აფხაზეთის დე ფაქტო რესპუბლიკის ე.წ. პარლამენტმა უკან გაიწვია „აპარტამენტების“ კანონი. საუბარია დოკუმენტზე, სახელწოდებით: „აფხაზეთის რესპუბლიკის ოჩამჩირის, ტყვარჩელის და გალის რეგიონების სოციალურ-ეკონომიკური განვითარების დონის ამაღლების ღონისძიებების შესახებ“.

გადაწყვეტილება "პარლამენტის" თავმჯდომარემ ლაშა აშუბამ ოფიციალურად გამოაცხადა. კანონპროექტი გალის, ოჩამჩირის და ტყვარჩელის რაიონებში 10 ათასამდე ბინის მშენებლობას ითავლისწინებდა.

აფხაზური ტელეგრამ არხების თანახამდ, “საკანონმდებლო” ორგანოს დოკუმენტის გაწვევის მოთხოვნით, თავად კანონპროექტის ინიციატორებმა, „დეპუტატებმა“ რეზო ზანთარიამ, ბესლან ემურხბამ, ალმას აკაბამ და გერმან კაჭარავამ მიმართეს.

"აპარტ-ოტელებისა და აპარტამენტების სამართლებრივი მდგომარეობის მოწესრიგების შესახებ" კანონპროექტის ინიციატორი აფხაზი ლიდერი ასლან ბჟანიაა. ის აქტიურად ლობირებდა მას.

ცოტა ხნის წინ, ბჟანიამ განაცხადა, რომ კანონის მიღება, ოჩამჩირის, ტყვარჩელის და გალის რეგიონების სოციალურ-ეკონომიკური განვითარებისთვის "გადაუდებელ აუცილებლობას წარმოადგენს" .

აფხაზეთის დე ფაქტო რესპუბლიკის “პარლამენტის“ ეკონომიკური პოლიტიკისა და რეფორმების კომიტეტმა “აპარტამენტების” შესახებ კანონპროექტი 17 ივლისს მოიწონა.

მისი განხილვა კანონპროექტის კრიტიკოსების პროტესტის ფონზე მიმდინარეობდა, აქციები გაიმართა სოხუმსა და ოჩამჩირეში.

ბჟანიას "ადმინისტრაციის" მიერ მომზადებული კანონპროექტის მიხედვით, 10-12 წლის განმავლობაში ოკუპირებული აფხაზეთის მთელ ტერიტორიაზე უნდა აშენდეს აპარტ-ოტელები, ჯამში 30 ათასი აპარტამენტით (ერთ რაიონში არაუმეტეს 5 ათასისა).

მის ინიციატივას მწვავედ აკრიტიკებენ, როგორც ადგილობრივი ოპოზიციური პარტიები, ასევე საზოგადოებრივი ორგანიზაციები. ოპონენტები მიიჩნევენ, რომ ეს არის რუსეთისთვის უძრავი ქონების გადაცემის ფარული ფორმა.

ცოტა ხნის წინ, აფხაზმა ოპოზიციონერმა, პოლიტიკური პარტია „აფსნის“ თავმჯდომარემ, ვიტალი გაბნიამ განაცხადა, რომ გალი არანაირ რუსებს არ აინტერესებთ, გარდა ბიძინა ივანიშვილისა. კიდევ ერთი აფხაზი ოპოზიციონერის ლევან მიქაას მტკიცებით, ივანიშვილს სურს შეიძინოს აფხაზური აქტივები ქართული წარმოშობის რუსი ოლიგარქების რესურსების გამოყენებით.

ინფორმაციისთვის, აფხაზეთის დე ფაქტო რესპუბლიკის ე.წ. პარლამენტმა 2023 წლის 27 დეკემბერს, გამთენიისას, მოახდინა ბიჭვინთის აგარაკების შესახებ შეთანხმების რატიფიცირება, იმავე დილას, ე.წ. პრეზიდენტმა ასლან ბჟანიამ "პარლამენტის" მიერ მიღებულ კანონებს ხელი მოაწერა და დაამტკიცა ბიჭვინთის ყოფილი სახელმწიფო აგარაკის რუსეთისთვის გადაცემა.

გასული წლის ოქტომბერში ბჟანიამ განაცხადა, რომ ოჩამჩირის რაიონში რუსული სამხედრო-საზღვაო ფლოტის მუდმივი ბაზის განთავსება იგეგმება.

საქართველოს აფხაზეთისა და ცხინვალის რეგიონები რუსეთმა 2008 წლის აგვისტოს ომის შემდეგ დამოუკიდებელ ქვეყნებად აღიარა, იმავე წლის სექტემბერში ნიკარაგუამ ცნო აფხაზეთის დამოუკიდებლობა, 2009 კი ვენესუელამ და ნაურუმ, ხოლო 2018 წელს - სირიამ.

ამავე თემაზე:

სოხუმში აპარტამენტების კანონის ამოქმედების და ანექსიის საფრთხეებზე - DRI

აფხაზები დარჩებიან უმცირესობაში, შემდეგ კი საერთოდ გაქრებიან, - აქტივისტები „აპარტამენტების“ კანონზე

არძინბამ "აპარტამენტების შესახებ კანონის" კრიტოკოსების განცხადებებს "იდიოტური" უწოდა

ოჩამჩირის პორტთან საკონტეინერო ტერმინალს აშენებენ - მედია

სოხუმში ე.წ. პარლამენტი რუსი ინვესტორებისთვის „უპრეცედენტო“ შეღავათების დაწესებაზე მსჯელობს

„აპარტამენტების“ კანონპროექტის განხილვა ბჟანიას დაჩქარებული წესით სურს, - კვარჩია

არავისთვის არ ვაპირებ ჩვენი მიწების დათმობას, - ბჟანია აპარტ- სასტუმროებზე

სოხუმში აქციები გაგრძელდება - ბჟანია და ოპოზიცია ვერ შეთანხმდნენ

სოხუმში საპროტესტო ბანერების გაკვრისთვის ახალგაზრდა აქტივისტები დააკავეს