საქართველოს მე - 5 პრეზიდენტი სალომე ზურაბიშვილი, შაბათს, 11 იანვარს, 14 საათზე ზუგდიდში დაგეგმილ აქციას შეუერთდება. ამის შესახებ „სამოქალაქო სოლიდარობის ფონდი“ იტყობინება.
ბანერზე, რომელსაც ისინი ავრცელებენ სოციალურ ქსელში, ვკითხულობთ: „წინააღმდეგობის 45- ე დღე პრეზიდენტთან ერთად“.  


4 იანვარს სამოქალაქო სოლიდარობის ფონდმა სოციალურ ქსელში პოსტი გამოაქვეყნა, რომელშიც სალომე ზურაბიშვილი ზუგდიდში მიიწვია. 

იმავე დღეს, სალომე ზურაბიშვილმა სოციალურ ქსელშივე უპაუხა სიტყვებით: „ვიღებ მოწვევას“.

საქართველოს მეხუთე პრეზიდენტმა, სალომე ზურაბიშვილმა, ორბელიანების სასახლეს 29 დეკემბერს დატოვა. იქ გამართულ ბრიფინგზე მან განაცხადა:

“მე ჩემთან მიმაქვს ლეგიტიმურობა, დროშა, თქვენი ნდობა და ეს სასახლე უნდა დავუბრუნოთ ორბელიანებს, მათია. მე მინდა თქვენთან ერთად დავფიქრდეთ, რას ნიშნავს ლეგიტიმურობა და ეს წყარო ხართ თქვენ. იქ სადაც ხალხის ნდობა არაა, ლეგიტიმურობაც ვერ იქნება. მე გამოვალ თქვენთან და თქვენთან ვიქნები”, – აღნიშნა პრეზიდენტმა.

სალომე ზურაბიშვილის ბრიფინგი, მიხეილ ყაველაშვილის ინაუგურაციის პარალელურად მიმდინარეობდა.

სამომავლო გეგმებზე საუბრისას, ზურაიშვილმა აღნიშნა, რომ აპირებს იმუშაოს რამდენიმე მიმართულებით, მათ შორის ახალი არჩევნების ჩასატარებლად მოსამზადებელ პირობებზე. მისივე თქმით, ახლო მომავალში ის დაიწყებს მასშტაბურ შეხვედრებს საზოგადოების საზოგადოების სხვადასხვა სფეროს წარმომედგენლებთან, მათ შორის, ბიზნესთან, საჯარო მოხელეებთან, ახალ პოლიტიკურ ძალებთან, ქვეყნის გარეთ კი საერთაშორისო პარტნიორებთან და პოლიტიკოსებთან. ასევე ის გეგმავს რეგიონებში ჩასვლას.