სტატია
ზუგდიდში გზის შეკეთებისას საუკუნოვანი ქვაფენილი გამოჩნდა (ფოტო)
ზუგდიდში, კოსტავას ქუჩის გზის საფარის რეაბილიტაციის პროცესში ძველი, რიყის ქვაფენილით მოკირწყლული გზა გამოჩნდა. გამოკვეთილი ფრაგმენტები საკმაოდ კარგად არის შემონახული, რაც იმის ადასტურებს, რომ თავის დროზე სამუშაოები მაღალ დონეზე შესრულდა.

ზუგდიდელი ისტორიკოსი ლაშა ჯიქია გვიყვება, რომ ქალაქის ცენტრალური ქუჩების რიყის ქვით მოკირწყვლა ჯერ კიდევ 1877 წელს დაიწყო, როდესაც ზუგდიდის მაზრის უფროსად იოსებ მიქაბერიძე დაინიშნა. მისივე თქმით, ასევე საინტერესოა ამ გზის დაგების ცოცხალი ისტორიები - მოქალაქეები თურმე მოხალისეობრივად ერთვებოდნენ ამ პროცესში.

ძველი ზუგდიდი, ბულვარი

„ეს ქვაფენილები და ზოგადად ზუგდიდის ძველი საგზაო ინფრასტრუქტურა უტყუარი ნიშანია ქალაქთმშენებლობის მაღალი დონის. მით უმეტეს ზუგდიდში ბევრ ადგილას არის დაფიქსირებული მიწისქვეშა კომუნიკაციის ნაშთები - წყლის საწრეტი კოლექტორები, კერამიკის მილებისგან შემდგარი წყალმომარაგების საკმაოდ მეტყველი ფრაგმენტები. ეს ყველაფერი ქალაქთმშენებლობის ისტორიისთვის ფასდაუდებელი მატერიალური მასალაა“, - თვლის ისტორიკოსი.

ძველი ზუგდიდი, ავტოსადგომი

ძველი ზუგდიდის საგზაო ინფრასტრუქტურის მოწყობის შესახებ საგაზეთო ცნობებიც მოიპოვება:

,,ახლა აქ ...ალეიაში (ბულვარში) მოდის წმინდა და დიდი წყალი, რომელსაც აქეთ-იქეთ ნაპირები აქვს ამოყვანილი ღობით ანუ ქვებით. წყალზედ არავის ნება არა აქვს ცხენი მოიყვანოს და წყალი ასვას. გაღმა-გამოღმით წყალს ნაპირზედ აქვს კიბეები, საიდანაც კაცს შეუძლია წყლის ამოღება. მშვენივრად გაწმინდეს ხეები ბულვარში. აქ ახლა ვეღარ იპოვის კაცი ღორებსა და ძაღლებს, რომლებიც წინეთ ძლიერ სვრიდნენ ბულვარს და უსიამოვნებას აძლევდნენ კაცსა. დუქანზედ წინ აღარ იპოება ჩამოკიდებული ფარდები, არც აწყვია შეშები და არც ყავრები. მშვენივრად გასწმინდეს, მოკირწყლეს და გააკეთეს ქუჩები, სადაც მანამდის სიარული არ შეეძლო კაცს“, - ვკითხულობთ 1877 წელს გამოცემულ გაზეთი ,,დროებაში".

1893 წელს გაზეთი ივერია (#142) იუწყებოდა, რომ ,,ზუგდიდი დღე-დღეზე  წარმატებაში შედის. ნაცვლად ხის შენობებისა ააგეს ქვის შენობები და ლამაზად გადაჭიმეს ქვის დუქნები, სახლები, ქარვალსები, გზები“. 

1894 წელს, ასევე გაზეთ ,,ივერიის“ (#13) ფურცლებზე ცნობილი მეურნე გიორგი ჩიჩუა წერდა: ,,თვით დაბა ზუგდიდი, მას შემდეგ, რაც მამული შეისყიდეს თავად ნიკოლოზისგან აქაურმა ვაჭრებმა, საკმაოდ გაშენებულა და მრავალი ქვითკირის მაღაზიები აუგიათ, ორსართულიანი ქვითკირის სახლები  აუშენებიათ და რამდენიმე ქუჩა გაუყვანიათ.“ 

ძველი ზუგდიდის ქუჩა

საბჭოთა ოკუპაციის შემდეგ, გასული საუკუნის 20-30-იან წლებში ზუგდიდის ქუჩების რიყის ქვაფენილით კეთილმოწყობა გაგრძელებულა. ამისთვის თურმე რამდენიმე ურემი სისტემატურად ეზიდებოდა ქვებს მდინარეებიდან.

მასალაში გამოყენებულია ჩვენამდე შემონახული ამ პერიოდის ძველი ზუგდიდის ქვაფენილიანი გზების ფოტოები. 


Print Email
FaceBook Twitter
რ ე კ ლ ა მ ა
65 წლის ნანი საღრიშვილმა ჩეხეთის კარიტასის მიერ აშენებული "ზუგდიდის სკრინინგ ცენტრის" წყალობით, მკერდის სიმსივნე ადრეულ ეტაპზევე აღმოაჩინა და დაავადების დამარცხებაც შეძლო.
"ეიპიემ ტერმინალს ფოთი" - სს "კორპორაცია ფოთის საზღვაო ნავსადგური", ადგილობრივი მეწარმეობის მხარდასაჭერად 2021 წლის 4 თებერვლიდან ახორციელებს მცირე ბიზნესის წახალისებისა და ხელშეწყობის პროგრამას "ეიპიემ ტერმინალსი ფოთისთვის" (APMTerminals4Poti).
ზუგდიდის სკრინინგ ცენტრს ჩეხეთის რესპუბლიკის კარიტასის ჰუმანიტარული დახმარების განყოფილების ხელმძღვანელი იჟი სკვორი ესტუმრა.
კორონავირუსი
სამეგრელო-ზემო სვანეთის სამხარეო ადმინისტრაციის ინფორმაციით, რუხის რესპუბლიკურ საავადმყოფოში ვაქცინაციის პროცესი აქტიურად მიმდინარეობს. ამავე ცნობით, რუხთან ერთად ვაქცინაცია რეგიონის კიდევ 12 სამედიცინო დაწესებულებაშია შესაძლებელი.
გასული დღე-ღამის განმავლობაში აფხაზეთში კორონავირუსზე ტესტირება 392 ადამიანს ჩაუტარდა და გამოვლინდა ინფიცირების 98 ახალი შემთხვევა.
ბოლო 24 საათის განმავლობაში საქართველოში კორონავირუსით ინფიცირების 3 670 ახალი შემთხვევა გამოვლინდა, მათ შორის - 190 სამეგრელო-ზემო სვანეთში.
საზოგადოება
რა თქმა უნდა ეს არის მორიგი წარუმატებელი შეთქმულება სახელმწიფოს წინააღმდეგ ანტისახელმწიფოებრივი და ანტიეკლესიური ძალების მიერ.
დღეიდან ჟენევის საერთაშორისო მოლაპარაკებების 53-ე რაუნდი იწყება. მთავარი საკითხი ოკუპირებულ ტერიტორიებზე
2015 წლის 13 ივნისს თბილისში მომხდარი ტრაგედიიდან  ექვსი წელი გავიდა. სტიქია მდინარე ვერეს ადიდებამ და ბეთანიის გზაზე წარმოქმნილმა მძლავრმა მეწყერმა გამოიწვია.
ამავე კატეგორიაში
დღის სიახლეები
05 / აგვისტო 2021
სამეგრელო-ზემო სვანეთის სამხარეო ადმინისტრაციის ინფორმაციით, რუხის რესპუბლიკურ საავადმყოფოში ვაქცინაციის პროცესი აქტიურად მიმდინარეობს. ამავე ცნობით, რუხთან ერთად ვაქცინაცია რეგიონის კიდევ 12 სამედიცინო დაწესებულებაშია შესაძლებელი.
05 / აგვისტო 2021
გასული დღე-ღამის განმავლობაში აფხაზეთში კორონავირუსზე ტესტირება 392 ადამიანს ჩაუტარდა და გამოვლინდა ინფიცირების 98 ახალი შემთხვევა.
05 / აგვისტო 2021
აფხაზეთის დე ფაქტო რესპუბლიკის საგარეო საქმეთა სამინისტრო საქართველოს სახელმწიფო მინისტრის თეა ახვლედიანის მიერ უწყების სტრატეგიის წარდგენისას
გემრიელი ისტორიები
მთავარი საინფორმაციო გამოშვება
ჩვენი თვითმმართველობა
არქივი
«« აგვისტო 2021 »»
262728293031 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
ამინდი
ზუგდიდი 24 °C
img
სოხუმი 25 °C
img
ფოთი 26 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.