სტატია
ფოტოებით გაცოცხლებული დადიანების ისტორია ჭკადუაშში (ფოტო)
ზუგდიდის სოფელ ჭკადუაშში, დადიანების იმჟამინდელი საზაფხულო რეზიდენციის ეზოში, სადაც ახლა დადიანებისა და ნაპოლეონის შთამომავლები ცხოვრობენ, ისტორიული ფოტოები გამოფინეს. აქ ნახავთ სალომე დადიანის და აშილ მიურატის, მათი შვილების, ეკატერინე ჭავჭავაძის, ბერტა და არტურ ზუტნერების სხვადასხვა დროს გადაღებულ ფოტოებს.

გარდა ფოტოარქივისა, პრინცი ალენ მარი იოაჰიმ ნაპოლეონ მიურატი და პრინცესა ვერონიკა დე შაბო ტრემეკური აქ ბევრ სხვა საინტერესო ნივთს, მათ შორის, ნაპოლეონ მესამის მაგიდას და სკამებს ინახავენ. 

„ეს გამოფენა ეძღვნება ჩვენს ოჯახს. ფოტოები ასახავს რეალურ ისტორიას. პერსონაჟები გადაღებულია სხვადასხვა ასაკში. თქვენ ნახავდით ეკატერინე ჭავჭავაძეს, უკვე ასაკში. თქვენ ასევე იხილავთ იმ ცნობილი ადამიანების ფოტოებს, ვინც ამ ოჯახთან არის კავშირში“, - ამბობს პრინცესა ვერონიკა.

საგვარეულო რეზიდენცია ვერონიკამ და აშილმა 2015 წელს აღადგინეს. პრინცესა ვერონიკას თქმით, მათ ჩამოსვლამდე რეზიდენციის ეზოში ძროხები ბალახობდნენ, სახლი კი დანგრევის პირას იყო. სახლის რემონტი ჯერ არ დაუსრულებიათ, თუმცა რამდენიმე ოთახი სტუმრის მისაღებად მზადაა. დიზაინი მეტწილად ფრანგულ სტილშია გადაწყვეტილი. ოთახი, რომელიც პრინცისა და პრინცესას შვილიშვილებს აქვთ დაკავებული, გამორჩეულია. ვერონიკა ამბობს, რომ კარგ ამინდში ამ ოთახის ფანჯრიდან ზღვის და ოკუპირებული აფხაზეთის ნახვაც შესაძლებელია.

„აქ იყო დიდი სახლი, ჩამოდიოდნენ ცნობილი ადამიანები, როგორებიც იყვნენ საფრანგეთის დედოფალი ევგენია, ალფრედ ნობელი, ბერტა კინსკი, არტურ ფონ ზუტნერი და ა.შ. ეს რეზიდენცია ორი დიდგვაროვანი ოჯახის ისტორიას ინახავს “, - თქვა ვერონიკამ.

აქ ძირითადად პრინცესა ვერონიკა და პრინცი ალენი ცხოვრობენ, თუმცა ზაფხულობით მათ შვილები და შვილიშვილები სტუმრობენ. ოჯახში ყველაზე უმცროსი 2 თვის სალომეა. მას სახელი დიდი ბებიის სალომე დადიანის პატივსაცემად დაარქვეს.

ჭკადუაშს დადიანებისა და მიურატების ისტორიის გასაცნობად ხშირად სტუმრობენ. მნახველებს წინაპრების შესახებ ინფორმაციას თავად პრინცესა და პრინცი აცნობენ. ჩვენი იქ ყოფნისას, სხვა ადგილობრივ დამთვალიერებლებთან ერთად, ამერიკის ქალაქ ბოსტონიდან საგანგებოდ ჩამოსული  ტურისტები მოვიდნენ.

„მეგობრისგან გავიგეთ სამეგრელოს შესახებ. ისტორიკოსი ვარ და ძალიან მაინტერესებს ამ კუთხის ისტორია, განსაკუთრებით ბონაპარტესა და დადიანების ოჯახების კავშირები“, - ამბობს ერთ-ერთი სტუმარი.

პრინცმა აშილ მიურატმა და პრინცესა სალომე დადიანმა ჭკადუაშში ევროპული ტიპის, 24 ოთახიანი სახლი XIX საუკუნის 80-იან წლებში ააშენეს. აშილმა აქ სიცოცხლის ბოლო წლები გაატარა, ხოლო სალომე, შვილებთან ერთად, საცხოვრებლად პარიზში გადავიდა.

Print Email
FaceBook Twitter
რ ე კ ლ ა მ ა
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
ზუგდიდის მუნიციპალიტეტის ჯუმის ადმინისტრაციულ ერთეულში ახალი საბავშვო ბაღის მშენებლობა მიმდინარეობს.
კორონავირუსი
გასული დღე-ღამის განმავლობაში კორონავირუსით გამოწვეული გართულებებით სამეგრელოში 2 ადამიანი გარდაიცვალა.
27 ნოემბრის მონაცემებით აფხაზეთში კორონავირუსზე 206 ადამიანი გამოიკვლიეს და მათგან 66-ს ინფექცია დაუდასტურდა.
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 4 472 ახალი დადასტურებული შემთხვევა, გამოჯანმრთელდა 4 058 პირი,
საზოგადოება
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
ამავე კატეგორიაში
დღის სიახლეები
28 / ნოემბერი 2020
გასული დღე-ღამის განმავლობაში კორონავირუსით გამოწვეული გართულებებით სამეგრელოში 2 ადამიანი გარდაიცვალა.
28 / ნოემბერი 2020
27 ნოემბრის მონაცემებით აფხაზეთში კორონავირუსზე 206 ადამიანი გამოიკვლიეს და მათგან 66-ს ინფექცია დაუდასტურდა.
28 / ნოემბერი 2020
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 4 472 ახალი დადასტურებული შემთხვევა, გამოჯანმრთელდა 4 058 პირი,
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 6 °C
img
სოხუმი 10 °C
img
ფოთი 10 °C
img
მესტია -6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.