ახალი ამბები
სოლიდარობის გზავნილი - ზუგდიდში უკრაინის რადაში გასაგზავნ დროშაზე ხელმოწერები დატოვეს
მოძრაობა "დროას" ორგანიზებით, უკრაინის რადაში გასაგზავნ დროშაზე ხელმოწერები სიმბოლურად ზუგდიდშიც დაიტანეს. "სოლიდარობის გზავნილს" პოლიტიკური პარტიების ადგილობრივი წარმომადგენლები და მოქალაქეები შეუერთდნენ. ადგილზე იმყოფებოდნენ "ლელოს", ერთიანი ნაციონალური მოძრაობის და "ევროპული საქართველოს წევრები. "დროას" ზუგდიდის ორგანიზაციის ხელმძღვანელის მარიამ სიჭინავას თქმით, ხელმოწერილ დროშას, მხარდაჭერისა და სოლიდარობის ნიშნად, ელენე ხოშტარია უკრაინის რადის დეპუტატებს გადასცემს.

"გუშინ ჩვენ ვნახეთ, რომ უკრაინის უმაღლეს რადაში მთელი თავისუფალი სამყარო იდგა უკრაინის გვერდით. საქართველოს მთავრობამ კიდევ ერთხელ გაუშვა ხელიდან შანსი დაემტკიცებინა მისი მყარი პოზიცია, რომ რუსეთი არის ოკუპანტი. დღეს შევიკრიბეთ იმისთვის, რომ საქართველოს დროშაზე გავაკეთოთ ხელმოწერები, რომელსაც ელენე ხოშტარია წაიღებს უკრაინის უმაღლეს რადაში. მიუხედავად იმისა, რომ გუშინ დავუწერე ყველა პარტიას, მათ შორის "ქართულ ოცნებას", გახარიას პარტიას, რომ მზად ვიყავით, მიგვეღო მათი ხელმოწერებიც, დღეს, საჯარო მოხელეებისგან მივიღე წერილები, რომ მათ აუკრძალეს მოსვლა დღევანდელ აქციაზე, რაც ძალიან სამწუხაროა და კიდევ ერთხელ ამტკიცებს იმას, თუ რატომ არ ახსენა ხელისუფლებამ რეზოლუციის ტექსტში რუსეთი", - თქვა სიჭინავამ. 

აქციის მიმდინარეობისას მან სკეიტპარკის ტერიტორიაზე უკრაინის დროშა დახატა. 

სიჭინავას ინფორმაციით, დროშაზე ხელმოწერის დატოვება მსურველებს დღეს 3 საათამდე შეეძლებათ. ამასთან, ის ზუგდიდის მერიაში მისვლას გეგმავს, სადაც კიდევ ერთხელ შესთავაზებს ადგილობრივი ხელისუფლების წარმომადგენლებს შეუერთდნენ სოლიდარობის აქციას. 

საქართველოს პარლამენტმა უკრაინის მხარდასაჭერი რეზოლუცია გუშინ მიიღო. დოკუმენტში რუსეთის მიერ როგორც უკრაინის, ისე საქართველოს წინააღმდეგ მიმართული აგრესია ნახსენები არ არის. ოპოზიცია დოკუმენტის ამ სახით მიღების წინააღმდეგი იყო და კენჭისყრაში მონაწილეობა არ მიუღია.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
28 / მარტი 2024
საქართველოს ეროვნული ნაკრების გამარჯვებას და მათ მიერ ევროპის ჩემპიონატზე თამაშის უფლების მოპოვებას სოციალური ქსელების აფხაზურ სეგმენტში განიხილავენ.
28 / მარტი 2024
სოფლის მეურნეობისა და გარემოს დაცვის მინისტრის ოთარ შამუგიას განცხადებით, მცირე ზომის სასოფლო-სამეურნეო ტექნიკის შეძენას მაღალმთიან დასახლებებში მცხოვრები პირები სახელმწიფოს 70 %-ის თანადაფინანსებით შეძლებენ.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 17 °C
img
სოხუმი 13 °C
img
ფოთი 12 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.