სტატია
მამა დიმიტრი ვეკუა: ღვთისმშობლის ფრესკის მაკეტი პატრიარქმა მოიწონა
ყოვლადწმინდა ღვთისმშობლის მოზაიკური ფრესკის მაკეტი, რომლის აღმართვა ზუგდიდის ცენტრალურ მოედანზე სურთ, საქართველოს კათოლიკოს-პატრიარქმა ილია მეორემ მოიწონა. ამის შესახებ საკუთარ ფეისბუქ გვერდზე ეპარქიის მდივანი მამა დიმიტრი ვეკუა წერს. პოსტიდან ვიგებთ, რომ, პროექტის საჯარო განხილვამდე რამდენიმე დღით ადრე, განახლებული მაკეტის სოცილურ ქსელში გავრცელებას საზოგადოების ნაწილის უკმაყოფილება მოჰყვა.

„მაღალი საზოგადოებრივი ინტერესიდან გამომდინარე ვაკეთებ განმარტებას გუშინ, სოციალურ ქსელში, ყოვლადწმინდა ღვთისმშობლის მოზაიკური ნიშის წარმოდგენილ და გავრცელებულ მაკეტთან დაკავშირებით. პროექტის აღნიშნული მაკეტი, გახლავთ ქართველი და ევროპელი სპეციალისტების მიერ, ერთობლივი მუშაობისა და განხილვის შედეგად შემუშავებული და ასევე მხარდაჭერილი და მოწონებული სრულიად საქართველოს კათოლიკოს-პატრიარქის მიერ, ნიშის ქართული პრიორიტეტული არქიტექტურული მახასიათებლებისა და თავისებურებებიდან გამომდინარე.

პრეზენტაციამდე რამდენიმე დღით ადრე, აღნიშნული მაკეტის გავრცელება, არ ემსახურება, ოპონენტების შეფასებით აპრიორშივე პროექტთან დაკავშირებით უკვე მიღებულ გადაწყვეტილებებს. ჩვენივე სურვილითა და საზოგადოების მოთხოვნით, სწორედ ამისთვის დაიგეგმა საჯარო განხილვა, რათა ყველა დაინტერესებულ მხარეს მიეცეს საკუთარი აზრისა და პოზიციის არგუმენტირებული გამოხატვის შესაძლებლობა აღნიშნულთან დაკავშირებით.

საზოგადოების ნაწილს სურს წარმოაჩინოს, რომ საკითხი სუბიექტურად და ერთპიროვნულად არის გადაწყვეტილი, რაც არ შეესაბამება სინამდვილეს და საჯარო განხილვის ფორმატიც, სწორედ ამას ცხადყოფს და თვალნათლივ მოწმობს. თუმცა შევნიშნავთ, რომ ეს არ გახლავთ მხოლოდ ეპარქიის იერარქიის სურვილი, არამედ ნიშის აღმართვა წარმოადგენს ზუგდიდისა და ცაიშის ეპარქიის მრავალრიცხოვანი მორწმუნე საზოგადოებისა და რიგითი ზუგდიდელების სურვილსა და ნებას, რაც 20 თებერვალს გაცხადდება“, - წერს მამა დიმიტრი.

მანამდე, ცაიშისა და ზუგდიდის ეპარქიამ ინფორმაცია გაავრცელა, რომ 20 თებერვალს, 18 საათზე მოსწავლე - ახალგაზრდობის სასახლეში ჩატარდება აღნიშნული პროექტის წარდგენა. აქვე ვკითხულობთ, რომ მსურველებს შეუძლიათ დასწრება, თუმცა საჯარო განხილვა, რომელიც გაცილებით ადრეც დაანონსდა, ნახსენები არ არის. სწორედ ამ განცხადების ქვეშ გამოხატეს მოქალაქეებმა ფრესკის შესაძლო აღმართვასთან დაკავშირებით თავიანთი შეხედულებები. საზოგადოების ნაწილი აღნიშნულ იდეას დადებითად აფასებს და საჯარო განხილვის აუცილებლობაზე არ ამახვილებს ყურადღებას. ნაწილს კი პროექტი არ მოსწონს და აღნიშნულ ადგილას ფრესკის განთავსებას მიზანშეუწონლად თვლის.

"ამინ, გაგახაროთ ღმერთმა“, „შეგვეწიოს დედაღვთისას ძალა და მადლი“, „გაიხარეთ, შეგეწიოთ ღვთისმშობელი!“ - საპატრიარქოს განცხადების ქვეშ მსგავსი ათობით კომენტარია.

ეპარქიის ინიციატივას მოწინააღმდეგეებიც გამოუჩნდნენ. ფეისბუქ მომხმარებელს არჩილ თოდუას იდეა არ მოსწონს და რამდენიმე კითხვას სვამს:

1. ჯერ დაანონსდა საჯარო განხილვა იქნებაო, რაც თავისთავად გულისხმობდა ნიშის თუ პანოს დადგმის საჭიროების განხილვას

2. თუმცა არათუ განხილვა, დასადგამი მონუმენტის ფორმაც უკვე შერჩეული გქონიათ, ვინ არის მოქანდაკე თუ ამ დიზაინის ავტორი? რამდენად უხდება იქაურ გარემოს და ა.შ. ეს კითხვები ხომ უნდა დაისვას?

3. სეკულარულ სახელმწიფოში თუ ვცხოვრობთ რამდენად სწორია რელიგიის ამ მასშტაბით დომინირება?

4. ეს ქალაქი მარტო ორთოდოქსი ქრისტიანების საკუთრება ხომ არაა? სხვებისაცაა, სხვა რელიგიების წარმომადგენლების, მათ შორის ათეისტებისაც და ეს საკითხიც ყველას აზრის გათვალისწინებითაა გადასაწყვეტი.

5. ქრისტე არ ავალებს მიმდევრებს გამოსახულებების გამრავლებას, მაშინ როდესაც უპოვართა და მიუსაფართა მზრუნველობა პირდაპირი დავალებაა მოსწავლეების მიმართ, ცხოვრების იმ წესების დაცვა რასაც ქრისტე ქადაგებდა. შესაბამისად რა არის უფრო ქრისტიანული საქციელი ამ მონუმენტის აღმართვაში ფულის ხარჯვა თუ ამ ფულით, თუნდაც რომელიმე საბავშვო ბაღში ელემენტარული პირობების შექმნა?

6. ამ ადგილას სადაც ოდესღაც ტირანის - სტალინის ძეგლი მდგარა, აუცილებელი თუა რაიმე ქანდაკების დადგმა ხომ არ ჯობს ამ ქალაქის, ამ კუთხის ისტორიასთან დაკავშირებული რამ დაიდგას?

„ეს არის კითხვები, რომელის მე - ამ ქალაქის მაცხოვრებელს მაქვს და რაზეც დიდი ალბათობით პასუხებს ვერ მივიღებ, რადგანაც წმინდა საბჭოთა მეთოდებით ვიღაც ჩვენს, ხალხის ნაცვლად ღებულობს გადაწყვეტილებებს!“, - წერს არჩილ თოდუა. მას რამდნიმე მოქალაქე პასუხობს, თუმცა სასულიერო პირები არ გამოხმაურებიან.

„მესმის ხალხის ვნებათაღელვის, ისეც რომ მორწმუნე ერი ვართ, მაგრამ ეს პროექტი შეუფერებელია ამ სივრცისთვის ძალიან ბევრი მიზეზის გამო!!!“ - ირაკლი ჯიქია.

„ბარემ ეკლესია დადგით, ეს მოედანია და არა სამლოცველო მარტო თქვენ რატომ წყვეტთ ქალაქის ამბებს“, - ლადო-ვლადიმირ ავალიანი.

„არ ვემხრობი ზუგდიდის ცენტრალურ მოედანზე ამ იდეის განხორციელებას. ეს მოედანი ქალაქის ცენტრში, ერთადერთი ადგილია, სადაც შესაძლებელია სხვა სახის, ჩვენი ისტორიის ამსახველი მონუმენტი დაიდგას, სადაც შეიძლება მასობრივი გასართობი თუ სხვა სახის ღონისძიებების ჩატარება. საკულტო ნაგებობის აღმართვა ბევრ შეზღუდვას და სათანადო მოქცევას მოითხოვს, რაც ხელშემშლელი იქნება ასეთი ღონისძიების ჩასატარებლად... ღვთისმშობელი შეგვეწიოს მომხრეს და მოწინააღმდგეს", - კახა ჯიქია.

თავისუფლების მოედანზე ღვთისმშობლის ფრესკის მაკეტი გასული წლის 2 ივნისს აღმართეს, რაც მოსახლეობაში აზრთა სხვადასხვაობას დღემდე იწვევს. პროექტის პირველი საჯარო განხილვა 20 თებერვალს მოსწავლე-ახალგაზრდობის სასახლეშია დაგეგმილი.


მთავარი ფოტო: ცაიშისა და ზუგდიდის ეპარქია
Print Email
FaceBook Twitter
რ ე კ ლ ა მ ა
სოფელ მუხურში, ლეთოლორდეს უბანში, 3 კილომეტრის მანძილზე ასფალტო-ბეტონის საფარით საავტომობილო გზის რეაბილიტაცია მიმდინარეობს.
საქველმოქმედო ჰუმანიტარული ცენტრი "აფხაზეთის" წარმომადგენლებმა ჯანაშიას ქუჩაზე, ყოფილი სკოლის შენობაში მცხოვრებ იძულებით გადაადგილებულ ოჯახებს
ზუგდიდის მუნიციპალიტეტის მერმა გიორგი შენგელიამ, მის პირველ მოადგილესთან გიგა ფარულავასთან ერთად, ზვიად გამსახურდიას ქუჩაზე მიმდინარე გზის სარეაბილიტაციო სამუშაოები დაათვალიერა.
კორონავირუსი
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 354 პირის ბიოლოგიური ნიმუში გამოიკვლიეს.
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 225 პირის ბიოლოგიური ნიმუში გამოიკვლიეს.
საზოგადოებრივი ჯანდაცვის ცენტრის ინფორმაციით ზუგდიდის ინფექციური საავადმყოფოს ლაბორატორიაში გასული 24 საათის განმავლობაში 404 პირის ბიოლოგიური ნიმუში გამოიკვლიეს.
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
ამავე კატეგორიაში
დღის სიახლეები
07 / აგვისტო 2020
ზუგდიდში, ფაიფურის ტერიტორიაზე სანერგე მეურნეობის აღდგენა იგეგმება. მერის შპს „ზუგდიდაგროსერვისს“ აღნიშნული მიწის ნაკვეთი უვადო სარგებლობის უფლებით გადაეცა.
07 / აგვისტო 2020
ზუგდიდში, გამსახურდიას გამზირისა და რუსთაველის ქუჩის კვეთაზე მდებარე სასტუმრო "ოდიშის" ყოფილი შენობა პირობიან აუქციონზე გაიყიდება. 
07 / აგვისტო 2020
ჩხოროწყუს მუნიციპალიტეტის საკრებულოს თავმჯდომარემ, ბესიკ ესებუამ თანამდებობიდან წასვლის შესახებ განცხადება დაწერა.
მთავარი საინფორმაციო გამოშვება
არქივი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 22 °C
img
სოხუმი 24 °C
img
ფოთი 25 °C
img
მესტია 19 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.