სტატია
ზუგდიდში რესტორნებისა და დარბაზების ნაწილი დროებით იხურება
კორონავირუსის გავრცელების პრევენციის მიზნით, ზუგდიდში რესტორნებისა და დარბაზების ნაწილი უკვე დაიხურა, ნაწილი კი განსხვავებულ მომსახურებაზე გადადის.
რესტორან „დიარონში“ ამბობენ, რომ შექმნილი ვითარებიდან გამომდინარე, სადღესასწაულო სუფრები არ გაიშლება და ასევე შეწყვიტეს ჯგუფების მიღება.

„თითო-ოროლა მომხმარებელს ვემსახურებით, თუმცა შესაძლებელია, ესეც მალე შევწყვიტოთ და საერთოდ დავხუროთ. გატანის სერვისზე ვართ გადასულები“, - თქვა „დიარონის“ მფლობელმა მამუკა ნაყოფიამ.

ადგილზე მომსახურება სრულად შეწყვიტა „შუა ქალაქმა“ და ამჟამად მხოლოდ ე.წ. გატანის სერვისზე მუშაობს. როგორც რესტორანში ამბობენ, მომხმარებლების რაოდენობა არ შეცვლილა და ქელეხების სუფრას ჩვეულ რეჟიმში უკვეთავდნენ.

„მომხმარებლები იყვნენ და შეკვეთებიც გვქონდა, თუმცა ყველაფერი გავაუქმეთ. ვგრძნობთ რა მაღალ სოციალური პასუხიმგებლობას, გადავედით მიტანის სერვისზე და ეს მანამ გაგრძელდება, სანამ ვითარება არ შეიცვლება“, - გვითხრეს „შუა ქალაქში“.

„თავადურის“ მფლობელი იური ჯანაშია ამბობს, რომ მიუხედავად შეკვეთების სიმრავლისა, ამ ეტაპზე რესტორნის დახურვის გადაწყვეტილება მიიღეს.

„ხვალ გვაქვს ბოლო შეკვეთა, ამას მოვისტუმრებთ და დავხურავთ რესტორანს. ქელეხის სუფრაა და უხერხულია, თორემ ამის გაკეთებაც არ გვინდოდა. მოდიან, გვთხოვენ სუფრების გაშლას, მაგრამ ვუხსნი, რომ ეს არ შეიძლება და გვიჯერებენ... ვხურავთ ჩვენი ინიციატივით, თორემ არავის არ უთხოვია და არც შესაბამისი ბრძანება მოსულა“, - თქვა იური ჯანაშიამ.

რესტორანი „ბაგრატიონი“ ჯერჯერობით მუშაობას ჩვეულ რეჟიმში აგრძელებს, თუმცა ადმინისტრაციაში ამბობენ, რომ, თუ ვითარება შეიცვალა, მზად არიან ობიექტი დახურონ.

„შეკვეთები აღებული მაქვს, მაგრამ ყველა გავაფრთხილე, რომ თუ სუფრების აკრძალვაზე ბრძანება მოვა, შეკვეთებს ვერ შევასრულებთ და რესტორანს დავხურავთ“,- აღნიშნა ჩვენთან საუბარში „ბაგრატიონის“ დირექტორმა გოგი გაბეჩავამ.

კორონავირუსთან დაკავშირებით შექმნილი უწყებათაშორისი საბჭოს სხდომაზე მიიღეს გადაწყვეტილება, რომლის თანახმადაც, კაფე-ბარებსა და რესტორნებს ეძლევათ რეკომენდაცია, შეზღუდონ ის ნაწილი, რომელიც დაკავშირებულია მოქალაქეების მომსახურებასთან. როგორც მთავრობის ადმინისტრაციაში გამართულ ბრიფინგზე პრემიერ-მინისტრის მრჩეველმა ირაკლი ჩიქოვანმა აღნიშნა, კაფე-ბარების მფლობელებს ექნებათ საშუალება ოპერირება გააგრძელონ და მოსახლეობას ე.წ. გატანის სერვისი შესთავაზონ.
Print Email
FaceBook Twitter
რ ე კ ლ ა მ ა
გადეცემის თემა -  COVID-19 გავრცელების პრევენცია იძულებით გადაადგილებულ პირთა კოლექტიურ ცენტრებში.
ზუგდიდის მუნიციპალიტეტში მე-3 საჯარო სკოლის სრული რეაბილიტაცია ხორციელდება.
ზუგდიდის მუნიციპალიტეტის მერმა გიორგი შენგელიამ, ზუგდიდის მაჟორიტარ დეპუტატ ედიშერ თოლორაიასთან ერთად, ანაკლიაში მიმდინარე ინფრასტრუქტურული პროექტი დაათვალიერა.
კორონავირუსი
რუხის მრავალპროფილურ კლინიკაში ამ დროისთვის 25 პაციენტი განაგრძობს მკურნალობას. აქედან, 11 კოვიდადასტურებული პაციენტია. საავადმყოფოს კლინიკური დირექტორის ნიკოლოზ ქარცივაძის ინფორმაციით, ყველას პაციენტის
„საზოგადოებრივი ჯანდაცვის ცენტრის“ ინფორმაციით, გუშინ ზუგდიდის ინფექციურ საავადმყოფოში ახალ კორონავირუსზე 266 ნიმუში
როგორც რუხის კლინიკა, ისევე გორის ჰოსპიტალი არის ერთ-ერთი საუკეთესო ქვეყანაში ინფექციასთან ბრძოლის თვალსაზრისით. ამის შესახებ პრემიერ-მინისტრმა პარლამენტში
საზოგადოება
სოციალურმა მედია პლატფორმამ Tik Tok - მა გაასწორა შეცდომა და ახლა აპლიკაციაში აფხაზეთის და ცხინვალის რეგიონები არ არიან მითითებული, როგორც დამოუკიდებელი სახელმწიფოები.
პირველი მეგრულენოვანი სამეცნიერო ხასიათის ჟურნალი „სქანი“ თბილისში უკვე იყიდება.
რუსეთის ქალაქ ყაზანის ,,რუბინის“ 19 წლის ფეხბურთელმა, ხვიჩა კვარაცხელიამ წალენჯიხაში მცხოვრებ შშმ პირებს, სოციალურად დაუცველ, მრავალშვილიან, ხანდაზმულ მარტოხელებს და ვეტერანი ფეხბურთელების ოჯახებს 50 ლარიანი სასაჩუქრე ვაუჩერი გადასცა.
ამავე კატეგორიაში
დღის სიახლეები
28 / მაისი 2020
ორი დღის განმავლობაში ენგურის ხიდზე განთავსებული ე.წ. საკონტროლო - გამშვები პუნქტი 260 - მა ადამიანმა გადაკვეთა.
28 / მაისი 2020
საქველმოქმედო ჰუმანიტარული ცენტრი "აფხაზეთი" რუხში მოხუცთა და ბავშვთა ზრუნვის ცენტრს "ჩემი მორდუ" დაახლოებით 6 თვეში ააშენებს.
28 / მაისი 2020
პრემიერ-მინისტრის ცნობით, 150 მილიონი გამოიყოფა იმისთვის, რომ 1800-მა დევნილმა ოჯახმა ბინები 3 წლით ადრე მიიღოს. ამის შესახებ გიორგი ფახარიამ მშენებლებთან და დეველოპერებთან შეხვედრაზე ისაუბრა.
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 18 °C
img
ფოთი 16 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.