის ან ახლის მოძიების მიზნით ღონისძიებების გატარება, ცხოველთადაცვით ორგანიზაციებთან ერთად ცხოველებზე ზრუნვისკენ მიმართული საინფორმაციო კამპანიების წარმოება და სხვა“, - აცხადებენ მერიაში.

ზუგდიდში მიუსაფარი ძაღლების თავშესაფარი 250 ძაღლზე იქნება გათვლილი. თავშესაფრების პროექტირებაზე სახელმწიფო ბიუჯეტიდან 155 ათასი ლარი გამოიყო. მშენებლობა საპროექტო სამუშაოების დასრულების შემდეგ უნდა დაიწყოს.

ორგანიზაცია Mayhew International-ის წარმომადგენლები ზუგდიდში ყოფილი პირველი ლედის სანდრა რულოვსის და ანაკლიის მაჟორიტარი დეპუტატის დათა შელიას მოწვევით იმყოფებოდნენ.








Print Email
FaceBook Twitter
რ ე კ ლ ა მ ა
ქართული ოცნების" აბაშის, მარტვილის, ჩხოროწყუსა და წალენჯიხის მაჟოროტარობის კანდიდატი ალექსანდრე მოწერელია მოსახლეობასთან შეხვედრებს აქტიურად განაგრძობს.
დღეს, 25 ოქტომბერს ზუგდიდში „ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშიას“ წინასაარჩევნო დასკვნითი ღონისძიება გაიმართება.
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი მოსახლეობისთვის საარჩევნო პროგრამის გაცნობას აქტიურად განაგრძოს.
კორონავირუსი
რეგიონის მასშტაბით, ზუგდიდის ინფექციური საავადმყოფოს ლაბორატორიაში გამოკვლეული 276 ნიმუშიდან 93 -ზე დადებითი პასუხია.
საქართველოში კორონავირუსის 1 928 ახალი შემთხვევა გამოვლინდა. ამის შესახებ ინფორმაცია განახლდა მთავრობის სპეციალურ ვებგვერდზე
გასული დღე-ღამის განმავლობაში დე ფაქტო რესპუბლიკაში 371 პირის ბიოლოგიური ნიმუში გამოიკვლიეს, მათგან 117-ს კორონავირუსი დაუდასტურდა,
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
25 / ოქტომბერი 2020
ქართული ოცნების" აბაშის, მარტვილის, ჩხოროწყუსა და წალენჯიხის მაჟოროტარობის კანდიდატი ალექსანდრე მოწერელია მოსახლეობასთან შეხვედრებს აქტიურად განაგრძობს.
25 / ოქტომბერი 2020
შინაგან საქმეთა სამინისტროს ცნობით,  ზუგდიდში 21 ოქტომბერს "საქართველოს ბანკის" ყაჩაღურ თავდასხმაში მონაწილე დამნაშავე პირის ვინაობა დადგენილია და ის იდენტიფიცირებულია.
25 / ოქტომბერი 2020
დღეს, 25 ოქტომბერს ზუგდიდში „ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშიას“ წინასაარჩევნო დასკვნითი ღონისძიება გაიმართება.
მთავარი საინფორმაციო გამოშვება
არქივი
ამინდი
ზუგდიდი 11 °C
img
სოხუმი 15 °C
img
ფოთი 14 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.