ახალი ამბები
დევნილები ზუგდიდის მერიას უყურადღებობაში ადანაშაულებენ (ვიდეო)
ზუგდიდში, თაბუკაშვილის ქუჩაზე არსებულ დევნილთა დასახლებაში ამბობენ, რომ ახლად აშენებულ კორპუსებში კანალიზაციის მილები დაზიანებულია და დაბინძურებული წყალი ჟონავს. მათივე თქმით, სარდაფი ჩამოსული წყლით არის სავსე, რის გამოც ირგვლივ ანტისანიტარია. აფხაზეთიდან იძულებით გადაადგილებული პირები  ადგილობრივ ხელისუფლებას უყურადღებობაში ადანაშაულებენ.

„დაგვპირდნენ, რომ კანალიზაციის პრობლემას მოგვიგვარებდნენ. მოიტანეს გიფსოკარდონი, ააკრეს ჭერზე, მაგრამ მილებიდან, რომ წყალმა გაჟონა ჩამოიყარა ისიც. რამდენჯერ მივმართეთ ადგილობრივ ხელისუფლებას, მაგრამ პრობლემა პრობლემად რჩება“, - ამბობს ნენე სიჭინავა.

ადგილზე იმყოფებოდა ერთიანი ნაციონალური მოძრაობის ფრაქციის თავმჯდომარე ანა წითლიძე. მისი თქმით, აღნიშნული პრობლემის მოგვარება მერის, გიორგი შენგელიას წინასაარჩევნო დაპირება იყო, რაც მან არ შეასრულა.

„ასე ასრულებს "ქართული ოცნება" საარჩევნო დანაპირებს. ახლახან იყო შუალედური არჩევნები ზუგდიდში, აქ პირადად იმყოფებოდა მერობის კანდიდატი, რომელიც ამ ადამიანებს პრობლემების მოგვარებას შეჰპირდა. აქ თითქმის ყველა კორპუსში ასეთი მდგომარეობაა. გახეთქილია კანალიზაცია და არის ანტისანიტარია. დაზიანებულია შენობები, აწვიმს კორპუსებს. მიუხედავად დაპირებისა ამ ხალხმა ექვსი თვის განმავლობაში ვერ მოახერხა მერთან შეხვედრა“, - ამბობს წითლიძე.

თავის მხრივ, ზუგდიდის მუნიციპალიტეტის მერიაში ამბობენ, რომ თაბუკაშვილის დევნილთა ჩასახლებიდან აღნიშნულ პრობლემაზე ოფიციალური მომართვა ამ დრომდე არ ყოფილა.

„ზუგდიდის მუნიციპალიტეტში აქტიურად მიმდინარეობს ბინათმესაკუთრეთა ამხანაგობების განვითარების პროგრამა, რომლის ფარგლებში ამ დროისთვის 17 სხვადასხვა სახის პროექტია განხორციელებული. სწორედ ამ პროგრამის ფარგლებში, დევნილებს შექმნილი ამხანაგობის საფუძველზე შეუძლიათ წარმოადგინონ პროექტი ხარჯთაღრიცხვით და მერია პროექტის ღირებულების 90 პროცენტს დაუფინანსებს. ამ პროგრამის შესახებ ჩვენ რამდენიმე დღის წინ გვქონდა დევნილებთან შეხვედრა, სადაც დეტალურად გავაცანით ეს პროგრამა. მათ აქვთ ინფორმაცია ამის შესახებ და შეუძლია ისარგებლონ ამ პროგრამით“, - აცხადებენ მერიაში.

აღნიშნულ დასახლებაში 2015 წელს ახლად აშენებულ კორპუსებში 320-მა ოჯახმა მიიღო საცხოვრებელი ფართი. პროექტის ღირებულებამ 14,5 მილიონი ლარი შეადგინა. შესახლებიდან რამოდენიმე თვეში სხვადასხვა პრობლემებმა იჩინა თავი. დაფიქსირდა წყლის დაბინძურების ფაქტები, რამდენჯერმე გაიჭედა კანალიზაციის მილი და სხვ.



Print Email
FaceBook Twitter
რ ე კ ლ ა მ ა
"ქართული ოცნების" ზუგდიდის მჟორიტარი დეპუტატობის კანდიდატი ირაკლი ჩიქოვანი სოფელ ტყაიაში ადგილობრივ მოსახლეობას შეხვდა და მათ საარჩევნო პროგრამა გააცნო.
ზუგდიდის მუნიციპალიტეტის სოფელ რუხში საფეხბურთო აკადემიის მშენებლობა აქტიურად მიმდინარეობს.
"სოფლის მხარდაჭერის პროგრამა" წარმოადგენს სოფლად ინფრასტრუქტურის მოწესრიგების ერთ-ერთ მთავარ წყაროს.
კორონავირუსი
27 ოქტომბერს დე ფაქტო რესპუბლიკაში 467 პირის ბიოლოგიური ნიმუში გამოიკვლიეს, მათგან 113-ს კორონავირუსი დაუდასტურდა.
გასული 24 საათის განმავლობაში რეგიონის მასშტაბით ზუგდიდის ინფექციური საავადმყოფოს ლაბორატორიაში გამოკვლეული 407 ნიმუშიდან 63-ზე დადებითი პასუხია.
ჩხოროწყუს მკვიდრი 83 წლის ქალი კორონავირუსით გარდაიცვალა. სამხარეო ადმინისტრაციის ინფორმაციით, პაციენტი თერჯოლის კოვიდმიმღებ ცენტრში მკურნალობდა და მას თანმხლები დაავადებები ჰქონდა.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
28 / ოქტომბერი 2020
სამეგრელოში, აჭარასა და გურიაში ახალი პროექტის  - „უნარები დასაქმებისა და თანამშრომლობისთვის - პერსპექტივები საქართველოს რეგიონებისთვის (SECTORS)“  განხორციელება  იწყება.
28 / ოქტომბერი 2020
ქართული ოცნების“ აღმასრულებელი მდივნის ირაკლი კობახიძის განცხადებით, „ნაციონალურ მოძრაობას“, რამდენიმე ქალაქში, მათ შორის ზუგდიდში ე.წ. რევოლუციური შტაბი აქვს გახსნილი,
28 / ოქტომბერი 2020
"ქართული ოცნების" ზუგდიდის მჟორიტარი დეპუტატობის კანდიდატი ირაკლი ჩიქოვანი სოფელ ტყაიაში ადგილობრივ მოსახლეობას შეხვდა და მათ საარჩევნო პროგრამა გააცნო.
მთავარი საინფორმაციო გამოშვება
არქივი
ამინდი
ზუგდიდი 30 °C
img
სოხუმი 26 °C
img
ფოთი 21 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.