ახალი ამბები
ზუგდიდში აქციის მონაწილე ექიმებს ვახტანგ ყოლბაია შეხვდა
ზუგდიდში, დევნილთა პოლიკლინიკის ექიმებსა და მედპერსონალს აფხაზეთის ავტონომიური რესპუბლიკის უმაღლესი საბჭოს წარმომადგენელი, ვახტანგ ყოლბაია შეხვდა. როგორც მან თქვა, ის ჩამოვიდა, იმისთვის, რომ სიღრმისეულად გაერკვეს სიტუაციაში, რომელსაც დევნილთა პოლიკლინიკის ექიმები აპროტესტებენ, სამედიცინო დაწესებულების სავარაუდო გასხვისებასთან და რეგიონის სხვა კლინიკებთან გაერთიანების გამო.

"არის დაძაბული სიტუაცია, რომელშიც ვაპირებ სხვებთან ერთად გარკვევას. უშუალოდ ჩემი კომპეტენცია ეს არ არის, მაგრამ, მე როგორც აფხაზეთის უმაღლესი საბჭოს წარმომადგენელი, ვარ აქ ჩემს კოლეგებთან, ჩემს მეგობრებთან, რომლებსაც ვიცნობ 30 წელზე მეტია...უყურადღებოდ არ დარჩება არც ერთი თქვენი გამონათქვამი, არც ერთი თქვენი წუხილი და ყველაფერი იქნება ისე, როგოც თქვენს კოლექტივს უნდა, იმიტომ, რომ თქვენი კოლექტივი არის მთავარი ძალა, რომლესაც მიმართავს ჩვენი დევნილი საზოგადოება", - უთხრა შეკრებილებს ყოლბაიამ.

ჟურნალისტების კითხვაზე, რა ინფორმაციას ფლობს, დევნილთა პოლიკლინიკის სხვა სამედიცინო დაწესებულებებთან გაერთიანების შესახებ, ყოლბაიამ უპასუხა, რომ ეს არის მთავრობის კომპეტენცია, ჯერ მათ უნდა დაეკითხოს და ზუგდიდში სწორედ ამ ამბის გასარკვევად ჩამოვიდა.

თავის მხრივ აქციის მონაწილე ექიმები ამბობენ, რომ ისინი აფხაზეთის ავტონომიური მთავრობის წარმომადგენლებთან შეხვედრას ითხოვდნენ და ვახტანგ ყოლბაიას ჩამოსვლა არაფერს ცვლის.

"ეს გასარკვევი იყო თბილისში და არა აქ. ჩვენი პოზიცია არის გარკვეული, არანაირ მოლაპარაკებაზე არ მივდივართ. ჩვენი უფლებები ვიცით და დავიცავთ მათ, ჩვენ უკან დგას პროფესიული კავშირები და პოლიკლინიკა, რომელიც ჩვენი სახსრებით არის აშენებული...არ გვინდა ისეთი გაერთიანება, რომ ჩვენ შემოგვიერთონ არარენტაბელური ხობი და ნაკლებად რენტაბელური ჯვარი", - ამბობს დევნილთა პოლიკლინიკის ექიმი ნანა ქობალია.

უკვე მეორე კვირაა, ზუგდიდში, დევნილთა პოლიკლინიკის თანამშრომლები, იმ სავარაუდო გადაწყვეტილებას აპროტესტებენ.  რომლის თანახმადაც ეკონომიკის სამინისტრო კლინიკის გასხვისებას გეგმავს. ექიმები ამბობენ, რომ აღნიშნულის გამო უსამსახუროდ დარჩენა ემუქრებათ, ხოლო მათი 50 000-მდე ბენეფიციარი შესაბამის სამედიცინო მომსახურებას ვერ მიიღებს. ამასთან, ისინი განმარტავენ, რომ კლინიკას, რომელთა ბენეფიციარების უმრავლესობა აფხაზეთიდან იძულებით გადაადგილებული პირია, გააჩნია გარკვეული შეღავათები მოსახლეობისთვის.

აფხაზეთის ავტონომიური რესპუბლიკის ფინანსთა მინისტრის მოადგილის გიორგი ჯინჭარაძის განცხადებით კი დევნილთა პოლიკლინიკების გასხვისების პროცესი არ მიმდინარეობს. მან აღნიშნულს სრული დეზინფორმაცია უწოდა. 


ამავე თემაზე: 

ზუგდიდში დევნილთა პოლიკლინიკის ექიმებმა საავტომობილო გზა გადაკეტეს

დევნილთა პოლიკლინიკაში მართვის ახალი სისტემა ინერგება, მისი გასხვისების თემა დეზინფორმაციაა - აფხაზეთის მთავრობა

დევნილთა პოლიკლინიკის ექიმები ზუგდიდში აქციას მართავენ
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
29 / მარტი 2024
ზუგდიდის მუნიციპალიტეტის მერიამ აღდგომის დღესასწაულთან დაკავშირებით 51 040 ლარის ღირებულების ტენდერი გამოაცხადა.
28 / მარტი 2024
იმისათვის, რომ კლინიკური ფსიქოლოგიის ლიცენზირებულ მომავალს კიდევ ერთი ნაბიჯით მიახლოებოდა, ზუგდიდელმა დავით ქირიამ საბაკალავრო პროგრამის დასრულების შემდეგ, ფსიქოლოგიის სფეროში სტაჟირების რამდენიმე საფეხური გაიარა, რაშიც ევროკავშირის მიერ დაფინანსებული პროგრამები დაეხმარა.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 16 °C
img
ფოთი 17 °C
img
მესტია 3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.