ახალი ამბები
აფხაზმა ომბუდსმენმა სოხუმში რუსული პასპორტების არაღიარებასთან დაკავშირებით ევროსაბჭოს მიმართა
აფხაზმა ომბუდსმენმა ასიდა შაკრილმა ევროპარლამენტის, ევროსაბჭოს და ევროკომისიის პრეზიდენტებს და წევრებს წერილით მიმართა "აფხაზეთის ტერიტორიაზე რუსეთის საელჩოს მიერ გაცემული სამგზავრო დოკუმენტების არაღიარების გადაწყეტილებასთან დაკავშირებით".

მიმართვაში ის იმედს გამოთქვამს, რომ "ევროპის საბჭო შეძლებს გამოვიდეს დეზინფორმაციის მანკიერი წრიდან ქართულ - აფხაზური კონფლიქტის ბუნებასა და ისტორიასთან დაკავშირებით, რამაც გამოიწვია აფხაზი ხალხის უსამართლო და განუსაზღვრელი დასჯა". წინააღმდეგ შემთხვევაში, მისი თქმით, "ეს აუცილებლად აისახება ადამიანის უფლებების მდგომარეობაზე".

ევროკავშირში განაცხადეს, რომ გადაწყვეტილება პასპორტების არაღიარების შესახებ არის პასუხი "რუსეთის არაპროვოცირებულ და გაუმართლებელ სამხედრო აგრესიაზე უკრაინის წინააღმდეგ და რუსეთის პრაქტიკაზე რუსული უცხოური პასპორტების გაცემის ოკუპირებული რეგიონების მაცხოვრებლებისთვის". ეს ასევე იყო "რუსეთის ცალმხრივი გადაწყვეტილების შედეგი 2008 წელს აფხაზეთისა და სამხრეთ ოსეთის საქართველოს ტერიტორიების დამოუკიდებლობის აღიარების შესახებ".

განცხადებაში ნათქვამია, რომ საუბარია არა მხოლოდ, მაგალითად, სოხუმსა და ცხინვალში გაცემულ დოკუმენტებზე, არამედ იმ დოკუმენტებზეც, რომლებიც გაცემულია "იქ მცხოვრებ პირებზე".
რუსეთის მიერ ოკუპირებული აფხაზეთის და ცხინვალის რეგიონის მცხოვრებთა უდიდეს ნაწილს ადგილობრივი ე.წ. მოქალაქეობის გარდა, რუსეთის მოქალაქეობაც და შესაბამისად, რუსული პასპორტები აქვს. რუსეთი სამგზავრო დოკუმენტებს გასცემს ანექსირებულად გამოცხადებულ ყირიმში და დონეცკის, ლუგანსკის, ხერსონის და ზაპოროჟიეს ოლქებშიც.

საქართველოს და უკრაინის ოკუპირებულ რეგიონებში გაცემული რუსული პასპორტების არაღიარების შესახებ ევროკავშირში მიღებული გადაწყვეტილება 22 დეკემბრიდან შევიდა ძალაში, რაც იმას ნიშნავს, რომ ამ სამგზავრო დოკუმენტებით ვიზის მიღება ან შენგენის ზონაში შესვლა აკრძალული იქნება.

Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
20 / მაისი 2024
2024-2025 სასწავლო წლისთვის სკოლებში პირველკლასელთა საყოველთაო რეგისტრაცია დღეს დაიწყო და 13 ივნისის ჩათვლით გაგრძელდება.
19 / მაისი 2024
სამეგრელო-ზემო სვანეთის პოლიციის დეპარტამენტის თანამშრომლებმა სენაკში მკვლელობის ბრალდებით 2003 წელს დაბადებული ლ.ს. დააკავეს.
19 / მაისი 2024
გიგა ოთხოზორიას დედა ჯულიეტა ჭანტურია შვილის მკვლელობიდან 8 წლის თავზე ამბობს, რომ მკვლელის დასჯის მოლოდინი არ აქვს.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.