ახალი ამბები
გალის რაიონიდან მოსახლეობის გადინების მხრივ მძიმე სიტუაციაა - ფილია
გალის რაიონის ე.წ. ადმინისტრაციის ხელმძღვანელმა კონსტანტინე ფილიამ აფხაზ ლიდერთან, ასლან ბჟანიასთან შეხვედრაზე განაცხადა, რომ მოსახლეობის გადინების თვალსაზრისით, გალში მძიმე მდგომარეობაა.
მისი მონაცემებით, 2011 წლის აღწერით, გალის რაიონში 30 ათასი ადამიანი ცხოვრობდა, 23 ათასი - სოფლებში, თუმცა მანვე აღნიშნა, რომ 2024 წელს აღწერის ჩასატარებლად დე ფაქტო ხელისუფლება მზად არა არის. 

ფილიას თქმით, გალის რაიონში 2023 წელს 137 ბავშვი დაიბადა, თუმცა ოფიციალურად 59-ის დაბადების მოწმობა გაიცა.

„ბავშვები სამშობიარო სახლში იბადებიან, თუმცა რეესტრს დაბადების მოწმობის გაცემა არ შეუძლია, ვინაიდან მშობლებს დოკუმენტები არ აქვთ“, - ამბობს ის.

ფილიას ინფორმაციით, მოსახლეობის გადინება 2015 წლიდან დაიწყო, რაც „მოსახლეობისთვის მოქალაქეობის ჩამორთმევასთან“, “დოკუმენტებთან დაკავშირებულ სირთულეებთან“ არის დაკავშირებული. მისივე მტკიცებით, ახლა ეს  „ტენდენცია შეჩერებულია“, მაგრამ „მოქალაქეობის მიღების პერსპექტივების არქონის“ გამო ბავშვები „სხვადასხვა ქვეყნებში“ მიდიან.

ის ახსენებს ე.წ. პარლამენტის მიერ მიღებულ „კანონს“ , რომელიც ჯერ არ ამოქმედებულა. საუბარია „სამოქალაქო მდგომარეობის აქტების შესახებ კანონში“ ცვლილებზე, რომელიც „აფხაზური ეროვნების აღდგენას“ გულისხმობს.

„იუსტიციის სამინისტრო ამზადებს კანონქვემდებარე აქტებსა და ინსტრუქციებს. უახლოეს პერიოდში, ორი კვირის განმავლობაში დაგვპირდნენ, რომ ჩაეშვება. ვნახოთ, როგორ ამოქმედდება ეს პროცედურა“, - დასძინა მან.

ფილიას სიტყვებით, გალელები რეგისტრაციას არ აუქმებენ, „უბრალოდ ხალხი მიდის“. მას სოფელ თაგილონის მაგალითი მოჰყავს, სადაც, მისი სიტყვებით, 380 სახლიდან 51 დაიცალა. ფილია ამბობს, რომ ენგურის ხიდს ყოველდღიურად 2.5 ათასი ადამიანი კვეთს. რაც შეეხება საქართველოს იმ მოქალაქეებს, რომლებიც გალის რაიონში არ ცხოვრობენ, „ისინი მხოლოდ ვიზით შემოდიან, მხოლოდ სპეციალური დოკუმენტებით“. ამავე ცნობით, გალში მცხოვრებ 5000- მდე მოქალაქეს, მხოლოდ ერთი საბუთი, ე.წ. ფორმა №9 აქვს, 1130-ს - „აფხაზური პასპორტი“ და 21 500-ს - „ბინადრობის მოწმობა“.

თებერვლის დასაწყისში, ფილიამ განაცხადა, რომ გალის მცხოვრებლები „ბინადრობის მოწმობის“ მიღებას 5 - ის ნაცვლად, 10 წლის ვადით შეძლებენ. 

სამეგრელო - აფხაზეთის ადმინისტრაციული საზღვრის გადასაკვეთად, გალის რაიონის მცხოვრებლებს დროებითი დოკუმენტი, ე.წ. ფორმა #9 უნდა ჰქონდეთ ან "ბინადრობის მოწმობა" რომლის მისაღებად, როგორც სოხუმში მანამდე აცხადებდნენ, მოქალაქე, სულ მცირე, „10 წელი უნდა ცხოვრობდეს აფხაზეთის ტერიტორიაზე, ხოლო პირმა, რომელსაც აფხაზეთის მოქალაქეობაზე აქვს პრეტენზია, საქართველოს მოქალაქეობაზე უნდა განაცხადოს უარი".

Print Email
FaceBook Twitter
დაფინანსებული
ელექტრონული კომერცია საქართველოში სწრაფი ტემპებით ვითარდება.
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
დღის სიახლეები
18 / აპრილი 2024
ზუგდიდში პირველი საზოგადოებრივი ორგანიზაცია ასოციაცია "ათინათი", რომელიც 28 წლის განმავლობაში არაერთი მიმართულებით მუშაობს და მრავალფეროვან პროექტებს ახოციელებს, ე.წ. "აგენტების" კანონს ეწინააღმდეგება.
18 / აპრილი 2024
"აგენტების" კანონის წინააღმდეგ პროტესტის გამოსახატად ზუგდიდელები მერიასთან ისევ შეიკრიბნენ.
18 / აპრილი 2024
მაზაკვალი ანუ ქართულად მზაკვარი არის კუდიანი ქალი, რომელიც შეიარაღებულია თვალცემულობის ძალით და ცდილობს მოსპოს, გაანადგუროს ყველაფერი, რაც დაკავშირებულია სიკეთესთან, ბედნიერებასთან, სილამაზესთან და კმაყოფილებასთან.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 17 °C
img
სოხუმი 17 °C
img
ფოთი 16 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.