ახალი ამბები
რუხის მოსახლეობა: მერიას ვთხოვთ სოფელს საძოვრები შეუნარჩუნდეს
ზუგდიდის სოფელ რუხში ადგილობრივებმა საპროტესტო აქცია გამართეს. მათი ინფორმაციით, მდინარე ენგურის მიმდებარედ არსებულ ტერიტორიაზე კერძო საწარმო ქვა-ღორღის მოსაპოვებელ სამუშაოებს აწარმოებს, რის გამოც აღნიშნული ადგილები საძოვრისთვის გამოუსადეგარი გახდა. ისინი დახმარებისთვის მერიას მიმართავენ და ამბობენ, რომ საძოვრების განადგურების შემთხვევაში სოფელში ცხოვრებას აზრი დაეკარგება.  

"ხალხის პრობლემა და პრეტენზია იმაში მდგომარეობს, რომ საძოვრების ტერიტორიაზე ლიცენზია აღებულია და უნდა გამოიყენონ კარიერად, რასაც სოფლის მოსახლეობა ეწინააღმდეგება. თუ ეს საძოვრები განადგურდა აზრი არ აქვს აქ სოფლად ცხოვრებას, საქონელი ჰყავს ყველას და ბუნებრივია საძოვარი სჭირდება. მერიას შესაბამის რეაგირებას ვთხოვთ, რომ სოფელს საძოვრები შეუნარჩუნდეს და დაუყოვნებლივ იქნეს გაყვანილი ტექნიკა აქედან", - ამბობენ ადგილობრივები.

თავის მხრივ ზუგდიდის მერიაში განმარტავენ, რომ საკითხზე მუშაობა 2 დღის წინ დაიწყეს. ზუგდიდის მერის ინფორმაციით აღნიშნულ ტერიტორიაზე ქვა-ღორღის მოპოვების ლიცენზია კომპანიამ 2017 წელს მიიღო, ნებართვის გაცემა კი მუნიციპალიტეტის მიერ არ ხდება. გეგა შენგელია ამბობს, რომ მათ უკვე გამართეს შეხვედრები, როგორც მოსახლეობასთან, ისე კომპანიის წარმომადგენლებთან. 

"კომპანია მუშაობს იმ სალიცენზიო ტერიტორიის ფარგლებში, რომელიც მისთვის გაცემულია 2017 წელს და მისი მხრიდან კანონდარღვევას ადგილი არ აქვს. თუმცა, მოსახლეობას აქვს ლეგიტიმური პრეტენზია, რომ მათი საძოვრების დაზიანება ხდება. ამიტომ, ჩვენ კომპანიას მოვუწოდეთ, შეეჩერებინა სამუშაოები გარკვეული ვადით, სანამ ჩვენ მოსახლეობასთან საბოლოოდ არ შევჯერდებით, ისე რომ კომპანიის ინტერესებიც იყოს გათვალისწინებული. ბუნებრივია მოსახლეობის ინტერესები არის ჩვენთვის უმნიშვნელოვანესი, რამეთუ საძოვრების თემა არის ძალიან სენსიტიური და მაქსიმალურად ვცდილობთ დავიცვათ ადგილობრივების ინტერესი. აღნიშნული ლიცენზიის გაცემა ხდება არა მუნიციპალიტეტის, არამედ ეკონომიკის სამინისტროს მიერ. რატომ მოხდა აღნიშნულ ტერიტორიაზე ლიცენზიის გაცემა, ჩვენი გადასახედიდან რთული შესაფასებელია, თუმცა გამოსავლის ძიების პროცესში ვართ", - აღნიშნა გეგა შენგელიამ.



Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 17 °C
img
ფოთი 15 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.