ზუგდიდში ასოციაცია "იმედი" დევნილ ქალთა მოძრაობა მშვიდობისათვის ორგანიზებით ქალთა საერთაშორისო დღესთან დაკავშირებით ღონისძიება გაიმართა.
![](/images/temp/2023/03/09/36310c23be538eea875583c807312073.jpg)
გამოფენა-გაყიდვას სახელწოდებით "ვაჩუქოთ ერთი დღე ქალებს" ზუგდიდის სამხატვრო გალერეამ უმასპინძლა.
![](/images/temp/2023/03/09/9b7169733750eead84ba589fabbf281c.jpg)
დამთვალიერებლებს გალერეის დარბაზში იძულებით გადაადგილებული, კონფლიქტით დაზარალებული და ოკუპირებულ ტერიტორიაზე მცხოვრები ქალების და ახალგაზრდა გოგონების ნამუშევრების დათვალიერება და შეძენა შეეძლოთ.
![](/images/temp/2023/03/09/ec020df7a271b3f9b6ab8b9d977ee16c.jpg)
ამასთან, ზუგდიდის სამუსიკო სკოლისა და აფხაზეთის სკოლების მოსწავლეებმა წარადგინეს ლიტერატურულ-მუსიკალური კომპოზიცია "ჩვენ გვენატრება აფხაზეთი".
![](/images/temp/2023/03/09/c67aa5a160c20bb9f4cb4e2d0f283709.jpg)
ორგანიზატორების განმარტებით, გამოფენა-გაყიდვის მიზანია ადგილობრივი ქალების გაძლიერება და მათ მიერ შექმნილი ნამუშევრების პოპულარიზაცია.
![](/images/temp/2023/03/09/7f46debb09be29c8ac35274d2ab6f9cd.jpg)
ღონისძიება მხარდაჭერილი იყო აფხაზეთის განათლებისა და კულტურის სამინისტროს სსიპ კულტურის, სპორტის და ახალგაზრდულ საქმეთა სააგენტოს მიერ.
მასალის გამოყენების პირობები