რეგიონი
რა პრეტენზიები აქვთ ზუგდიდში საოჯახო სასტუმროების მფლობელებს - შეხვედრა ენერგოომბუდსმენთან (ვიდეო)
საოჯახო ტიპის სასტუმროების მფლობელები ენერგოომბუდსმენს სამეგრელო-ზემო სვანეთის სამხარეო ადმინისტრაციაში შეხვდნენ. სალომე ვარდიაშვილისგან მცირე მეწარმეებმა წყლის ტარიფის შესახებ დეტალური ინფორმაცია მიიღეს, რომელიც 2020 წლის პირველი იანვრიდან საოჯახო სასტუმროებისთვის ამოქმედდება. თავის მხრივ, ინდივიდუალური მეწარმეები ენერგოომბუდსმენს იმ პრობლემების შესახებ ესაუბრნენ, რომლებსაც ისინი აწყდებიან. მათი თქმით, აღნიშნული გადაწყვეტილება დისკრიმინაციულია და ეს მათ ბიზნესს ავნებს. 

საოჯახო სასტუმრო "მწვანე სახლის" მფლობელი თიკა დიდიშვილის თქმით, დიდ სასტუმროებთან მათი შედარება არ შეიძლება. 
„პრობლემებს ვაწყდებით მრიცხველების გამოყოფასა და კომერციულ ტარიფებთან დაკავშირებით. მოგეხსენებათ, რომ საოჯახო სასტუმრო არ არის დიდი და შემოსავლის წყაროც რა თქმა უნდა მცირეა. არავითარ შემთხვევაში არ შეიძლება მისი გაიგივება დიდ სასტუმროსთან. თუ ეს რეგულაციები ამოქმედდება, იძულებული გავხდებით გავზარდოთ ფასები ნომრებზე, რაც ტურისტებზეც ცუდად აისახება ან საერთოდ მოგვიწევს ამ საქმიანობისთვის თავის დანებება. ვგეგმავთ, რომ სემეკს თხოვნით მივმართოთ, რომ გარკვეული შეღავათი გაგვიწიონ ამ რეგულაციებთან დაკავშირებით. მოგვცენ იმის საშუალება, რომ გავაგრძელოთ ჩვენი საქმიანობა“, - ამბობს თიკა დიდიშვილი.

ენერგოომბუდსმენი ამბობს, რომ საოჯახო სასტუმროს მფლობელების პრეტენზიები სამართლიანია და საქართველოს ენერგეტიკის და წყალმომარაგების კომპანიას მათ პრობლემებს გააცნობს. 

„ადამიანები, რომლებსაც საკუთარი სახლი აქვთ გადაკეთებული საოჯახო სასტუმროებად ვერასოდეს ვერ შევლენ კონკურენციაში ისეთ მსხვილ მეწარმეებთან, რომლებსაც აქვთ ბუტიკის ტიპის სასტუმროები. მე არაერთხელ მიმიმართავს სემეკისთვის, რომ ეს მიდგომა იქნებოდა დისკრიმინაციული, რადგან მომხმარებლების არასწორ დაყოფა ხდება. მე მოვისმინე მცირე მეწარმეების პრეტენზიები და ისინი საკმაოდ სამართლიანად მიმაჩნია. ეს ყველაფერი ჩავინიშნე და არ არის გამორიცხული, რომ რაღაც კონკრეტული დროის მერე, რაც ეს ნორმა ამოქმედდება და მის ნაკლოვანებებს დავინახავთ, წინადადებით მივმართოთ ცვლილებებისთვის“, - აღნიშნა სალომე ვარდიაშვილმა.

აღნიშნულ შეხვედრას ორგანიზება სამეგრელო-ზემო სვანეთის დანიშნულების მართვის ორგანიზაციამ (DMO) გაუწია.

ცნობისთვის, კომისიის მიერ დამტკიცებულია ორი ტიპის მოდელი და მომხმარებელი (საოჯახო სასტუმროს მფლობელი) უფლებამოსილია მოითხოვოს მათგან ერთ-ერთი.

პირველი მოდელის შესაბამისად, საოჯახო სასტუმროს მფლობელის მთელ ობიექტზე სასმელი წყლის მოხმარება აღირიცხება ერთობლივად, რა შემთხვევაშიც არასაყოფაცხოვრებო ტარიფი დაერიცხება მოხმარებული სასმელი წყლის მხოლოდ იმ ოდენობას, რაც აღემატება თვის განმავლობაში 25 კუბურ მეტრს.

მეორე მოდელის მიხედვით, სასმელი წყლის მოხმარება ობიექტის იმ ნაწილზე, სადაც ხორციელდება ტურისტების მომსახურება, აღირიცხება განცალკევებულად. ანუ, მხოლოდ იმ ნაწილზე, სადაც ხორციელდება ტურისტების სისტემატური და ორგანიზებული მომსახურება, სასმელი წყლის საფასური დაირიცხება არასაყოფაცხოვრებო ტარიფით. ამ მოდელის გამოყენების შემთხვევაში საოჯახო სასტუმროს მფლობელი ისარგებლებს ორი მრიცხველით. მათგან ერთი განკუთვნილი იქნება საყოფაცხოვრებო (საკუთარი) მოხმარების აღსარიცხავად, რა შემთხვევაშიც მომხმარებელი ისარგებლებს სასმელი წყლის საყოფაცხოვრებო ტარიფით, ხოლო მეორე მრიცხველი დამონტაჟდება უძრავი ქონების იმ ნაწილზე, სადაც ხდება ტურისტების მომსახურება. სწორედ აღნიშნული მომსახურების შემთხვევაში საოჯახო სასტუმროს მფლობელი გადაიხდის მოხმარებული სასმელი წყლის საფასურს არასაყოფაცხოვრებო ტარიფით.

Print Email
FaceBook Twitter
რ ე კ ლ ა მ ა
ჩხოროწყუს მუნიციპალიტეტის მერი დათო გოგუა და მერის პირველი მოადგილე გოჩა ჩიქოვანი სოფელ თაიაში წყალმომარგების მოწყობის სამუშაოებს გაეცნენ.
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
კორონავირუსი
პრემიერ-მინისტრის განცხადებით, საქართველოს მთავრობის და ასევე ეპიდემიოლოგების მკაცრი რეკომენდაციაა, რომ „70 წელს ზემოთ ადამიანები დარჩნენ სახლში“. გიორგი გახარია ამბობს,
28 ნოემბრიდან 31 იანვრამდე ზუგდიდში ფოთსა და კიდევ 6 დიდ ქალაქში მუნიციპალური ტრანსპორტი არ იმოძრავებს. ამის შესახებ გადაწყვეტილება უწყებათაშორისმა საკოორდინაციო საბჭომ მიიღო.
რეგიონის მასშტაბით არსებულ კოვიდცენტრებში 212 პაციენტი მკურნალობს, მათგან 11-ის ჯანმრთელობის მდგომარეობა მძიმეა.
საზოგადოება
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
14-16 ნოემბერს, საქართველოს განათლების, მეცნიერების, კულტურისა და სპორტის სამინისტროს მხარდაჭერით, აქცია „ღამე მუზეუმში“ ტარდება. ამის შესახებ ინფორმაციას განათლების სამინისტრო ავრცელებს.
დღის სიახლეები
26 / ნოემბერი 2020
წინა თვესთან შედარებით ერთი ტომარა (50კგ) პურის ფქვილი 10 ლარამდე გაძვირდა და მისი ფასი მომავალ კვირაში კიდევ უფრო მოიმატებს. ამის შესახებ რადიო „ათინათთან“ ზუგდიდის წისქვილკომბინატ
26 / ნოემბერი 2020
პრემიერ-მინისტრის განცხადებით, საქართველოს მთავრობის და ასევე ეპიდემიოლოგების მკაცრი რეკომენდაციაა, რომ „70 წელს ზემოთ ადამიანები დარჩნენ სახლში“. გიორგი გახარია ამბობს,
26 / ნოემბერი 2020
28 ნოემბრიდან 31 იანვრამდე ზუგდიდში ფოთსა და კიდევ 6 დიდ ქალაქში მუნიციპალური ტრანსპორტი არ იმოძრავებს. ამის შესახებ გადაწყვეტილება უწყებათაშორისმა საკოორდინაციო საბჭომ მიიღო.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 4 °C
img
სოხუმი 5 °C
img
ფოთი 6 °C
img
მესტია -8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.