ახალი ამბები
სასტუმრო „ოდიშის“ შენობა კიდევ უფრო გაიაფდა - კამათი საკრებულოს სხდომაზე
ზუგდიდში, სასტუმრო „ოდიშის“ შენობას აუქციონზე მესამედ გაიტანენ. ამჯერად მისი ღირებულება  500 000 ლარით ნაკლები იქნება. ქონების საწყისი ფასი 2 მილიონი ლარით განისაზღვრა, თუმცა არ იცვლება საინვესტიციო ვალდებულებები. საკითხის განხილვას კამათი მოჰყვა საკრებულოს დღევანდელ სხდომაზე. დეპუტატების ნაწილი მიიჩნევს, რომ მუნიციპალური ქონების ფასი იაფია და რამდენიმე წელიწადში მისი საბაზრო ღირებულება მნიშვნელოვნად გაიზრდება.

„ზუგდიდში სულ რამდენიმე ბიზნესმენია, რომელსაც ამ შენობის ყიდვა შეუძლია და ხომ შეიძლება ეს ადამიანები შეთანხმდნენ და სპეციალურად არ ყიდულობენ ფასის დასაგდებად. მე მიმაჩნია, რომ ეს ფასი ისედაც ძალიან იაფია და არ უნდა დავაკლოთ. გამოდის, რომ ქალაქის ცენტრში 1კვ/მ ფართი 275 დოლარი ღირს, მაშინ როდესაც ამ შენობის პირველი სართულის 1 კვ/მ ფასი, როგორც აქ ახლა ითქვა, 2000 დოლარია. ჩემი შინაგანი რწმენით მუნიციპალიტეტის ეს ქონება ახლა არ უნდა გაიყიდოს“, - თქვა სხდომაზე საკრებულოს წევრმა „ქართული ოცნებიდან“ თამაზ ფაცაციამ.

დეპუტატის პასუხად საკრებულოს თავმჯდომარემ განმარტა, რომ 2 მილიონი ლარი მისი საბაზრო ღირებულებაა და ქონება სახელმწიფო აუდიტმა შეაფასა.

„თავიდანვე სახელმწიფო აუდიტის დასკვნა იყო, რომ ეს ქონება 2 მილიონის იყო, თუმცა  ბუნებრივია მეტი გვინდოდა და ჩვენივე ინიციატივით მოუმატეთ ფასს, გვინდოდა უფრო ძვირად გაგვეყიდა, თუმცა უკვე ორჯერ არ გამოჩნდა ინვესტორი. ასევე, ამ შენობის შეფასების დროს გასათვალისწინებელია ერთი გარემოება, მას მხოლოდ ერთი შესასვლელი აქვს, რაც ალბათ აფერხებთ ინვესტორებს“, - აღნიშნა წოწერიამ.

განსხვავებული მოსაზრებების მიუხედავად, საკითხი კენჭისყრაზე მას შემდეგ გაიტანეს, რაც მერის მოადგილემ დეპუტატებს მიმართა. კონსტანტინე კაკავა იზიარებს იმ მოსაზრებას, რომ შენობის ღირებულება იაფია, თუმცა აქვე ამბობს, რომ ამ საკითხის დაკონსერვება არ შეიძლება, რადგან სასტუმრო ქალაქის შუაგულშია და მას განვითარება სჭირდება. აღსანიშნავია, რომ ამ შენობაში უკვე წლებია დევნილები ცხოვრობენ.

საბოლოოდ, საკითხს თამაზ ფაცაციას გარდა, ყველა დეპუტატმა დაუჭირა მხარი. უახლოეს დღეებში მუნიციპალურ ქონებას გასაყიდად აუქციონზე უკვე მესამედ გაიტანენ.

ინფორმაციისთვის, "ოდიშის" შენობის (პირველი სართულის ნაწილი და მეორე-მესამე სართული) შეძენის მსურველმა აქ ისევ სასტუმრო უნდა მოაწყოს და 3 წლის განმავლობაში 3 მილიონი ლარის ინვესტიცია უნდა განახორციელოს. თავდაპირველად, ქონება აუქციონზე 4 მილიონ ლარად იყიდებოდა, თუმცა ის ვერ გასხვისდა და მეორე გატანაზე 1.5 მილიონი ლარით გაიაფდა.




Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
28 / მარტი 2024
საქართველოს ეროვნული ნაკრების გამარჯვებას და მათ მიერ ევროპის ჩემპიონატზე თამაშის უფლების მოპოვებას სოციალური ქსელების აფხაზურ სეგმენტში განიხილავენ.
28 / მარტი 2024
სოფლის მეურნეობისა და გარემოს დაცვის მინისტრის ოთარ შამუგიას განცხადებით, მცირე ზომის სასოფლო-სამეურნეო ტექნიკის შეძენას მაღალმთიან დასახლებებში მცხოვრები პირები სახელმწიფოს 70 %-ის თანადაფინანსებით შეძლებენ.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 15 °C
img
ფოთი 14 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.