სტატია
დამოუკიდებლობის აღდგენა, როგორც საერთო ეროვნული იდეა - ორი ზუგდიდელი ხელმომწერის მოგონება
1989 წლის 9 აპრილს დატრიალებული ტრაგედიის შემდეგ, ზუსტად 2 წელიწადში საქართველოს უზენაესმა საბჭომ რეფერენდუმი ჩაატარა, სადაც ქვეყნის დამოუკიდებლობას მოსახლეობის, მათ შორის, აფხაზეთსა და ცხინვალის რეგიონში მცხოვრები ადამიანების 98%-მა დაუჭირა მხარი.

რეფერენდუმი 1991 წლის 31 მარტს ჩატარდა, ქვეყნის დამოუკიდებლობის აღდგენა კი ზვიად გამსახურდიამ 28 წლის წინ, ზუსტად 9 აპრილს გამოაცხადა.

აქტის ხელმომწერებს შორის ზუგდიდელებიც იყვნენ. მათ ნაწილს განსხვავებული პოლიტიკური შეხედულებების მიუხედავად, საერთო იდეა ქვეყნისთვის იმდენად სასიცოცხლოდ მნიშვნელოვანად მიაჩნდათ, რომ სულისკვეთება ყველასი ერთნაირი იყო.

28 წლის შემდეგ დეპუტატი „მრგვალი მაგიდიდან“ ზუგდიდელი გია მამფორია ამბობს, რომ ეს დღე იყო დაგვირგვინება და ლოგიკური დასრულება იმ ბრძოლისა, რაც წინ უძღოდა დამოუკიდებლობის აღდგენას. მანამდე გია მამფორია ჯერ უზენაესი საბჭოს წევრი იყო, უფრო ადრე კი „ილია მართლის საზოგადოების“ წევრის ეგიდით იბრძოდა თავისუფლებისთვის. 

„იმ დღეს შემთხვევით არ მოვხვედრილვარ იქ. წლები ვიბრძოდით, რომ ვყოფილიყავით თავისუფლები და რუსეთის იმპერიის ბრჭყალებიდან გამოვსულიყავით. მართლა ის იყო უბედნიერესი დღე და საოცარი განწყობა. ახლა რომ მახსენდება ეს პერიოდი, ყველა ერთმანეთს ვცნობდით, თითქოს, ვეფერებოდით... შენობიდან რომ გამოვედით ზვიადის სიტყვების შემდეგ, გარეთ ცეკვა-თამაში იყო. ეს წლები, რა თქმა უნდა, იმედი გვქონდა და იმიტომ ვიყავით ასე ერთად, მაგრამ, სიმართლე გითხრათ, ასე მალე თუ მოხდებოდა არ გვეგონა. საერთო ჯამში კი, ცხადია, ვიცოდით, რომ ეს ბრძოლა შედეგიანი იქნებოდა. საბოლოოდ კი, ეს ერთობის შედეგია და შეიძლება, ორ საუკუნეში ერთხელ ხდებოდეს ასეთი მოვლენა... ზვიად გამსახურდია და მერაბ კოსტავა - ეს ორი ბუმბერაზი გახლდათ ეროვნული გმირი და უფრო ამათ დააჩქარდა ეს პროცესი“, - აღნიშნა მამფორიამ.

ეროვნულ მოძრაობაში არ იყო, მეტიც, გამსახურდიას ოპონენტების რიგებში, კონკრეტულად კი, საქართველოს საბჭოთა სოციალისტური რესპუბლიკის მინისტრთა საბჭოს თავმჯდომარის პოსტზე მუშაობდა ნოდარ ჭითანავა. გვიყვება, რომ ამის მიუხედავად, განწყობა ხალხში ერთნაირი იყო.

„ეს იყო ეროვნული სულისკვეთება, საქართველოს დამოუკიდებლობისათვის ბრძოლის მოგება და საუკუნის მანძილზე დაკარგული სუვერენიტეტის აღდგენა - აი, ეს იყო პოლიტიკური მიზანი და განწყობა. მე მაშინ ეროვნული ხელისუფლების ოპონენტი ვიყავი, მაგრამ იქ მოხდა მეტად საინტერესო ამბავი: ოპონენტების შეხედულებები ბრძოლის ეროვნულ ჩარჩოში მოექცა იმ იმედით, რომ ყველას ჰქონდა ერთიანი გაგება, რომ საქართველო დამოუკიდებლობის მოპოვებით შეძლებდა ეროვნული თვითმყოფადობის შენარჩუნებასა და გამტკიცებას. ეს იყო იქ უმთავრესი და ამ სულისკვეთებით მოაწერა ყველამ  ხელი საქართველოს დამოუკიდებლობის აქტს“, - გვითხრა ჭითანავამ.

ჩვენს კითხვაზე, როგორ უფრთხილდება ქართული სახელმწიფოს მოპოვებულ თავიუსფლებასა და აღდგენილ დამოუკიდებლობას, ნოდარ ჭითანავამ გვითხრა, რომ სრულიად უპრეცედენტო მოვლენის (დემოკრატიული რეფერენდუმის) მიუხედავად, შანსი ქვეყანამ სრულად ვერ გამოიყენა, თუმცა ფიქრობს, რომ ეს თემა ხანგრძლივი და დიდი მსჯელობის საგანია.  გია მამფორიამ კი გვითხრა, რომ ახლა საშიშროებას გარკვეულწილად გრძნობს და მტრის წინაშე ქართველი ერი ფხიზლად უნდა იყოს, რათა ქვეყანა იმავე რეალობის წინაშე არ აღმოჩნდეს, რისგანაც საბოლოოდ სწორედ 1991 წელს გათავისუფლდა.

ნოდარ ჭითანავასა და გია მამფორიას გარდა, დამოუკიდებლობის აქტს ხელი კიდევ რამდენიმე ზუგდიდელმა მოაწერა, მათ შორის იყვნენ ვალტერ შურღაია,ზაურ ქობალია, გოგი ჩიქავა, თამაზ ჟორჟოლიანი, გურამ აბსანძე, ბონდო ჯიქია.

„სიმბოლურია საქართველოს დამოუკიდებლობის აღდგენის გამოცხადება 9 აპრილს, ვინაიდან ამ დღეს გადაწყდა საქართველოს ბედი. 9 აპრილის წამებულთა სულები დაგვცქერიან ჩვენ და ხარობენ ზეციურ ნათელში, რამეთუ აღსრულდა ნება მათი, აღსრულდა ნება ქართველი ერისა. გაუმარჯოს დამოუკიდებელ საქართველოს!“- ასე მიულოცა ზვიად გამსახურდიამ საქართველოს აღდგენილი დამოუკიდებლობა, რომელიც უზენაესმა საბჭომ 28 წლის წინ 9 აპრილს, 12 საათსა და 30 წუთზე მიიღო.

Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
უწყებათაშორისი საკოორდინაციო საბჭოს ინფორმაციით, გასულ 24 საათში ქვეყნის მასშტაბით კორონავირუსზე  14 827 ადამიანი გამოიკვლიეს და გამოვლინდა ინფიცირების 903 ახალი შემთხვევა.
სამეგრელოს მასშტაბით არსებულ კოვიდმიმღებ კლინიკებში ბოლო მონაცემებით 212 ადამიანი მკურნალობს, მათგან 12 პაციენტის ჯანმრთელობის მდგომარეობა მძიმეა.
ბოლო 24 საათში სამეგრელო-ზემო სვანეთის მასშტაბით კორონავირუსით ერთი ადამიანი გარდაიცვალა. სამხარეო ადმინისტრაციის ინფორმაციით 78 წლის მამაკაცი სენაკის მკვიდრია და რუხის საავადმყოფოში გადიოდა მკურნალობის კურსს.
საზოგადოება
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ამავე კატეგორიაში
დღის სიახლეები
22 / იანვარი 2021
უწყებათაშორისი საკოორდინაციო საბჭოს გადაწყვეტილებით,ზუგდიდში, ფოთში, გორში, ბათუმსა და თელავში პირველი თებერვლიდან მუნიციპალური ტრანსპორტის,
22 / იანვარი 2021
მთავრობის დადგენილებით, 1 ტომარა ფქვილზე სახელმწიფო სუბსიდია 10 ლარის ნაცვლად 15 ლარი იქნება.
22 / იანვარი 2021
უწყებათაშორისი საკოორდინაციო საბჭოს ინფორმაციით, გასულ 24 საათში ქვეყნის მასშტაბით კორონავირუსზე  14 827 ადამიანი გამოიკვლიეს და გამოვლინდა ინფიცირების 903 ახალი შემთხვევა.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 6 °C
img
სოხუმი 5 °C
img
ფოთი 5 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.